التعامل مع المخالفات المرورية

[a_tantawy7]

السلام عليكم يا اخواني:
عندي كام استفسار بخصوص المخالفات المرورية وياريت اللي عنده معلومة يفيدنا بيها:
-لو كسرت اشارة ولاقيت العسكري خد نمرك ايه التصرف الصحيح للخروج -بأقل الخسائر,هل ممكن أدفعها على طول ولا أكبر دماغي ولو كبرت دماغي بيبقي ايه مصير المخالفة دي؟
-هل ممكن بعد مالنمر تتأخد أدي العسكري أي حاجة ويشطبها ولا ده مينفعش؟
-وبعدين مش المفروض لو أتاخدت مخالفة يوقفني ويعرفنني(عشان لو عايز أدفعها) ولا هو بيأخد النمر ومالوش دعوة؟
-ايه الفرق بين أن عسكري يأخدني مخالفة أو كونستبل أو ظابط؟
-هي ايه عقوبة كسر الاشارة والانتظار في الممنوع في القانون الجديد؟
- أخيرا ازاي أقدر أعرف المخالفات اللي على العربية ؟
مشكورين مقدما وأسف للاطالة.

[hazem_khidr]

العسكري ما ينفعش تدفع المخالفه له
الوحيد اللي معاه الدفتر هو الضابط فقط.
و دي بتيجي لما بتروح تجيب شهاده المخالفات.
بس حقولك حاجه
معظم اللي بيكتبوه عساكر المرور بيبقي اشتغاله
يعني بيعمل انه بيكتب نمرتك و هو لا بيكتب ولا حاجه:)

[a_tantawy7]

شكرا لردك, بس معلش استفسار, افرض انو خد النمرة فعلا, وأنا عايز اتصالح و أدفعها فوري عشان ادفع نص الحد الأدنى للمخالفة ( زي القانون مابيقول.) أدفعها ازاي ولمين؟