استفسار بخصوص نقل الملكيه

[ibrahimsaad]

--------------------------------------------------------------------------------

اخوانى الاحبه انا اشتريت عربيه ولسه هتنتهى رخصتها فى 2010 القادم ومعايا توكيل من البائع

وتحمل العربيه نمر محافظه اخرى غير محافظتى

ايهما افضل ؟

ان انتظر حتى نهايه المده ثم اقوم بنقل الملكيه ونقل الترخيص

ام اقوم بنقلها من الان الى مرور محافظتى

وهل اذهب الى مرور المحافظه التابعه لها العربيه ام التى تابع لها انا ؟

وهل لو قمت بنقل الملكيه الان سيتم تغيير النمر القديمه الى النمر الجديده ام ستظل كما هى قديمه ؟ وماهى تكاليف النقل ؟

مع ملاحظه انه لازال الترخيص للسياره حتى 2010

وشاكر لكم حسن تعاونكم

[mohraga2y]

انسب حل هو ان حضرتك تروح الشهر العقارى وتكتب العربيه باسمك وتاخد عقد الملكيه علشان تعرف تمشى بالعربيه والرخصه مش بتعتك التوكيل ممكن الظابط فى الجنه يغتت عليك ويستدعى المالك الاصلى علشان يطلعك انت والعربيه ودى حصلت لينا كتير اما موضوع نقل الملكيه فا انا احبز ان حضرتك تمشى بيها عادى من غير ما تنقل لحد قبل الانتهاء بشهر تبدا فى اجراءات نقل السيارة الى المرور الجديد والاجراءات كالاتى لازم تروح المرور الى حضرتك هتنقل ليه فى محافظتك فى نموزج هتشتريه علشان تنقل الملكيه الى المرور ده والظابط هيخلى العامل يرفع البصمة بتاعت العربيه الى هوه رقم الشاسيه على النموزج وتروح للظابط تانى علشان يمضيه ويختمه ويكتبلك جواب على ظهر النموزج بان المرور محتاج مطابقة البصمه من الملف السيارة الى فى المرور بتاعها وهيخلى العامل برده يعمل مطابقه بصمة تانى ويلزقها على النموزج اوى تشيل الورقه الى هيلزقها دى المرور الجديد هوه الى هيعنها ويعد كده المهندس هيمضى ويرد على الجواب فى الخلف ان السيارة مطابقه البصمة من الملف وعلى السيارة وانها مفيش عليها ايه حجوزات او غرامات وبعد كده اوعى تسيب المرور الا لما تجيب شهاده مخالفات لو عليها مخالفات هتدفعها وهيدوك تخالص وبعد كده ارجع تانى المرور بتاعك الجديد بس قبل ما ترجع المرور هتروح الشهر العقارى الى انت سجلت فيه العربيه لان عقد الملكيه يتيح ليك انك ترخصها باسمك فى حدود شهر بس فهتروح وهتدفع 10 جنيه غرامه تاخير وبكده تروح المرور ويبدا المعاناه لازم العربيه تكون سليمه انوار ومساحات وشكمان وميكونش فى خبطات علشان هتعمل فحص وللامان صور عقد الملكيه قبل ما تسلمه للمرور واحتفظ بيه ومتنساش المثلث وشنطه الاسعافات وكمان الطفايه الحريق علشان مترجعش تانى وان شاء الله الموضوع ده هيخلص فى يوم بس تروح بدرى والف مبروك بس نصيحه رخصها 3 سنين علشان تريح دماغك يا رب اكون افدت حضرتك بما انى لسه عامل كل ده من سنه وهعمله تانى لما الاقى عربيه تانيه كويسه بدل الى اتباعت رمضان كريم

[mahamedaraby]

بس انت المفروض تعمل ايه من راى
تنقل الملكيه باسمك ودى الخطوات
1- تجيب شهاده برائه زمه من مرور بتاع السياره القديم ودى مدتها شهر بس يعنى لو هتجبها لازم تنقل عالطول

2 - تجيب عقد البيع بتاع العربيه اللى مكتوب باسمك

3- تجيب صوره من التامين المدفوع للعربيه بتاع الرخصه الساريه من المرور القديم وتروح للمرور الجديد وتعمل نموذج ب 6 جنيه تقريبا

لو معملتش الخطوه دى هتدفع التامين تانى

4- بعد كده تروح للمرور بتاعك انت و تعمل فحص للعربيه
وبعدين تروح للشباك نقل الملكيه هيطلب شويه ورق كله موجود فى المرور بتاعك انت

