إعـــــــلان

Collapse

.

,
See more
See less

بركات القانون الجديد (نصيحة مهمة جدااااا لكل الأعضاء)

Collapse
X
 
  • Filter
  • الوقت
  • Show
Clear All
new posts

  • بركات القانون الجديد (نصيحة مهمة جدااااا لكل الأعضاء)

    الحمد لله رجعت لأرض الوطن بعد غياب 5 أيام غربة في دولة شرم الشيخ الشقيقة (فعلا دولة داخل الدولة) في رحلة عمل على أجازة.
    المهم بدون الدخول في تفاصيل اليوم اللي قررت أخرج فيه أروح البحر الصبح بدري كان الساعة 9 الصبح وكان بيبقى فيه دائما لجنة للمرور في الإتجاهين عند مدخل خليج نعمة بس لجنة من اللجان السوبر رخمة:) لأنهم بيدققوا على كل حاجة (رخص وأمن ومتانة وطفاية وجزام وأنوار وكل ماتتخيله).المهم كنت بعدي عليهم كل يوم ومكنش بيحصل حاجة لحد اليوم المشؤم ده الضابط وقفني شخصيا وشاف الرخص وبعدين العسكري لف حوالين العربية ورجع قاله النمر ياباشا فالضابط قالي إركن وفعلا ركنت وتزلت قالي النمر عندك مش واضحة وهنسحب الرخص المهم كان معايا إبن خالي ضابط نزل عرفه بنفسه فالضابط قاله معلش أنا مش هقدر أعمل حاجة علشان مدير الأمن شخصيا هو اللي واقف في اللجنة وشاور عليه.المهم من هنا لهنا الضابط قالنا ليكم 3 أيام ممكن تعمل فيهم تصالح وتدفع الغرامة وتاخد الرخص يا إما بعد كده هتترحل الرخص لإدارة المرور التابع ليها وتدفع الغرامة مضاعفة.وطبعا علشان يجامل إبن خالتي قاله مدير الأمن ماشي الساعة واحدة تعلالي الإدارة ونعمل مصالحة وتمشوا.وفعلا العسكري كتب الوصل وخدناه ومشينا.
    المهم وده أهم نقطة في الموضوع لما أخد الوصل ببص فيه ومكتوب إسم الضابط (نقيب ...........) وسبب سحب الرخصة طمس لوحات.
    المهم رحنا الساعة واحدة المرور ودخلت أنا الأول بسأل على إسم النقيب لقيت كل العساكر بصولي بإستغراب وقالولي مفيش حد بالإسم ده هنا.قولتلهم إزاي طيب الوصل ده بتاع مين؟؟المهم قالولي النقيب ده كان هنا فعلا من 3 سنين وإتنقل نويبع!!!!!!!!!!!تخيلوا الصدمة اللي كنت فيها.طبعا أول حاجة جت في بالي إن الرخص كده ضاعت خلاص:) المهم كلمت إبن خالي جه دخل للضابط الموجود وحكاله الموضوع فالضابط قاله فعلا مفيش حد بالإسم ده هنا.والمفاجئة التانية كمان إن العسكري كتب سبب المخالفة طمس لوحات وديه ملهاش تصالح أبدا ولازم تفخص العربية من أول وجديد وكان المقروض إنه يكتب عدم وضوح لوحات مش طمس.
    المهم من هنا لهنا الضابط عدل الوصل وكتب عدم وضوح لوحات وكمان عرفنا إسم الضابط اللي سحب الرخصة والحمد لله خدنا الرخص ومشينا وطبعا الكلام ده كان على الساعة 3 ولا حاجة.
    شوفتوا المسخرة اللي إحنا فيها.بيخلوا عسكري يكتب المخالفات وهو أصلا ميعرفش حتى إسم الضابط اللي شغال معاه وكمان كاتب مخالفة تخليني ألف كعب داير علشان أرجع الرخص.
    أنا مش لاقي أي حاجة أقولها غير حسبي الله ونعم الوكيل.
    نصيحة لو حد لا قدر الله إتسحبت رخصته يبقى بتأكد من إسم الظابط والمخالفة حتى لو الظابط هو اللي كاتب الوصل.

