ايه موضوع افلاس الجمعيه للتامين التعاونى ؟

[Eng.Ahmed]

انا سمعت من اكتر من شخص موضوع ان الجمعيه فلست و مش بتقبل تامينات و لا بتطلع شيكات تعويضات و انه تم احلال مجلس الاداره

[shanodaa]

ايه مصدر الخبر
وبعديين ياريت عشان الناس تخرب بيتهم
واكيد هما تحت مظله شركه تاميين كبيره

[polo61]

ايوه من فضلك تتحقق من الخبر ده

[shanodaa]

ايوه من فضلك تتحقق من الخبر ده

الخبر ده لو صح تبقي مصيبه كبيره

[polo61]

يعنى ايه شركة فجأة تفلس ؟وفلوس الناس اللى متعاملين معاهم
محتاجين رد سريع من م/ احمد يقولنا مصدر كلامه

[جمال]

ياجماعة خضتونا
برجاء تأكيد صحة الخبر من عدمه

[OlaOsman]

أنا كلمت الشركة العالمية دلوقتي و سألتهم قالوا لي ان الشركة واقفة التعاملات الجديدة لمدة 6 أشهر، انما التعويضات شغالة عادي.

[polo61]

شكرا لك ياعلا على الاستفسار الله يطمنك
بس الشركة العالمية دى الجمعية تابعة لها ولا ايه الموضوع

[IAbdou]

يارات يا جماعة تقولولى أة صحت الخبر دة
علشان أنا ليا فلوس عندهم بس لسة متصرفتش

[Eng.Ahmed]

يا جماعه انا مش بطلع اشاعات انا وصلتنى المعلومه من اكتر من شخص فا قلت يمكن حد عنده معلومه غير الى عندى و انا شخصيا اتمنى عدم صحه الخبر لان انا مأمن تبع الجمعيه ، مصادر الخبر كانت من اكتر من جهه امبارح واحد صاحبى قالى انه فى شركته اشتروا عربيات جديده و كانوا عاوزين يأمنوا عليها و عرفوا ان الشركه وقعت و هاتفلس و فى نفس اليوم واحد صاحبى كلمنى و قالى انقل التامين بتاع عربيتك من الجمعيه علشان لو لاقدر الله حصل حصل لعربيتك حاجه من هتاخد منهم حاجه ، و بالصدفه و انا قاعد فى كافيه واحد كان قاعد جنبنا سمعنا فدخل فى الحوار و حكالنا ان لسه عامل حادثه و ان مراكز الصيانه الى متعاقده مع الجمعيه رفضت انها تصلح له العربيه و قالوله نفس الكلام.
و اخيرا زميلى فى الشغل له شيك من الجمعيه كان المفروض ياخده من الجمعيه اليومين دول وفى الجمعيه قالوله ان الشيك بتاعه تم التوقيع عليه فعلا لكن هيئه الرقابه على التأمين قامت بأحلال مجلس الاداره و بالتالى لازم يصدروا شيك جديد.

[Yarisawy]

يا جماعه ما انا قلت فى موضوع قبل كده الشركة اكتشف فى عمليه سرقه واختلاس من قبل احد اعضاء مجلس الادارة المنتدبين بمبلغ حوالى 140 مليون جنيه

انا اعرف ناس شغاله فى الشركة وقالولى ان الشركة وقفت التعاملات واى تعامل جديد بيحولوه لشركة المهندس للتأمين والمفروض التعويضات شغاله

اصحابى بيقولولى ان الشركة بتقع وناس شغاله بتسيب الشركة وهما عايزين يمشوا ناس والحوار ده

[Eng.Ahmed]

يا جماعه ما انا قلت فى موضوع قبل كده الشركة اكتشف فى عمليه سرقه واختلاس من قبل احد اعضاء مجلس الادارة المنتدبين بمبلغ حوالى 140 مليون جنيه

انا اعرف ناس شغاله فى الشركة وقالولى ان الشركة وقفت التعاملات واى تعامل جديد بيحولوه لشركة المهندس للتأمين والمفروض التعويضات شغاله

اصحابى بيقولولى ان الشركة بتقع وناس شغاله بتسيب الشركة وهما عايزين يمشوا ناس والحوار ده

يعنى التعويضات شغاله ، طيب ازاى و الشركه بتقع و بيحولوا لشركه المهندس و الناس الى شغاله هناك بتمشى، كده الموضوع مقلق ياريت لو فى حد فى المنتدى له معرفه قويه بالناس الى فى الجمعيه يأكدلنا المعلومه و يقولنا الناس الى ليها شيكات تعويضات وضعهم هايكون ايه

[elpasha009]

المعلومات اللي عندي متأكد منها تماما لأنها من إبن عمتي اللي شغال في الدلتا للتأمين مدير مالي لفرع مصر الجديدة.
المعلومات اللي إتقالت كلها في الموضوع صحيحة مليون في المية والشركة وقفت كل التعاملات الجديدة نهائيا.وفيه نصب كتير حصل عبارة عن إن العميل اللي عمل حادثة وعاين العربية وبعد التصليح بيطالب بفلوسة بيقولوله إن المعاينة قبل الحادثة متعملتش ومش موجودة في ملف تأمينه وبالتالي ملوش أي حق في صرف فاتورة التصليح.

[polo61]

ياجماعة مافيش معلومات مؤكده عن الموضوع من حد هنا او من العضو اللى معانا بيشتغل فى الشركة دى ....انا كمان لى شيك وعايزة اعرف هايتصرف ولا لا
الموضوع مهم بجد ياريت ماتبخلوش بمعلومة

[Eng.Ahmed]

ياجماعة مافيش معلومات مؤكده عن الموضوع من حد هنا او من العضو اللى معانا بيشتغل فى الشركة دى ....انا كمان لى شيك وعايزة اعرف هايتصرف ولا لا
الموضوع مهم بجد ياريت ماتبخلوش بمعلومة

اخر حاجه اعرفها ان الهيئه الرقابه على التأمين هى الى هاتتولى مسئوليه التعويضات ، زى ما لو بنك فلس يقوم البنك المركزى بضمان حق المودعين فى هذا البنك