سؤال عن نقل الملف من مرور الى مرور

[DXT]

السلام عليكم ..

انا معايا عربية مشتريها بعقد مسجل تابعة لمرور الدقى
والرخصة تصريح مؤقت فاضلها شهر وانا ابتديت من المرور بتاعى واخذت بصمة واتكتب على ظهر ورقة البصمة جواب موجه لمهندس مرور الدقى لمطابقته بالملف الى عنده .. ومطلوب منى الاتى
( شهادة مخالفات - شهادة بيانات - مطابقة بصمة )
سؤالى لو عايز اخلص كل دول فى يوم واحد ابتدى بمين الاول بحيث من الاصعب الى الاسهل والدوسيه بيتنقل اذاى للمرور بتاعى هل انا لازم الى ابلغهم بكدا ولا بمجرد انى اجيب شهادة البيانات للمرور بتاعى هوا الى بيجيبه ؟؟

[أسامه الحسيني]

انا كنت شاري عربيتي وهي تبع مرور الجزيره بتوكيل ولما نقلت ملكيه طلعت شهاده مخالفات ورحت مرور مدينة نصر الى تبع محل السكن وهناك خد منى التوكيلات والعقد المسجل وعملت فحص وادنى تصريح لمدة سنه لحين وصول الملف
بدون ما اروح مرور الجزيره

[amr011111]

الخطوات كالتالى
الاول هتجيب شهادة مخالفات من مرور الدراسه
وملهاش لزمه تجيب شهادة بيانات طالما الرخصه ساريه
وبعدين هتروح المرور اللى انت هترخص فيه تشترى ورق فحص فنى وبيئه وطفايه
وهتقف فى طابور رفع البصمه وهتختم ورق الطفايه وورق البيئه
بالنسبه لطابور الفحص الفنى هيطلب منك تجيب مطابقة بصمه هيكتب جواب على ضهر الورقه
فهتروح بيها مرور الدقى تطابق البمصه
كل اللى فوق ممكن يتعمل فى يوم واحد بس تكون مجهز شهاة المخالفات فى يوم لوحدها
وترجع له تانى تكمل اجراءات المرور وده غالباً فى يوم تانى

[mahmoud_ali]

تكمله لكلام العضو المحترم عمر بالنسبه للدوسيه حضرتك بتعمل حاجه اسمها استعجال ملف ودى بتجبها من مرورك انت وبتوديها للمرور اللى فيه ملف العربيه علشان تنجز نفسك لانى بقالى 8 شهور باخد تصريح لما زهقت وروحت عملت استعجال الملف ده

[amr011111]

الخطوات كالتالى
الاول هتجيب شهادة مخالفات من مرور الدراسه
وملهاش لزمه تجيب شهادة بيانات طالما الرخصه ساريه
وبعدين هتروح المرور اللى انت هترخص فيه تشترى ورق فحص فنى وبيئه وطفايه
وهتقف فى طابور رفع البصمه وهتختم ورق الطفايه وورق البيئه
بالنسبه لطابور الفحص الفنى هيطلب منك تجيب مطابقة بصمه هيكتب جواب على ضهر الورقه
فهتروح بيها مرور الدقى تطابق البمصه
كل اللى فوق ممكن يتعمل فى يوم واحد بس تكون مجهز شهاة المخالفات فى يوم لوحدها
وترجع له تانى تكمل اجراءات المرور وده غالباً فى يوم تانى

بالنسبه لمطابقة البصمه مش بتحتاج ان العربيه تكون معاك

[DXT]

الف شكر ليكم يا رجالة بس يا اخ عمر عندى سؤال ليه حروح اجيب شهادة المخالفات من مرور الدراسة ؟؟
مش المفروض اطلعها برضه من نفس المرور الى حطلع منه شهادة البيانات والى هوا مرور الدقى ؟؟

[أسامه الحسيني]

الخطوات كالتالى
الاول هتجيب شهادة مخالفات من مرور الدراسه
وملهاش لزمه تجيب شهادة بيانات طالما الرخصه ساريه
وبعدين هتروح المرور اللى انت هترخص فيه تشترى ورق فحص فنى وبيئه وطفايه
وهتقف فى طابور رفع البصمه وهتختم ورق الطفايه وورق البيئه
بالنسبه لطابور الفحص الفنى هيطلب منك تجيب مطابقة بصمه هيكتب جواب على ضهر الورقه
فهتروح بيها مرور الدقى تطابق البمصه
كل اللى فوق ممكن يتعمل فى يوم واحد بس تكون مجهز شهاة المخالفات فى يوم لوحدها
وترجع له تانى تكمل اجراءات المرور وده غالباً فى يوم تانى

انا لسه ناقل ملكيه من شهرين ومعملتش مطابقه بصمه فى المرور الى العربيه كانت تبعه