  • #2
    يا نهار ابيض ده انت ربنا بيحبك انها عدت كده، بس بجد مسخره موضوع العسكرى الى مش عارف اسم الظابط و مش المفروض ان اسم الضابط بيكون مختوم على الوصل.
    م / احمد فوزى

    Comment


    • #3
      اظاهر وصولات قديمة مختومة باسم الباشا القديم
      يمكن طلعوها لأن مافيش دفاتر تكفي الهبل اللي بيعملوه في الناس
      [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

      Comment


      • #4
        المشاركة الأصلية كتبت بواسطة Ahmed Samy مشاهدة المشاركة
        اظاهر وصولات قديمة مختومة باسم الباشا القديم
        يمكن طلعوها لأن مافيش دفاتر تكفي الهبل اللي بيعملوه في الناس
        زميلى فى الشغل كان والده عضو مجلس شعب و لما توفى كعادة الناس فى مصر الشركة كلها قلبت عليه و ظبطوه خصومات و جزاءات و للحق برضه الاخ مستهتر
        المهم انه ليه ظابط مرور معرفة جامدة فوصاه على المدير بتاعه امه يعمله مخالفات مضروبة و فعلا حصل و الراجل راح يجدد لقى عليه 15000 مخالفات


        صباح الفل
        [CENTER][SIZE=6][COLOR=darkslateblue] [/COLOR][/SIZE][/CENTER]

        Comment


        • #5
          مش مصدقة نفسي !!!!!

          بجد لا تعليق !!

          لأ فى تعليق " حسبي الله و نعم الوكيل "

          و بعدين ظابط منقول عاملك مخالفة و اخد الرخص و مشي؟؟؟؟؟؟؟؟ ايه الجنان دة ؟ بجد بجد حسبي الله و نعم الوكيل انهم يخلوك تلف اللفة السودة دى على الرخص !
          [SIZE="2"]i'll miss everyone[/SIZE]

          Comment


          • #6
            يبقي انت اكييييد اكيييد في مصر تربتنتن تربنتنتن يبقي انت اكيدييد اكيييييييد في مصر تررررلململم يا حلاااوة

            عادي يا باشا علي رأي ابراهيم نصر كشكشها ما تعرضهاااااش

            هقوول ايه غير يخرب بيت اللي يقدر يهاجر و يطفش من البلد و لسه قاعد فيها
            انا عن نفسي اتمني انهم يضموا قنا و اسوان للسودان و يرحمونا من اللي احنا فيه دا

            ياااااااااااااااااااااااا رب انت اعلم بالحال افرجها من عندك يا كريم ما فيش غيرك يقدر يعمل حاجة
            خلاااااااااااااااااااااااص انا بصراحة رفعت الراية البيضا و السودا و كل الرايات للحكومة العبقرية دي
            [CENTER][SIZE=2]ياااااااااااااا رب [/SIZE][/CENTER]

            Comment


            • #7
              المشاركة الأصلية كتبت بواسطة Noha-M مشاهدة المشاركة
              مش مصدقة نفسي !!!!!

              بجد لا تعليق !!

              لأ فى تعليق " حسبي الله و نعم الوكيل "

              و بعدين ظابط منقول عاملك مخالفة و اخد الرخص و مشي؟؟؟؟؟؟؟؟ ايه الجنان دة ؟ بجد بجد حسبي الله و نعم الوكيل انهم يخلوك تلف اللفة السودة دى على الرخص !
              لأ الموضوع مش كده يا أستاذه نهى.
              الموضوع إن كان في ضابط شغال في مرور شرم من 3 سنين إسمه (أحمد X .....) وإتنقل نويبع.وجه ضابط تاني اللي هو سحب رخصتي إسمه (محمد X .....) بس هو مش معروف بلقب X.المهم العسكري كتب الوصل بإسم الضابط اللي إتنقل من 3 سنين ولما رحت المرور محدش عرف الضابط اللي سحب مني الرخصة غير لما أنا شفته معدي بالصدفة وشاورتلهم عليه:) لأنهم ميعرفوهوش بلقب X زي الضابط اللي إتنقل ممن 3 سنين.
              على فكرة دفتر الوصولات كان فاضي والمفروض إن الضابط هو اللي يملى الوصل بنفسه ويختمه لكن في حالتي أنا الضابط كان هو اللي واقف في الكمين ويبعت الرخص للعسكري هو اللي يكتب.

