انا اتثبت ياجماعه (ميرى)

[mrghost]

السلام عليكم ورحمة الله
انا كنت بصيف الاسبوع اللى فات فى جمصه جيت يوم بالليل قلت اطلع رأس البر اسهر هناك شويه وصلت هناك الساعه 2 بالليل لقيت كمين قبل اللسان واقف فيه عدد 3 عميد واتنين ملازم اولا وامين شرطه (ناقصهم 2 عساكر ويعلنوا الحرب ) كنت لابس الحزام وشلت الملصقات من 1 8 2008 بعد ماعرفت ان القانون الجديد هيطبق خلاص المهم لقيت عميد بيشاور على عربيتى طبعا الملازم اول وقفنى وقاللى رخصك خدها وقاللى اركن على جنب نزلت لقيته بيقولى مخالفه لوحات سوداء علشان النمر عندى اسود فى ابيض قعدت اتحايل على العميد مفيش فايده قاللى بالحرف الواحد انا مدير المرور وكله زى بعضه يا اما تدفع غرامه فوريه (150 جنيه ) او اسحب الرخص ماكنش معايا فلوس طبعا خدت الوصل وصحيت تانى يوم من النجمه وطلعت على مرور دمياط فضلت مستنى الظابط اللى خد الرخصه لحد ما جه قولتله الغرامه كام قاللى هو كمان 150 جنيه دفعتهم وخدت الوصل اكتشفت بعد مارجعت ان الوصل مكتوب فيه 50 جنيه فقط يعنى مصلح منى 100 جنيه واللى قالى الغرامه 150 جنيه هو والعميد مش عارف ياجماعه اعمل ايه طبعا انا قعدت ادعى عليه والله لانه حرامى هو واللى مشغله طبعا انا رجعت دلوقتى مصر وكمان ماقلتش لوالدى ان الرخص اتسحبت علشان هايفضل يقوللى انت اللى عملت النمر وكده يعنى طبعا فاهمين بس بصراحه نفسى اشتكى الظابط ده

[ahmedetch]

حسبي الله و نعم الوكيل ....يعني كل الرتب دي و بتسرق 100 جنيه (وابو قسم طبعا)
والله انا رايي لو تعرف اي طريقة تشتكيه بيها اشتكيه..

[Jato.33]

أنا شايف إن حضرتك تحمد ربنا وتبوس أيدك وش وضهر لأنك كان ممكن تتثبت في أكتر من كده يعني قدرت على الملصقات ومقدرتش على النمر السودا
ربنا يعوض عليك

[mrghost]

الحمد لله على كل شئ بس ياجماعه خلوا بالكوا علشان مايحصلكوش اللى حصلى انا كمان واخد الفلوس من اختى والله يعنى سالف الفلوس علشان هو يسرقهم ويقسم مع الحرامى الكبير

[sasatony]

قدر الله وماشاء فعل
كفاية انك تدعي عليهم
وتستعوض ربنا في المال الي سرقوه منك

[mrghost]

الحمد لله على كل شئ

[MoToRiZeR]

إتصل بالإدارة العامة للمرور نمرها في موضوع هنا في المنتدي و إعمل شكوي
و بالإسم طبعا .. أكيد الإسم مكتوب في الوصل

و قولهم إنك برضه هتعمل شكوي في إدارة التفتيش و هتبعت شكوي للوزير و هترفع الشكوي لأعلي المستويات و إنك هتبعت لبرامج في التليفزيون

بالمناسبة هي النمر كانت سودة ولا إنت اللي عاملها سودة؟

[sab3aawy]

لسة حاصلة معانا فى راس البر(بس مش عربيتى، عربية صديق لى من محبى المنظرة)وكع ال 150 جنيه زى الباشا

[islamnabil]

انا متهيألي ان الايصالات دي قديمة والقانون الجديد غير قيمة المخالفة
فممكن الموضوع مايبقاش نصب ولا حاجة
والله اعلم

[Rsarabia]

إتصل بالإدارة العامة للمرور نمرها في موضوع هنا في المنتدي و إعمل شكوي
و بالإسم طبعا .. أكيد الإسم مكتوب في الوصل

و قولهم إنك برضه هتعمل شكوي في إدارة التفتيش و هتبعت شكوي للوزير و هترفع الشكوي لأعلي المستويات و إنك هتبعت لبرامج في التليفزيون

بالمناسبة هي النمر كانت سودة ولا إنت اللي عاملها سودة؟

ولا هيحصل اى حاجة مفيش اى اثبات انه دفع 150 جنيه يا جميل هو مكتوب فى الورق 50 جنيه و هو دفع 150 الراجل حط 50 جنيه فى الخزينة وضرب ال 100 جنيه عشان يقسموها طيب ايه الدليل على انه دفع 150 جنيه ؟؟ ولا هيحصل اى حاجة استعوض ربنا فى فلوسك و على فكرة انت غلطان مرتين مرة عشان ملتزمتش بالقانون و سبت ناس زى دى فرصة تاخد منك فلوس و الغلطة التانية انك حتى مكلفتش نفسك تبص فى القسيمة امال حضرتك بتدفع فلوس بناء على ايه ؟؟؟ و دى مشكلة عامة مش مشكلتك لوحدك ربنا معانا

[mrghost]

شكرا ياجماعه على الردود بس انا اصلا كنت مستعجل علشان كده مابصتش فى الوصل وقدر الله وما شاء فعل