ســــــــــــــــؤال مهم في الطفاية ... !!!

[dr_abooody]

انا بعد يومين هروح هجدد ترخيص العربية
بس عندي طفاية مش شغالة صلاحيتها خلصت

هل حد يعرف اروح املاها منين و بكام

و لو هضطر اشتري واحدة جديدة بتتباع بكام و اية ارخص مكان اجيب منه

مستني الردود الجميلة

[cobraa2008]

بس انت ممكن تشتري واحدة من اي حد بيبعها في المرور وحسب ما افتكر اناه ب50 جنيه دلوقتي موش عارف بكام

[magedomran]

انا لسه شارى طفايه جديدة من اسبوع كانت بـــ 120 جنيه انتاج 2008

[M!NA]

بالمناسبة ديه ليا سؤال

لو في كمين و سألوا عن الطفاية هل لازم تكون في متناول اليد؟ ولا ممكن في الشنطة عادي؟

عشان في آراء كتير اتضاربت في الموضوع ده و في ناس قالوا أن المرور ممكن يتلكك لو مكانتش جمبك أو تحت كرسيك أو كدا

[mobitic]

أعتقد أنك ممكن تملاها تانى بـ 25 جنيه بس ده عندنا فى الصعيد يعنى ممكن فى القاهرة يكون أقل بشوية

وعلى فكرة انا سمعت فعلا انها لازم تكون فى متناول اليد مش فى الشنطة

[Adham]

طفاية بافاريا تيجرا ب 121.5 جنية

و ملوها يبقى من شارع الجمهورية (تغيير خرطوشة او مليء بودرة)

[iBiZa]

بس انت ممكن تشتري واحدة من اي حد بيبعها في المرور وحسب ما افتكر اناه ب50 جنيه دلوقتي موش عارف بكام

يا باشا الكلام دة ايام ما كان الرغيف ب شلن

لو في كمين و سألوا عن الطفاية هل لازم تكون في متناول اليد؟ ولا ممكن في الشنطة عادي؟

لازم فى متنوال اليد, انا حاططها تحت الكرسى اللى جمبى من ورا فا مش هتدايق حد و مش هتحس بيها اصلا

و ملوها يبقى من شارع الجمهورية (تغيير خرطوشة او مليء بودرة)

و ممكن من بافاريا جسر السويس قريب من سوق القنال

[dr_abooody]

طفاية بافاريا تيجرا ب 121.5 جنية

و ملوها يبقى من شارع الجمهورية (تغيير خرطوشة او مليء بودرة)

انا اللي معايا بفاريا وعايز املاها
فين شارع الجمهورية دة

[dr_abooody]

يا جماعة محدش يعرف فين شارع الجمهورية

[l0new0lf]

ana 3amalt fa7s letafaya ele 3ande we khatamt 3aleha min wa7ed bta3 tafayat welama ro7t elfa7s esana ele fatet maredyosh beha alo lazem teshtere wa7da gdeda ma3 neaha mashta'3aletsh khales, tab3an alo sa3etha en etafaya maximum 3 sneen, wana bagaded kol 3 sneen, mesh 3aref ekalam da sa7 wala '3alat, bas tab3an etaret ashtere wa7da min elmoror. methaya2le heateshtere ya3ne hateshtere zay ma7asal ma3aya

[ahmedsrs]

ياباشا متملاش الطفاية غيرها احسن الملو مبينفعش مش هتلاقيها فى المواقف الصعبة ده نمرة واحد نمرة اثنين الطفاية لها صلاحية محفورة عليها لمل بتنتهى حتى لو ماليها مبيرضوش بيها وهى فعلا فى حدود 120 جنيه وهتها من غير عداد عشان لو بعداد هيقعد يبصلك على العداد فى كل حملة

[dr_abooody]

اصل الطفاية الجديدة غليت بقت ب 122 ج استغلال و الله و كمان دة طفاية صغيرة اخرها 50 ج

[Dr.Tarek]

شارع الجمهوريه من ميدان رمسيس ألي مبدان الأوبرا

[drhaytham]

ياباشا متملاش الطفاية غيرها احسن الملو مبينفعش مش هتلاقيها فى المواقف الصعبة ده نمرة واحد نمرة اثنين الطفاية لها صلاحية محفورة عليها لمل بتنتهى حتى لو ماليها مبيرضوش بيها وهى فعلا فى حدود 120 جنيه وهتها من غير عداد عشان لو بعداد هيقعد يبصلك على العداد فى كل حملة

معلش الكلام دة مش صحيح لان الملو بيرجعها جديدة عن طريق :
1- تغيير جسم الطفاية اذا كان فات علية اكتر من 5 سنين وبيكون علية تاريخ السنة2008 مثلا
2-ملوها بالبودره وتتغيير الخرطوشة الداخلية
ودا كله في حدود خمسين جنية في بافاريا في شارع عماد الدين
وكدة ارخص من شراء واحدة جديدة وبتكون كانها جديدة

[chihab18]

اعاده ملي الطفايه يكون في اقرب مركز دفاع مدني ( وحده مطافي رئيسيه ) بمنطقتك والرسم 20 جنيه
او شراء طفايه بافريا جديده من التوكيل ب 95 جنيه
ولو الطفايه سليمه خلاص خايف من ايه