إعـــــــلان

Collapse

.

,
See more
See less

السقوط في امتحان المرور رخصة خاصة

Collapse
X
 
  • Filter
  • الوقت
  • Show
Clear All
new posts

  • السقوط في امتحان المرور رخصة خاصة

    السلام عليكم,

    أنا سقطت من 3 أيام في امتحان المرور الكمبيوتر (أول مرة) وحدة مرور المنصورة. أظن ان الامتحان كان فيه تلاعب لأن الوقت في كل سؤال كان 10 ثواني فقط بدل 30 ثانية. عامة جبت 75% (3 غلطات) و طبعا سقوط. و من التجربة أنا بنصح أى حد رايح يمتحن فى أى حتة يقدم فى مدرسة التعليم التابعة للمرور لأنهم فعلا بيتظبطوا و ما بيمتحنوش كمبيوتر و العملى فى البطيخ, و ده شفته بعينى.
    عامة مش عايز استني 3 شهور و فعلا صعب جدا جدا. ايه الخيارات المتاحة؟ هي الوسطة موجودة بدل 1 هما 3 و 2 منهم لواءات, بس أنا و أهلى رافضين و فيها شوية احراج لأسباب عائلية. هل ممكن أصلا حتى بالوسطة أدخل قبل 3 شهور ولا لازم استنى؟ و هل فى أى طريقة قانونية أدخل بيها قبل 3 شهور؟ أنا مش محتاج مساعدة أعدى الامتحان نفسه, مجرد أدخل بس.
    أنا ممكن أغير محل الاقامة علشان قاعد في زهراء مدينة نصر, بس النظام ساعتها ايه؟ و بمتحن فين؟ و نظامهم في الوحدة ديه ايه بالضبط؟ هل ممكن اغير محل الاقامة لهناك و امتحن من غير ما استنى 3 شهور؟ و الاجراءات ايه؟ مع العلم أن الشقة اللى قاعد فيها ايجار و العقد بأسم الوالدة, بس وصولات الكهرباء و المياه بأسم المالك طبعا.
    أنا عرفت متأخر أن مدرسة التعليم ما بيمتحنوش امتحان كمبيوتر, أنا ممكن أقدم في المدرسة و امتحن تاني في شهر 7 و أريح دماغى بس فعلا الانتظار بيقتلنى. و هل ممكن أقدم على رخصة مؤقتة تعليم؟ بند 13 ولا دا وهم؟

    لكم جزيل الشكر مقدما.
    2
    انتظار 3 شهور
    0%
    0
    تغيير محل الاقامة
    0%
    0
    وسطة
    0%
    2

  • #2
    1- لو تقدر تستنى 3 شهور استنى .........واديك عرفت النظام ازاى .....وهتنجح ان شاء الله
    2- عندنا .........مدرسه السواقه اجبااااااارى (حسبى الله ونعم الوكيل ).........قبل ما بيمتحن بيقوللك فين وصل مدرسه السواقه .....بس دى بتختلف من مرور لمرور
    اكنها بلد ابوهم ..........بيعملوا فى الشعب اللى هما عاوزينه ..............اللهم انتقم من الظالمين
    3- لو الواسطه هتسببلك اى احراج من اى نوع .............مالهاش لازمه ....واديك شوفت الموضوع مش مستاهل الحوجه ( للعالم ولاد ال........... دول ) .....وهما اصلا كلا......فلوس ....يعنى ممكن تظبط وانت قاعد فى بيتكوا اصلا ....
    4- لو انت مستعجل .....ومحتاجها ضرورى ...خلى بالك انه تغيير محل الاقامه لفه ومش سهل

    بس مرور مدينه نصر ....اسهل ان شاء الله وهتعدى

    وبالتوفيق

    Comment


    • #3
      المشاركة الأصلية كتبت بواسطة sfahmy6 مشاهدة المشاركة
      1- لو تقدر تستنى 3 شهور استنى .........واديك عرفت النظام ازاى .....وهتنجح ان شاء الله
      2- عندنا .........مدرسه السواقه اجبااااااارى (حسبى الله ونعم الوكيل ).........قبل ما بيمتحن بيقوللك فين وصل مدرسه السواقه .....بس دى بتختلف من مرور لمرور
      اكنها بلد ابوهم ..........بيعملوا فى الشعب اللى هما عاوزينه ..............اللهم انتقم من الظالمين
      3- لو الواسطه هتسببلك اى احراج من اى نوع .............مالهاش لازمه ....واديك شوفت الموضوع مش مستاهل الحوجه ( للعالم ولاد ال........... دول ) .....وهما اصلا كلا......فلوس ....يعنى ممكن تظبط وانت قاعد فى بيتكوا اصلا ....
      4- لو انت مستعجل .....ومحتاجها ضرورى ...خلى بالك انه تغيير محل الاقامه لفه ومش سهل

      بس مرور مدينه نصر ....اسهل ان شاء الله وهتعدى

      وبالتوفيق
      شكرا جزيلا على الرد و المشورة.

      جبت وسطة لواء صديق لخالى و اتمسحلى الملف بتاعى من الكمبيوتر و اخدت الملف الأبيض بتاع المرور الورق و قدملى هو الورق اللى فيه كأن لسا أول مرة و دخلت الامتحان عادى و من غير وسطات فى الامتحان ذات نفسه و جبت 100% كمبيوتر. العجيب أن المرة دى السؤال كان المدة بتاعته 30 ثانية فى السؤال الواحد غير المرة اللى فاتت اللى كانت 10 ثوانى فى السؤال الواحد, و لما سألت اللواء ده قالى أن أكيد أنا قرفت الموظف بتاع التقديم (نفس الموظف بتاع التقديم بيكون موجود فى القاعة بتاعة الامتحان) و أنا كنت فعلا قرفته لأنى غيرت ميعاد الامتحان مرتين و رجعتله تانى قبل ما يمشى على طول و قعد يدور على ملفى, و أكيد قال للمهندس يقلل الوقت عشان كده كان 10 ثوانى.

      فى السواقة كان سهل جدا على شكل حرف s و برجوع للخلف, الأقماع طبعا المسافة ما بينها زيادة عن عرض العربية حوالى 20 سم يعنى العربية بتعدى مرتاحة من كل ناحية مش مشكلة خالص. و طبعا اكرامية 20 جنيه للى كان جنبى بعد ما قالى مبروك تعالى بكره عشان تتصور.

      من تجربتى أنصح كل واحد هيقدم أنه يقدم فى مدرسة السواقة فى المرور بتاعك لأن لتانى مرة شفتها بعينى أنهم بيحلوا الامتحان الكمبيوتر للناس بتوع المدرسة و أن اللى بيقعد جنبهم فى امتحان السواقة بيكون نفس المدرب بتاع المدرسة. و أهم حاجة الكمبيوتر عشان لو سقطت فيها 3 شهور, السواقة بترجع تمتحن بعدها بأسبوع أو اتنين.

      Comment


      • #4
        الواسطه تخلص الموضوع ده بأكمله سواء نجحت فى اختبارات او منجحتش .. انا يوم مطلعتها مدخلتش كمبيوتر بس دخلت قياده وعديت لواحدى وبردو لو كنت سقطت كانت هاتطلع
        [SIGPIC][/SIGPIC]
        [COLOR="Magenta"][/COLOR]

        Comment

        Working...
        X