العربية طلعت مركبة ربع ! ساعدونى

[ahmed mohamed9]

اشتريت عربية لانسر فى شعر 10 اللى فات و كان فيها رخصة لشهر 4
وكنت ماشى بالتوكيل لحد ماتخلص ,, المهم رحت اجدد الرخصة عملت شهادة بيانات من مرور العربية و رحت بيها للمرور بتاعى و معايا التوكيل و العقد المسجل و دخلت الفحص
المهندس كحت بمفك فى حوض العربية لقى معجون الظابط خد منى ورق الملكية و قالى الحوض فيه لحام وانا هصادر العربية !!
فى الاخر ادالى المفتاح و قاللى روح اجرد و تعالى وساب معاه شهادة البيانات و ورق الملكيه
رحت لكذا سمكرى قاللى العربية مش مغيرة نمر ولا حاجه ده لاحم الجزء اللى قبل الطاحات يعنى مغيره ربع و قالولى المفروض ترخص عادى !!
انا قلت ارجع العربية للمعرض قاللى هات الورق و شهادة البيانات و اديك فلوسك طبعا ظابط الفحص مرضيش نهائى !!
الحل ايه ؟؟
هل اجرد الدهان و اروحله اوريه ان مكان اللحام بعيد عن رقم الشاسيه ولا هيصادرها و يبعتها لجنة عليا فحص؟؟ و لو حصل ايه النهاية ؟
انا اعصابى باظت و تعبت من الموضوع ده بقالى شهر فيه و خايف بصراحة اروح بالعربية ياخدوها !! انا شارى العربية بفلوس عربية سليمة و اتنصب عليا

[mhmd319]

ربنا يسترها عليك وعلينا

[محمود السيد]

كان الله فى عونك

[AAAH]

ربنا معاك
ومعلش انا مضطر اقولك الحل ده رغم انى مابحبوش
شوف واسطه وهات الورق من الظابط ورجع العربيه المعرض
للأسف مش لاقيلك حل غير ده
وابقى طمنا

[أسامه الحسيني]

خلي صاحب المعرض يدخل ويحللك المشكله دى يا ماي تقدم فيه شكوه فى اقرب قسم بتهمه النصب

[haisam ali]

خلي صاحب المعرض يدخل ويحللك المشكله دى يا ماي تقدم فيه شكوه فى اقرب قسم بتهمه النصب

انا متفق تماماً مع هذا ال رأى وبشده .... وكان الله فى العون

[ahmedelrayan]

خلي صاحب المعرض يدخل ويحللك المشكله دى يا ماي تقدم فيه شكوه فى اقرب قسم بتهمه النصب

هو ده حل بص المحضر مش هيعملوا حاجة عشان محدش اجبره عشان يشتريها وبعدين ده صاحب المعرض ممكن يقول انه ميعرفش حاجة عن الموضوع ده وان صاحب العربية الحالى هو مثلا اللى خبطتها وكان الله فى العون ومستنيين راى باقى الاعضاء ونشوف يمكن حده عنده افكار تانية