قانون المرور الجديد و طفاية الحريق ...

[hishamnasr]

في سؤال بخصوص طفاية الحريق . انا معايا طفاية حريق مكتوب عليها رقم موتور سيارتي القديمة (الرقم الذي بيدق عليها ) وانا حاطة الطفاية بتاعة العربية القديمة في عربيتي الجديدة يعني معيش طفاية برقم موتور العربية الجديدة .

السؤال هل لو تم توقيفي في لجنة وسألوني عن الطفاية وطلعت الطفاية برقم الموتور القديم هل يتم اجراء مخالفة ليه .

[banboty]

لا اعتقد انه هيكون هناك تدقيق على الارقام المدموغة اثناء وجود لجنة مرور و خاصة اذا كانت داخل المدينة .الا اذا كان معاهم مهندس و حب يغلس ..

التدقيق بيكون وقت الفحص في المرور

[Islam_galal]

بس حضرتك رخصت العربية إزاي أصلا من غير طفايه

[tamera]

بس حضرتك رخصت العربية إزاي أصلا من غير طفايه

ممكن يكون باع عربيته واشترى عربية مش زيرو ولسه مرخصهاش يعني ماشي بتوكيل

[mody_halawa]

بس حضرتك رخصت العربية إزاي أصلا من غير طفايه

انا عملت نفس الموضوع مع عربيتى الجديدة اخدت الطفاية القديمة وروحت رخصت بيها العربية الجديدة

[dr_abooody]

انا رخصت العربية و مسأل على اي طفايات بس الكلام دة من 3 سنين

و بعدين مش المفروض ان الواحد يبقى معاة طفاية و خلاص مش لازم يكون عليها رقم العربية

[mody_halawa]

بتهيالى مش لازم الرقم دة المهم يكون فى طفاية وخلاص

[mazen86]

لأ اوضح النقطة دي

لازم يكون رقم الشاسية او بعض ارقام منه محفورة علي الطفاية

[dr_abooody]

ما اعتقدش لأنك في المرور بتشتري طفاية علطول بتكون في علبتها و لا حد يقولك رقمك كام هي طفاية و خلاص

[Islam_galal]

لازم يا جماعه بعد ما تشتري الطفاية يدمغ عليها رقم شاسيه العربيه ، ده أساسي من اجراءات الترخيص
لكن في اللجان بيشوفها بس ، انما لو حب يغلس و يدور علي رقم الشاسيه - من حقه

الطفايه القديمة عمرها خمس سنوات بتحتاج شهادة صلاحيه من بافاريا أو تشتري واحدة جديدة و برضه بتحط عليها رقم شاسيه العربيه الجديدة

في ناس بتخلص مع المسئول عن الطفايات و تلغي كل اللي فوق بس بصراحة دي رشوة صريحة