استفسار في بيع سيارة بها توكيلات

[M.ABDEEN]

السلام عليكم

كنت عايز اعرف لو سمحتوا هو في حالة بيع سيارة بها توكيلات هل في عدد معين للتوكيلات بعدها العربية مينفعش تتباع بتوكيل ولازم تتنقل باسمي الاول علشان اعرف ابيعها ولا لا وشكرا

تم نقلة لقسم ساحة المرور وموضوعات التأمين في مصر .

[Astra Lovers]

العقد افضل

[M.ABDEEN]

متشكر لحضرتك انا معاي عربية شاريها من واحد وفيها 3 او 4 توكيلات مش فاكر بالضبط لو عايز ابيعها مسموح ولا لازم انقلها باسمي ولا ايه مش عارف

[M.ABDEEN]

يا جماعة انا من الاخر عايز ابيع العربية دي اعمل ايه بالظبط ؟؟؟ يعني قاللوللي اعملها عقد باسمك وبيع بالعقد وناس تانية قالت بعد العقد روح المرور ورخصها باسمك وبعدين بيعها فياريت حد يفيدني وشكرا

[M.ABDEEN]

يا جماعة ارجوكم حد يفيدني ضروري لو سمحتوا لو في حد عارف اي حاجة

[Honda_lover]

كقانون لا يوجد حد اقصى للتوكيلات لكن كموظف شهر عقاري قانونه غير يعني علي حسب الشهر العقاري نفسه

[starlanos]

3والرابع لازم يسجل
لما الرخصة تكون باسمك في ناس تكدب ويقولك انا المالك الاول عشان مش مكتوب غيرك في الرخصه هوا ده السبب
وطبعا الشاري لما يبقا يروح المرور بيعرف كام واحد صاحب العربية

[insurancebroke]

اعمل توكيل طبعا وبيع سيارتك بيه والمشترى هوه اللي يسجل باسمه انت مالك
انت تبع انهى شهر عقارى

[white_rock]

السلام عليكم
كل سنة وحضراتكم طيبين
عندي استفسار بخصوص موضوع التوكيل دا
انا معروض عليا اشتري عربية من محافظة الدقهلية (المنصورة) وانا من محافظة القاهرة (مدينة نصر) وعاوز اعرف يعني ايه البيع يتم بتوكيل من قبل البائع وهل من حقي بالتوكيل بتاعه دا اسجل العربية في الشهر العقاري ؟
ويا ريت معلش في حد يقدر يفيدني اعرف ازاي ان العربية دي تتسجل باسمي شهر عقاري و كمان ترخيص في المرور باسمي ازاي؟
وشكرا لحضراتكم وكل سنة وحضراتكم طيبين