ومش هتدفع ضرايب ادام الرخصه ساريه بس وهينقلك المده الباقيه فى رخصه باسمك انت

وتقدم الورق ده وتستنى وهتطلع الرخصه باسمك وهتنتهى فى 2010 ده احسن واضمن من وجهه نظرى

[mahamedaraby]

وهل لو قمت بنقل الملكيه الان سيتم تغيير النمر القديمه الى النمر الجديده ام ستظل كما هى قديمه ؟ وماهى تكاليف النقل ؟

معلش بقيت الرد على السؤال

لو انت تبع مرور مدينه نصر هتاخد النمر الجديده لو مش تباعها المرور ده لسه منزلش فيه النمر الجديده

هتغير النمره للمحافظه بتاعتك تقريبا اصل انا كنت القاهره وهو سالنى عايز النمر زى ما هى قولته اه بس تقريبا علشان نمره القاهره لكن لو محافظه تانيه معرفش بس تقريبا هتتغير

بالنسبه للتكاليف

هيقولك اشترى نماذج بحدود 50جنيه او اكتر شويه بس

[ibrahimsaad]

انسب حل هو ان حضرتك تروح الشهر العقارى وتكتب العربيه باسمك وتاخد عقد الملكيه علشان تعرف تمشى بالعربيه والرخصه مش بتعتك التوكيل ممكن الظابط فى الجنه يغتت عليك ويستدعى المالك الاصلى علشان يطلعك انت والعربيه

اشكرك ياباشا بس انا معايا عقد ابتدائى من البائع كمان ومصوره فى العربيه بس مسجلتوش فى الشهر العقارى لسه هل ده ينفع ؟

بس قبل ما ترجع المرور هتروح الشهر العقارى الى انت سجلت فيه العربيه لان عقد الملكيه يتيح ليك انك ترخصها باسمك فى حدود شهر بس فهتروح وهتدفع 10 جنيه غرامه تاخير

انا فهمت من كلامك ان امشى بيها بدون نقل وبعدين انقل فى نهايه المده الحاليه لكن بخصوص العقد انا اعرف ان لو مضيت فى العقد شارى بيكون لى شهر فقط ارخص فيه فهل لو فات الشهر مايضيعش عليا العقد وادفع غرامه بس زى ماقلت هل ده اكيد ؟

لان شايف الاجراءات شكلها كده كلها عقد

[ibrahimsaad]

بس انت المفروض تعمل ايه من راى
تنقل الملكيه باسمك ودى الخطوات
1- تجيب شهاده برائه زمه من مرور بتاع السياره القديم ودى مدتها شهر بس يعنى لو هتجبها لازم تنقل عالطول

2 - تجيب عقد البيع بتاع العربيه اللى مكتوب باسمك

3- تجيب صوره من التامين المدفوع للعربيه بتاع الرخصه الساريه من المرور القديم وتروح للمرور الجديد وتعمل نموذج ب 6 جنيه تقريبا

لو معملتش الخطوه دى هتدفع التامين تانى

4- بعد كده تروح للمرور بتاعك انت و تعمل فحص للعربيه
وبعدين تروح للشباك نقل الملكيه هيطلب شويه ورق كله موجود فى المرور بتاعك انت

ومش هتدفع ضرايب ادام الرخصه ساريه بس وهينقلك المده الباقيه فى رخصه باسمك انت

وتقدم الورق ده وتستنى وهتطلع الرخصه باسمك وهتنتهى فى 2010 ده احسن واضمن من وجهه نظرى

معلش بقيت الرد على السؤال

لو انت تبع مرور مدينه نصر هتاخد النمر الجديده لو مش تباعها المرور ده لسه منزلش فيه النمر الجديده

هتغير النمره للمحافظه بتاعتك تقريبا اصل انا كنت القاهره وهو سالنى عايز النمر زى ما هى قولته اه بس تقريبا علشان نمره القاهره لكن لو محافظه تانيه معرفش بس تقريبا هتتغير

بالنسبه للتكاليف

هيقولك اشترى نماذج بحدود 50جنيه او اكتر شويه بس

ياباشا انا عاجز عن الشكر

بخصوص شهاده المخالفات وصوره التأمين المدفوع هينفع اجيبهم من المرور التابع ليه العربيه بالتوكيل اللى معى ام لا ؟
اما بخصوص الفحص فهل لو فيه شويه تجريح فى البويه ولون متغير فى بعض الاماكن هيكون عقبه ام لا ؟
اما بخصوص النمر فهى تحمل نمر الغربيه وانا مقيم بكفرالشيخ مش فى القاهره وانا شفت النمر الجديده كثير عندنا علشان كده سألت؟

