إعـــــــلان

Collapse

.

,
See more
See less

رخصة فى نص ساعة من غير واسطة!

Collapse
X
 
  • Filter
  • الوقت
  • Show
Clear All
new posts

  • رخصة فى نص ساعة من غير واسطة!

    أنا هاحكيلكم حكايتى مع الرخصة ..
    الكلام ده السنة اللى فاتت .. بتاريخ 27 أغسطس 2007..
    يوم نص شعبان .. كنت صايم يوميها ..
    المهم قولت اليوم ده أروح أسأل عن إيه نظام الرخصة ليا ..
    ملحوظة(أختى طلعطها واسطة قبل كده)
    المهم رحت مرور بين السرايات و لقيت شباك إستخراج جديد مافيهوش غير واحد بس قمت وقفت وراه .. بس فسألت إيه نظام الرخصة فى الشباك
    الست قالتلى شهادتين باطنة و نظر و صورة البطاقة ..
    فانا كان معايا الحاجات دى جبتها عشان لو قدمت على إمتحان لأنى كنت عارف إيه المطلوب بس قولت أروح أسأل و أشوف هيحددوا معاد الإمتحان إمتى ..
    المهم
    إدتها الورق و بصيت لقيتها بتقوللى روح إمتحن دلوقتى هناك !!!
    انا إتخضيت جدا و رحت وقفت جنب الأوضة بتاعت النظرى ..
    و كان فى ناس كتير قوى واقفين و واحد جه وقف جنبى مستنى وفجأة لقيتوا بيكلمنى و يقولى الموضوع عايز واسطة .. أنا معايا واسطة إنت لو ماعكش إنسى إنك يطلعها !
    أنا قولت فسرى الراجل ده جى يتمنظر إنه معاه واسطة ولا إيه فلما سألنى قولتله معييش قلم عضشفته كده بإمتعاض و قالى يبقى تنسى !
    المهم كل ده فى 5 دقايق انا قولت هستنى 3 ساعات مثلا بصيت لقيتهم ندهوا عليا و بيقولولى أدخل !!
    المهم دخلت و أعدت على الكمبيوتر سأتلنى قالتلى إنت سيف الإسلام قولتلها أه ..
    فالمهم جيت أجاوب لقيتها جاوبتلى أول سؤالين كده ... و أنا جاوبت الباقى المهم عديت الحمد لله ...
    و قالتلى إطلع من جنب البوابة روح للمهندس بتاع الإمتحان العملى ..
    فالمهم روحت فكان فى ناس بتمتحن و قاللى معاك عربية قوتله لأ و كان فى 128 كده بنأجرها ب10 جنيه ..
    المهم الورق قدامه بتاع الناس كتير فبصيته لقيته قام خد الورقة بتاعتى إلى راحتله من الإمتحان النظرى و حطها أول ورقة بيقوللى يلا ورينا ..
    المهم ركبت و عديت الحمد لله ...
    فقمت روحت جنب الأوضة بتاعت التصوير مستنى دورى و كان فى ناس كتير مستنيين بردوا ..
    5 دقايق بالظبط ندهونى دخلت إتصورت و خرجت ... فقلت أنا شكلى بعد كده هستنى
    كتير فروحت جبت بيبسى من برا و لمل جيت بصيت لقيتهم فشباك تجديد الرخص ندهوا إسمى و سلولى الرخصة!!!!
    أنا أخدتها و بصراحة مش مصدق إللى حصل ده؟؟
    حكيت لكل حد قاللى إزاى دا الواسطة بتاخد وقت اكتر من كده ..
    و كل ده تقريبا فحدود نص ساعة أو ساعة إلا ربع .... !!
    حتى لما رجعت البيت أمى بتقللى سألت قولتلها طلعت الرخصة أفتكرتنى كداب!!
    و رجعت البيت قبل الضهر اليوم ده ههههههههههههه
    تخيللوا بقى؟؟!!!!
    و من غير اى نوع من الوسايط!
    نفسى كل حاجة تبقى سهلة كده ...
    [CENTER][SIZE=3][COLOR=DarkRed][B]نفسن براحتك ..
    إشتم براحتك ...
    إغلط و متعوزش تتحاسب ...
    إتبلطج و خدها دراع و أعمل دكر ..
    إحجر على الرأى التانى و إتريق على الناس ..
    إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
    [/CENTER]

  • #2
    دا في مصر ؟؟

    هي بين السرايات دي في مصر ولا محافظة كوالالامبور ؟؟

    دا انا طلعتها في ساعتين ونص وحسيت بانجاز غير عادي :d
    [IMG]http://www.motorauthority.com/wp-content/uploads/Renault/Odds/renault_logan.jpg[/IMG]

    Comment


    • #3
      (ان الله على كل شئ قدير)

      Comment


      • #4
        بجد أنتا محظوظ و ربنا بيحبك أوي :)

        بس أنتا دخلت بأكبر واسطة.... كان واسطتك ربنا.... و مفيش أكبر من كدا

        الحكاية دي بتفكرني بحكاية زميلة ليا في الشغل... كانت جايبة واسطة ظابط معرفة واحدة صاحبتها...
        ادالها رقم موبايل أمين شرطة و قالها اتصلي بيه قبلها بيوم و هو هييجي معاكي و يخلصلك كل حاجة....