              Comment


              • #8
                الف شكر على التحذير
                [SIZE="4"][COLOR="Blue"]Goodle[/COLOR][/SIZE]

                [SIZE="4"][COLOR="Blue"]محمد عبد الجواد[/COLOR][/SIZE]

                [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
                [url]http://www.nilemotors.com/Nile/showthread.php?t=29892[/url][/COLOR]


                [CENTER][SIZE="4"]مصر يامّة يا سفينة :)
                شكلك كده.. هاتغرقينا :)[/SIZE][/CENTER]

                Comment


                • #9
                  بجد حاجة تخنق انا والله نازل مصر قريب ومقلق من الحوارات التعبانة دي

                  ربنا يسترررررررررررررررررر
                  [COLOR="Purple"][FONT="Comic Sans MS"][SIZE="4"]ERROR[/SIZE][/FONT][/COLOR]

                  Comment


                  • #10
                    المشاركة الأصلية كتبت بواسطة elpasha009 مشاهدة المشاركة
                    لأ الموضوع مش كده يا أستاذه نهى.
                    الموضوع إن كان في ضابط شغال في مرور شرم من 3 سنين إسمه (أحمد X .....) وإتنقل نويبع.وجه ضابط تاني اللي هو سحب رخصتي إسمه (محمد X .....) بس هو مش معروف بلقب X.المهم العسكري كتب الوصل بإسم الضابط اللي إتنقل من 3 سنين ولما رحت المرور محدش عرف الضابط اللي سحب مني الرخصة غير لما أنا شفته معدي بالصدفة وشاورتلهم عليه:) لأنهم ميعرفوهوش بلقب X زي الضابط اللي إتنقل ممن 3 سنين.
                    على فكرة دفتر الوصولات كان فاضي والمفروض إن الضابط هو اللي يملى الوصل بنفسه ويختمه لكن في حالتي أنا الضابط كان هو اللي واقف في الكمين ويبعت الرخص للعسكري هو اللي يكتب.
                    دة خير دليل على ان x مش ممكن ينتهى
                    م/على إبراهيم

                    Comment


                    • #11
                      المشاركة الأصلية كتبت بواسطة elpasha009 مشاهدة المشاركة
                      لأ الموضوع مش كده يا أستاذه نهى.
                      الموضوع إن كان في ضابط شغال في مرور شرم من 3 سنين إسمه (أحمد X .....) وإتنقل نويبع.وجه ضابط تاني اللي هو سحب رخصتي إسمه (محمد X .....) بس هو مش معروف بلقب X.المهم العسكري كتب الوصل بإسم الضابط اللي إتنقل من 3 سنين ولما رحت المرور محدش عرف الضابط اللي سحب مني الرخصة غير لما أنا شفته معدي بالصدفة وشاورتلهم عليه:) لأنهم ميعرفوهوش بلقب X زي الضابط اللي إتنقل ممن 3 سنين.
                      على فكرة دفتر الوصولات كان فاضي والمفروض إن الضابط هو اللي يملى الوصل بنفسه ويختمه لكن في حالتي أنا الضابط كان هو اللي واقف في الكمين ويبعت الرخص للعسكري هو اللي يكتب.

                      يعني الباشا الكبير مستكبر يروح يعمل المخالفة بنفسه!!!!
                      معلش باة المهم ان الرخصة رجعت و الحمد لله


                      طيب انا ازاز عربيتي مكسور ممكن حد يقولى امن و متانة و يدفعنى مخالفة و هتبقي فى حدود كام؟
                      [SIZE="2"]i'll miss everyone[/SIZE]

                      Comment


                      • #12
                        طيب انا ازاز عربيتي مكسور ممكن حد يقولى امن و متانة و يدفعنى مخالفة و هتبقي فى حدود كام؟
                        ايون
                        لو ضابط رخم
                        حيتقال امن و متانه
                        و الرخص حتتسحب .
                        ممكن تصوري الزجاج و وريهولي كده اقولك اذا كان ممكن تعدي ولا لاء
                        و تروحي المرور تفحصي العربيه
                        بس طبعا بعد ما تكون صلحتي سبب المخالفه

                        Comment

                        Working...
                        X