والف شكر مره ثانيه

[mohraga2y]

بص يا باشا العقد الابتدائى ده ينفع لشان تضمن حقك بس لو فى لجنه هيغتت معاك اوى وممكن يحبسك انت والعربيه لحد ما ييجى المالك الاصلى ويقول انك فعلا اشتريت ويخلص المحضر وتخرجو ومن الاحسن انك تسجل العربيه باسمك فى الشهر العقارى وانا لسه من اسبوع بايع عربيتى والمسئول فى الشهر العقارى هوه الى قال للمشترى الى معايا خليك ماشى بالرخصه دى لحد ما تخلص وبعدين تعالا ادفع 10 جنيه هنا علشان انت اخرت عن الشهر المسموح وروح بعد كده انقل ملكيه ورخص من جديد اما بالنسبه ل شهاده المخالفات فهى لازم تجبها من المرور بتاع العربيه اما بالنسبه للتامين المدفوع فهوه خلاص ملوش لزمه لانك استخدمت الرخصه لحد ما انتهت فى 2010 بكده لازم تدفع تامين تانى وانت بترخص اما بخصوص الترخيص والفحص فالتجريح مش مشكله بس الالوان المختلفه على العربيه متهيالى دى مش هتنفع لانها لازم تتسبت فى الرخصه وده موال تانى لان وانت بترخص الرخصه مكتوب قيها لون العربيه لازم الصاج كله يكون نفس الون اما بالنسبه للنمر فاعقبال ما تيجى 2010 هتكون النمر الجديده جات المرور عندك اهم حاجه دلوقتى تعملها انك تسجل العربيه فى الشهر العقارى وتخلى صورة العقد فى العربيه وتمشى بيها لحد 2010 وبعد كده تبدا تنقل العربيه باسمك فى المروروتعمل الخطوات الى انا قلتهالك قبل كده والف مبروك لو محتاج حاجه تانيه انا تحت امرك .......رمضان كريم

[ibrahimsaad]

الف شكر ياباشا على المعلومه

ومعلش سؤال اخير

العقد اللى هااعمله لنفسى بالشهر العقارى علشان التسجيل تنصحنى اكتب فيه السعر الحقيقى للسياره ولا ازود ولا انقص ؟

يعنى هل المبلغ له علاقه باشياء اخرى زى مصاريف التسجيل والضرائب والتامين او الترخيص ولاعادى مش مشكله

وكل سنه وحضرتك طيب

[mohraga2y]

انا لما اشتريت العربيه السنه الى فاتت التاجر الى بعلى العربيه كتب التمن 2000 جنيه متزودش عن كده مع انى لما جيت اسجل العربيه من اسبوع للمالك الجديد لاقيت الموظف الى بيحدد الثمن الى هيدفعه المشترى لتوثيق العقد لاقيته بيبص على كشف عنده وكتب فى حدود ال 79 جنيه بس منغير ما نكتب ثمن العربيه ولما هتدفع فى الخازنه هيقولك عايز تدفع تبرع ادفع 5 جنيه بس وبيقولو انه ممكن تستخدمه وانت بترخص فى المرور بدل ما تدفع تبرع تانى بس روح وشوف النظام ايه بس الموضوع من بيكتر عن 80 او 85 جنيه بالكتير

[ibrahimsaad]

انا لما اشتريت العربيه السنه الى فاتت التاجر الى بعلى العربيه كتب التمن 2000 جنيه

حضرتك تقصد 20 الف ولا الفين اصل الفين دى مش مقنعه قوى

هو مصاريف التسجيل بتزيد كلما كان سعر العربيه كبير ولا ايه ؟

[Sherif Khalifa]

معلش اصل انا ابيض فى القصص دى
انا دلوقتى اشتاريت عربية و البائع عملى توكيل

دلؤتى اروح الشهر العقارى و ابيع لنفسى و ادفع هناك مصريف البيع و نقل الملكية؟
الى هيا بتحدد على اساس سعة المتور و سنة الموديل
اعتافد عندى 1000

