إعـــــــلان

Collapse

.

,
See more
See less

الخلاصه فى نقل ملكيه وفحص وتجديد وتغيير لوحات

Collapse
X
 
  • Filter
  • الوقت
  • Show
Clear All
new posts

  • الخلاصه فى نقل ملكيه وفحص وتجديد وتغيير لوحات

    الموضوع هياخد من سيادتك 3 ايام بالكتير لو هتعمل زيي
    عربيتى مرور الباجور ونقلتها مرور فيصل
    تبيع لنفسك بالتوكيل اللى معاك وللساده الجيزاويه خصوصا اللى فى الهرم وفيصل ارشح لهم شهر عقارى ابو النمرس لذيييييييذ ورايق احسن من بتاع ش مراد
    خلصنا من اول 250 جنيه تقريبا

    -------------------------------
    اول يوم

    نزلت مرور فيصل بدرى قوى الساعه 8 الا ربع ورميت العربيه فى طابور الفحص كانت رابع عربيه :)
    واشتريت ملف فحص وتجديد وامنت 3 سنين من العيال اللى فى الشارع عشان انجز رغم انهم غاليين شويه وتم الفحص ورفع بصمه الشاسيه والموتورواتكتب طلب المطابقه فى ضهر ورقه الفحص الزرقا ولازم يكون ختم النسر فيها (للاسف رحت الباجور اول مره ومكنش فيه الختم ابن ال -=#$% ده ورجعت على الفاضى)
    طبعا لازم تكون العربيه مفيهاش فاميه والحاجات دى ومابتدخنش فى الكبس علشان التلاكيك

    ------------------------------
    تانى يوم

    لو حظك حلو زى حالتى واشتريت من واحد جدع جدا زى محمد مصطفى اللى قام معايا بالواجب ومحضرلى شهاده المخالفات من نيابه الباجور
    هتاخد شهاده المخالفات وتجيب شويه ورق اهبل كده علشان تسلم النمر القديمه (ملاكى منوفيه) وتطلب منهم الرد على طلب المطابقه اللى مكتوب فى ضهر ورقه الفحص الزرقا ويتختم برضه بختم النسر وتسلمهم رخصه العربيه وتستنى شهاده البيانات
    وهيكون فيها غير مطالب بمخالفات غير مطالب برخصه غير مطالب بلوحات لانك هتسلمهم - مطالب بسندات نقل الملكيه والرسوم
    ترد على مرورك لو لحقت وتخلى مهندس الفحص يحطلك ختم النسر فى ورقه الفحص (بمعنى ان كله تمام)
    وربنا يسترها عليك من الكماين وانت راجع علشان انت ماشى من غير نمر


    -------------------------------
    تالت يوم

    تنزل مرورك الاصلى (فيصل فى حالتى )وتنزل بدرى علشان تلحق بركه الصبح تحجز مكان فى الشباك ولو معاك حد يخلصلك الختم اللى ناقص فى السطرين البرتقالى اللى فوق يبقى عنب علشان تسلملهم ورقك كامل من غير غلطه
    هتسلمهم الورق بتاعك وتاخد ورقه بالفلوس المطلوب دفعها فى الخزنه
    فى حالتى لانسر كريستاله 98 1300 دفعت 806 علشان النمر والعربيات اللى كانت باسمى :( وتجديد 3 سنين

    نراجع مع بعض هتسلم ايه لفيصل :
    شهاده البيانات اللى من المرور اللى هتنقل منه (الباجور مثلا) وصوره منها
    التوكيل والعقد بالوصولات العبيطه اللى معاهم وصورهم بالمره
    صورتين للبطاقه
    وصل الطفايه
    ورقه الفحص الزرقا (هتكون غرقانه اختام) وصوره منها
    ورق التامين الاجبارى
    طلب اهبل بتاع تغيير النمر (صيغه طلب بتتباع ب 2 جنيه)
    الوصل الاحمر اللى بتاخده من الخزنه
    تسلم الحوارات دى للشباك وتستنى الرخصه اللى هتطلع باسمك وبعد ماتاخدها تصورها مع البطاقه وتديها لبتاع النمر وتاخد النمر الجديده

    ومبروك عليك ياسيدى
    سلام
    جروب مالكى وعاشقى لانسر كريستاله
    https://www.facebook.com/groups/lancer.egypt.1996.2000/

  • #2
    بعد اذن اللي عامل الموضوع .. عاوز اي حد يقولي اقدر انشئ موضوع جديد ازاي ؟؟؟

    Comment


    • #3
      المشاركة الأصلية كتبت بواسطة أسامه طياره مشاهدة المشاركة
      بعد اذن اللي عامل الموضوع .. عاوز اي حد يقولي اقدر انشئ موضوع جديد ازاي ؟؟؟
      جروب مالكى وعاشقى لانسر كريستاله
      https://www.facebook.com/groups/lancer.egypt.1996.2000/

      Comment


      • #4
        شكرا ليك ياباشا :d

        Comment


        • #5
          يعني مفيش حوارات انك تستني لحد ما الملف يجي المرور بتاعك وانت ف الوقت ده ماشي بتصريح 6 شهور بيتجدد لو الملف لسه مش وصل؟

          Comment


          • #6
            المشاركة الأصلية كتبت بواسطة michohat مشاهدة المشاركة
            يعني مفيش حوارات انك تستني لحد ما الملف يجي المرور بتاعك وانت ف الوقت ده ماشي بتصريح 6 شهور بيتجدد لو الملف لسه مش وصل؟
            باشا انت فى مرور فيصل
            كله بالحب
            جروب مالكى وعاشقى لانسر كريستاله
            https://www.facebook.com/groups/lancer.egypt.1996.2000/

            Comment


            • #7
              عاوز اعمل الحوار ده عندي و انقل من مرور القوات المسلحه للزقازيق واللي مكسلني طول فتره نقل الملف

              Comment

              Working...
              X