التأمين والتوكيل

[iunknown]

موضوع مش عارف موجود في كل مكان ولا لأ

النهاردة الصبح عملت حادثة (قدر الله وما شاء فعل) نتج عنها ان الاكصدام تقريبا وقع هو والفانوس الشمال والرفرف فيه حكة جامدة والكبود فيه حتة متنية اللي بتبقى فوق الفانوس على طول


رحت التوكيل(مصرية فرع قليوب) بعد ما كلمت كونتاكت

الراجل بتاع المعاينة بكل بساطة اي حاجة مخدوشة كتب انها عايز تتغير

مهندس التأمين هيروح يعاين السبت ان شاء الله وأتوقع ان الحاجة اللي مش مهروسة تماما كناجازاكي هيرفض تغييرها

مين الحكم لو اختلفوا

يعني لو فيه جزء التوكيل قال يتغير والتأمين قال لأ ده ممكن يتصلح كلام مين اللي بيمشي
وصاحب العربية ايه موقفه في النص

اخوكم لسه اول عربية وأول حادثة (ربنا يستر طريقنا جميعا) مش عارف التصرف بيكون ازاي

[دموع الثلج]

قدر الله وماشاء فعـــــــل اولا حمد لله على سلامتك وان شاء الله عربيتك ترجع احسن من اول

اولا صاحب العربيه ملهوش انه يقرر بالنسبه للتصليح او التغير

المهندس بتاع التوكيل بيعمل المقايسه ويجى الشخص بتاع شركه التامين يعمل المعاينه

ويتناقشوا فى ايه اللى ينفع يتصلح وايه اللى لازم يتغير

عمليه شد وجذب التوكيل عاوز كل شى يتغير واكيد التامين عاوز العكس
لحد ما يستقروا على حل وترفع المقايسه دى وعلى اساسها تتصلح العربيه

نصيحتى لك عشان هى حصلت معايا قبل كده شوف لك حد معرفه فى التوكيل ضرورى
العلاقه بين مهندسى التوكيل وموظفى شركه التامين علاقه تظبيط ومجاملات فى بعض الاوقات واللى المهندس عاوز يعمله بيقوله لبتاع التامين وكلمتين حلوين منه ودى عربيه قريبى ومش عارف ايه وعلى اساسه بيوافق على المقايسه
بص انا كان عندى خبطه وكسر فى الاكصدام الخلفى هى تتصلــــــح بسيطه رحت التوكيل لمهندس معرفه عمل لى مقايسه بتغير الاكصدام وجاه بتاع المعاينه قال دى ممكن تتصلح بكلمتين من المهندس راح الشخص بتاع شركه التامين كاسر الاكصدام بايده وانا واقفه خلاه مينفعش يتصلح ومصوره وقال يتغير بس بكل بساطه

[iunknown]

ربنا يخليكي

هي المشكلة بس اني مش هكون موجود اثناء معاينة العربية من مهندس التأمين

ربنا يستر