صح كدة ولا فى حاجة ناقصة ؟


و بعد البيع للنفس دة لازم اروح ارخص على طول ولا ممكن امشى بالرخصة القديمة شوية ؟

[mohraga2y]

بص يا استاذ ابراهيم لو انت هتمضى مشترى لما تروح توثق فى الشهر العقارى يبقى متكتبش اكتر من 2000 الفين جنيها فقط لانك كده هتتحاسب على قد المبلغ الى هتكتبه بس من الافضل متمضيش مشترى وهيبقى العقد باسمك برده بس لما مش هتمضى هتتحاسب بسنه الصنع وسعه الموتور انا الصراحه معرفش ايه الفرق لو مضيت او ممضتش بس كل الناس مبتمضيش مشترى وبرده بيطلع العقد باسمك ......... اما بالنسبه للاستاذ شريف الى بيغمرنا بمعلوماته الجميله والمفيده ايضا انتا كده صح سجلها باسمك وصور العقد وخلى صورة منه فى العربيه وصورة فى المحفظة وامشى بالرخصه لحد ما تخلص وبعد كده لما تيجى تنقل ملكيه وترخص روح الاول الشهر العقارى تانى وادفع غرامه تاخير 10 جنيه علشان العقد لازم يتوثق فى خلال شهر وبعد كده روح على المرور واكيد حضرتك عارف هتعمل ايه هناك والمشوار الطويل ورمضان كريم وكل سنه وانتو طيبين

[ibrahimsaad]

بص يا استاذ ابراهيم لو انت هتمضى مشترى لما تروح توثق فى الشهر العقارى يبقى متكتبش اكتر من 2000 الفين جنيها فقط لانك كده هتتحاسب على قد المبلغ الى هتكتبه بس من الافضل متمضيش مشترى وهيبقى العقد باسمك برده بس لما مش هتمضى هتتحاسب بسنه الصنع وسعه الموتور انا الصراحه معرفش ايه الفرق لو مضيت او ممضتش بس كل الناس مبتمضيش مشترى وبرده بيطلع العقد باسمك .........

اشكرك جزيل الشكر اخى العزيز

لكن معلش استحملنى شويه لانى اول مره اعمل حاجه زى دى

انت ذكرت ان يفضل انى ماامضيش مشترى

لكن فى العقد اكتب اسم البائع اللى هو انا
واسم المشترى برده اسمى اللى هو انا
ولكن لااقوم بالتوقيع فى نهايه العقد باسمى (اسيبها فاضيه)
كده صح ولاانا فهمت غلط ؟

شئ تانى

بعد كده العقد هيكون موثق صح ؟ امال ايه حكايه الغرامه وحكايه الشهر ده طالما ان العقد اصبح موثق وايه علاقته بالمرور ؟

واسف لكثره الاسئله بس ماليش غيركم وكل سنه وحضراتكم بالف خير

[wesam_salom]

بص يا عمى انا هحكى لك الحدوته
انت تروح بالوكيل اللى معاك وتعمل لنفسك عقد مسجل
لو مضيت مشترى يبقى لازم تنقل فى خلال شهر
انما لو كتبوا سيوقع فيما بعد يبقى كده عادى
لو منقلتش خلال شهر هيحسبولك الرخصه من مده شهر بعد ما وقعت
يعنى تدفع الضريبه من بعده وتاخد ترخصه تنتهى فى التاريخ ده
لو نقلت فى خلال شهر هتدفع التأمين اللى هو حوالى 70 جنيه فى السنه وشويه ورق بحوالى 50 جندى مصرى
بالنسبه للعقد
لو هى عربيه 128 هيتكلف 65 جنيه لحد موديل 90 تقريبا
لو اعلى هتزيد شويه وملهمش دعوه بالعقد الابتدائى ولا بيسأل عنه
لانهم عندهم حساب وجدول تانى
عباره عن تمن العربيه الاساسى وتناقص 5 فى الميه كل سنه
وبياخدوا نسبه منه
لحد ما تقل الى 65 جنيه فى العربيات ال1300 سى سى
يعنى انقل احسن
كده هتصرف حوالى 200 جنيه وهتكون شهاده المخالفات اللى انت واخده من البايع لسه ساريه
انما بعد كده لما تروح نيابه المرور فى طنطا هيدفعوك وممكن يكون عليها مخالفات قديمه

بس متنساش وانت رايح تنقل تاخد معاك كل اصول الاوراق معاك
وابقى طمنا عملت ايه
واى خدمه انا موجود