عمل فامية للزيرو قبل الترخيص ؟؟؟؟

[essam assem]

السلام عليكم اخوانى اعضاء المنتدى المحترمين

استفسار لو سمحتو العربية كيا ريو هاى لاين خليجى زيرو لسة مرخصتش هيا مش زجاج فامية هل لو عملت فامية للعربية ودخلت فحصت على كدة هيرضو يثبتو الفامية على الرخصة ولا لاة
ارجو الرد يا جماعة من خبراء المنتدى عشان انا رايح ارخص بعد بكرة
شكرا وتحياتى للجميع

[romieh]

اللى اعرفه ان الفاميه اللى بيتثبت على الرخصة لازم يكون مثبوت مسبقا فى الافراج الجمركى

يعنى العربية لازم تكون نازلة من برة زجاج ملون ويكون كمان مثبوت فى الافراج

غير كده مش هينفع

[ICE_MAN]

مكانش حد غلب يا باشا :)
أكيد ماينفعش طبعا

[hugan]

ماينفعش
كان الناس فيمت عربياتها وهي زيرو ورخصت
لازم يكون مثبت في الفاتوره

[amrelsaqqa]

مثبوت في شهادة البيانات وبعدين كدة كدة الازاز نفسه بيبقى فاميه ، مش رول ملزوق !

[Maghraby1987]

طيب لو انا جيت بردو و العربيه لسه زيرو و قمت مغير الازاز الفبريكه بازاز غامق مش رول لزق و رحت ارخص؟

[amrelsaqqa]

مش هيبقى موجود في شهادة البيانات ، كدة كدة الرخصة بتطلع بناء على شهادة البيانات

[J A G U A R]

ما ينفعش .. ابقى فيم بعد الترخيص

[essam assem]

طب معلش يا جماعة نفس الكلام بيسرى على الستائر على اعتبار انى اركب ستائر للزجاج الخلفى
انا والله ما الموضوع دلع خالص اولا دية عربية مراتى كل ما فى الامر ان بنتى عندها حساسية من اشعة الشمس

[graffittiii]

ما ينفعش .. ابقى فيم بعد الترخيص

هههههههههههههههههه .... بحب الحلول الثورية دي أوي ..
.

[nos502000]

ياباشا كله دلوقتى ماشى بالواسطة انا عندى واحد صحبى معاه بولو 2001 ولسة ثابت الفاميه على الرخصة السنادى فالترخيص وهى اصلا مش نازلة فاميه بس كل الحوار له علاقة برئيس نيابة المرور بتليفون الحوار خلص والرخصة بقيت ( زجاج فاميه فابريقة )

فشوف انت لو تعرف اى حد فالمرور او النيابة سهل جدا ان يعمل الحوار ده

[essam assem]

ياباشا كله دلوقتى ماشى بالواسطة انا عندى واحد صحبى معاه بولو 2001 ولسة ثابت الفاميه على الرخصة السنادى فالترخيص وهى اصلا مش نازلة فاميه بس كل الحوار له علاقة برئيس نيابة المرور بتليفون الحوار خلص والرخصة بقيت ( زجاج فاميه فابريقة )

فشوف انت لو تعرف اى حد فالمرور او النيابة سهل جدا ان يعمل الحوار ده

كلامك مظبوط يا باشا وفعلا انا دخلت للظابط وبصراحة راجل قمة فى الاحترام ومعترضش من ولاكن هو اقنعنى بحاجة مهمة اووى خصوصا ان العربية بتاعت المدام ان حتى لو مثبوتة على الرخصة ولاكن الفامية فى حد ذاتة هيخلى العربية تقف وتطلب رخصتها فى اى كمين حتى لو للزجاج الخلفى
المهم الراجل قالى افضل هنزلك ستائر جانبية على الرخصة وفعلا نزلها وبصراحة انا لاقيتها احل افضل
وعموما انا متشكر جداااا لكل ردودكم ومشاركتكم الكريمة
وتحياتى للجميع

[speed_magnum]

الستاير ممتازة
الف مبروك العربيه وربنا يحفظكم

[gade2]

تحيه للظايط

[م.محمد خاطر]

طبعا الموضوع مهم لاسباب تانيه وهي ان شمسنا الجميلة لازم ناخد منها الحلو والوحش ولازم نتسلق فيها في الرايحه والجاية بس المشكلة مش ان الفامية الغامق بيشبه المشكلة في انواع الفاميه الشفاف اللي المرور مش بياخد باله منه بس غالي عشان محدش بيجيبه وبيخاف من المرور مع انه شفاف فعلا وبيحمي بدرجة كبيرة من الشمس بس للاسف غالي