ايه احسن شركة تامين؟؟

[A_Mando]

مساء الخير

كل سنة و انتم طيبين و رمضان كريم:).

انا كنت بستفسر ايه احسن شركة تامين من ناحية قيمة التامين و كمان الى بخده منها مقابل ده يعنى تامين شامل و لحد اد ايه ممكن يدفعوا لقدر الله فى حالة الحوادث .. يعنى كل التفاصيل الى متعلقة بالموضوع ده معلش اصلى اول مرة اشترى عربية و اءمن عليها مع العلم انى هاشترى كاش ان شاء الله .. و جزاكم الله كل خير.

[A_Mando]

بجد مش مصدقة ان ما فيش حد عايز يساعدنى !!!!!!!!!

[R A N A]

بصي ياستي هي المسألة مش مسألة ان مفيش حد عايز يساعدك ولا حاجة بالعكس الناس هنا كلهم متعاونين جدا وعمرهم مابخلوا علي اي حد بإجابة سؤال بس تلاقيهم مش فاضيين عشان رمضان او وراهم مشاغل يعني نعذرهم شوية.
بالنسة ليا برده انا كنت بسأل عن الموضوع ده وجه كتير في بالي مع اني لسة مشترتش زيرو بس بفكر يعني بس سمعت ان شركة كونتاكت كارز تأمينهم محترم اوي بس غالي شوية تقريبا نسبة 4.25% ل 4.5% من تمن العربية عشان مميزاته اكتر طبعا ولو حضرتك عملتي بحث في المنتدي عن التأمين هاتلاقي ناس كتير جربت التعامل وبتحكي تجاربها مع الشركات دي وتقدري تحكمي بنفسك وتختاري.
بالنسبة للتأمين بتاع كونتاكنت لو محتاجة تعرفي تفاصيل اكتر عنه انا بعتلك لينك الموقع علي الخاص عشان مينفعش اكتبه في العام هنا عشان قواعد المنتدي.

[amir]

طيب
عند سمير الريان بتوع التامين بيتكلمو في 2.25 % في مقابل ان العربيه لو لتخبطت بروح اسيبهالهم و في ظرف اسبوع تكون اتصلحت و طبعا دي الجمعيه المصريه ايه رأيكو؟

[MoToRiZeR]

انا لغاية دلوقت مشوفتش حد بيشكر في شركة تأمين بصراحة
و انا عن نفسي ليا تجربة سيئة مع الجمعية المصرية للتأمين لذلك تجنبيها

[tutankhamoun]

طيب
عند سمير الريان بتوع التامين بيتكلمو في 2.25 % في مقابل ان العربيه لو لتخبطت بروح اسيبهالهم و في ظرف اسبوع تكون اتصلحت و طبعا دي الجمعيه المصريه ايه رأيكو؟

نفس الكلام قيل لي في عز العرب عند تأمين سيارتي
و لكني اﻵن و بعد قصة الأستا ذ حسين المحزنة مع الجمعية المصرية للتأمين و عز العرب
لا أثق في هذا الكلام إطلاقا و الجمعية المصرية دي الكل بيذم فيها و محدش شكر فيها خالص
و ربنا يستر طريقنا يارب

[amir]

نفس الكلام قيل لي في عز العرب عند تأمين سيارتي
و لكني اﻵن و بعد قصة الأستا ذ حسين المحزنة مع الجمعية المصرية للتأمين و عز العرب
لا أثق في هذا الكلام إطلاقا و الجمعية المصرية دي الكل بيذم فيها و محدش شكر فيها خالص
و ربنا يستر طريقنا يارب

طيب و ايه الحل يا اخ توت
الجمعيه المصريه تعتبر ارخص بديل في مقابل سوء و بطء خدماتهم عند الحاجه اليها
الباقي زي كونتكت و اللينز اسعارهم فلكيه بالمقارنه معاها ( اظن 1.5% الجمعيه و الباقي تتراوح من 3% الي 4% تقريبا)
مش عارف بس مش مطمن و انا ماشي في وسط سواقين ميكروباص يحلو طبليه عشماوي في عينيك ده غير انصاف السائقين و الانهيار التام في قواعد المرور كل ده مخلي كل مشوار ليا قلق, انا عايز ائمن علشان لا قدر الله حصلت حادثه الاقي المساعده

[tutankhamoun]

طيب و ايه الحل يا اخ توت
الجمعيه المصريه تعتبر ارخص بديل في مقابل سوء و بطء خدماتهم عند الحاجه اليها
الباقي زي كونتكت و اللينز اسعارهم فلكيه بالمقارنه معاها ( اظن 1.5% الجمعيه و الباقي تتراوح من 3% الي 4% تقريبا)
مش عارف بس مش مطمن و انا ماشي في وسط سواقين ميكروباص يحلو طبليه عشماوي في عينيك ده غير انصاف السائقين و الانهيار التام في قواعد المرور كل ده مخلي كل مشوار ليا قلق, انا عايز ائمن علشان لا قدر الله حصلت حادثه الاقي المساعده

ما هو زي ما بيقولوا الغالي ثمنه فيه
و بصراحة الحل الوحيد
هو
اعدام كل سائقي الميكروباص و التاكسي
ثم سحب الرخص من جميع سائقي ج ع ع
ثم اعادة تأهيل هؤلاء السائقين و تأهيل الطرق و اشارات المرور و خلافه

و بعدين هاتلاقي نفسك بتركب عربيتك من غير قلق

و للآسف البلد دي مفيش فيها حل

[جمال]

و بصراحة الحل الوحيد
هو
اعدام كل سائقي الميكروباص و التاكسي

والنص نقل و الاوتوبيس