        اتصلت بيه و يومها الصبح كلمها بدري قبل ما تنزل و قالها يلا حضري 500 - 600 جنيه كدا عشان الاكراميات...
        قالتله أمال انتا جاي معايا ليه؟؟ قالها عشان اسهللك الدنيا و متقفيش في طوابير...

        المهم رفضت و قررت تدخل الامتحان بدون مساعدة أي حد.... و اتصلت بيا و حكتلي الكلام ده يومها الصبح...
        بعدها ب 3 ساعات فوجئت بيها بتتصل بيا و تقوللي انها نجحت و طلعت الرخصة :)

        فعلا اللي يتكل على الله عمره ما بيخسر
        اعذروني عشان مش بقدر افتح المنتدى كتير
        ده الايميل و هيجيلي مباشرة على التليفون لأي استفسار
        [email]mina.nilemotors@gmail.com[/email]
        و السكايب
        mina.nilemotors

        Comment


        • #5
          راجع نفسك و شوف انت عملت ايه في الليلة السابقة لاستخراج الرخصة .. وواظب علي هذا العمل طول حياتك .. و نقابلك في الجنة ان شاء الله :)
          يا راجل دا انا جددتها ( بدون امتحان ) في حوالي 3 ساعات من التجمع الخامس .. و الناس كانت بتحسدني ساعتها ...

          Comment


          • #6
            ياسلام لو النمووذج ده يتكرر فى كل حتة محدش يحتاج وسايط
            بس مقلتلناش ياعم ازاى كنت صايم وخرجت تجيب بيبسى
            :)
            بهزر معاك

            Comment


            • #7
              للعلم بس بين السريات انتقلت الى شومبونجو مع القرد اللى بيتكلم

              Comment


              • #8
                ya basha....el wasta doesnt take long at all...ya basha....law wasta gamda....el rokhsa betegy delivery....lol.....ana sahby aboh kan ma2moor masr el gedida we gab el rokhas botoo3 ashab ebno delivery....lol....

                Comment


                • #9
                  الف مبروك يا باشا
                  [CENTER][SIZE=6][COLOR=magenta][/COLOR][/SIZE] [/CENTER]
                  [CENTER][mshosh2]http://www.arab-box.com/i/00100/d933a9o272po.jpg[/mshosh2][/CENTER]

                  Comment


                  • #10
                    الف مبروك على الرخصة اولا
                    و الحمد لله انك تبع مرور محترم شوية
                    عندنا بقه فى التجمع حوار تانى
                    والدتى لما شافت الموضوع بياخد وقت ازاى و المشوار بشع لما راحت تجدد رخصتها
                    بعديها بشهرين قلتلها عايزة اطلع رخصتى
                    كانت الاول هتسيبنى امتحن و كده و مع نفسى و يا تطلع يا متطلعش
                    و بعدين قالت انها مش عايزة تدب المشوار مرتين
                    فجابتلى واسطة
                    رحت اعدت فى كرسى تحت شمسية شربت بيبسى
                    و رحت اتصورت بس
                    Everything's not lost..

                    Comment


                    • #11
                      اقر عليك :d:d:d:d مبروك يا بوب و عقبالي :)

                      Comment


                      • #12
                        ميروك
                        أنا برضه طلعتها في حوالي ساعة الا ربع ( بفضل الله) وده الوقت اللي استفرقته فى تقديم الورق والامتحان العملي ( مكانش فيه نظري) وبعدين اتصورت وبعديها بحوالي 5 دقائق استلمت الرخصة من غير واسطة وده متهيألي دا النظام المُتبع في إدارة المرور اللي في التجمع الثالث
                        ودا برضه اللي حصل مع 6 من أصحابي برضه من غير واسطة وفي نفس الوقت تقريباً
                        أعتقد السر إن الادارة دي كانت لسة جديدة ومعلهاش ضغط فمفيش مشاكل


                        [CENTER][shfaf2]http://yfrog.com/na02f1gpmalaysia1133j[/shfaf2][/CENTER]

                        Comment


                        • #13
                          المشاركة الأصلية كتبت بواسطة AhmedElsayed مشاهدة المشاركة
                          ياسلام لو النمووذج ده يتكرر فى كل حتة محدش يحتاج وسايط
                          بس مقلتلناش ياعم ازاى كنت صايم وخرجت تجيب بيبسى
                          :)
                          بهزر معاك
                          قصدى و ماكنتش صايم يوميها بس غلطة مطبعية .
                          ده النص من شعبان هههه
                          [CENTER][SIZE=3][COLOR=DarkRed][B]نفسن براحتك ..
                          إشتم براحتك ...
                          إغلط و متعوزش تتحاسب ...
                          إتبلطج و خدها دراع و أعمل دكر ..
                          إحجر على الرأى التانى و إتريق على الناس ..
                          إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
                          [/CENTER]

                          Comment


                          • #14
                            كنت صايم يوميها ..



                            فروحت جبت بيبسى من برا



                            هو انت كنت صايم ولا اية؟؟؟
                            [url=http://www.postimage.org/image.php?v=aV13Kqu9][img]http://www.postimage.org/aV13Kqu9.jpg[/img][/url]

                            Comment


                            • #15
                              مبرووووك وعقبال التجديد :):)
                              [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                              -- اللهم ارزقنيها --
                              [/COLOR][/SIZE][/CENTER]

                              Comment

                              Working...
                              X