هى مخالفة الاتجاة العكسى بكام

[arbi]

بص
اولا مفيش حبس ولا حاجه
ثانيا الغرامه حد ادنى 1000 وحد اقصى3000
بس في حاجه بس مش متأكد منهه لازم ظابط اللي يحرر المخالفه دي يعني ولا عسكري ولا امين شرطه
يعني لازم يسحب الرخص عشان يسبت المخالفه
يعني العسكري مبيديش مخالفة سير عكس اتجاه
وهوه ده اللي كانو بيكتبوه في الجرائد ودي تصريحات المسئولين اللي كانو بيسألوهم

[ahmad--ezzat]

اية ياجماعة خلاص انتو حبستونى كدة
يا جماعة هو اصلا 99 فى المية مخدش النمر بس انا موسوس زيادة عن اللزوم
انا بقول لو خدها اية اللى هيتم انا اعتقد ان الاستاذ عربى صح لانى قريت الكلام دة بردو

[Samir Elshahawy]

و ليه تمشي عكسي اساسا ؟؟
يعني انت خايف من المخالفة و الغرامة و مش خايف علي نفسك او علي عربيتك !!
واوعي تقولي الظروف و اول مرة ماهي دائما بتبتدي كده

[محمد ابراهيم 1]

اية ياجماعة خلاص انتو حبستونى كدة
يا جماعة هو اصلا 99 فى المية مخدش النمر بس انا موسوس زيادة عن اللزوم
انا بقول لو خدها اية اللى هيتم انا اعتقد ان الاستاذ عربى صح لانى قريت الكلام دة بردو

يا باشا مفيش حبس ولا حاجه

لكن كلام الأستاذ عربى مش صح للأسف
بحيث إن أى عسكرى درجه أولى من حقه يحرر المخالفه
وكذلك أمناء الشرطه
لكن سحب الرخص فقط هو اللى من إحتصاص الضباط


لكن العسكرى ممكن ياخد النمره ويكتبها فى دفتر المخالفات
وتتسجل عليك ولما تروح تجدد الرخصه تلاقيها مستنياك

والكلام ده على فكره مش معلومات عامه ده جزء من شغلى

[ahmed el-sawy]

الغرامة 1000 جنيه

[عزيز محمد]

بحيث إن أى عسكرى درجه أولى من حقه يحرر المخالفه
وكذلك أمناء الشرطه

لكن العسكرى ممكن ياخد النمره ويكتبها فى دفتر المخالفات
وتتسجل عليك ولما تروح تجدد الرخصه تلاقيها مستنياك

طيب سؤال لو سمحت يا أستاذ محمد: إيه اللى يثبت إنى فعلا عملت المخالفة دى؟ يعنى ليه ما ينفعش يبقى اللى حصل إنه كتب أى نمرة من دماغه (أو أخطأ فى قراءة وتدوين النمرة مثلا)؟؟
بالطريقة دى ممكن يكون الواحد اتسجل مخالفات وهو ماعملهاش وما يعرفش إنه اتسجل، فى الحالة دى يعمل إيه لما ييجى يجدد يلاقى عليه مبلغ كبير (خصوصا مع تغليظ العقوبات المالية مع القانون الجديد)؟؟

برجاء الإفادة

[Islam_galal]

لسة حاصلة مع زميل بالعمل
1000 غرامة
و الدفع الفوري 500جم

[Goodle]

طيب سؤال لو سمحت يا أستاذ محمد: إيه اللى يثبت إنى فعلا عملت المخالفة دى؟ يعنى ليه ما ينفعش يبقى اللى حصل إنه كتب أى نمرة من دماغه (أو أخطأ فى قراءة وتدوين النمرة مثلا)؟؟
بالطريقة دى ممكن يكون الواحد اتسجل مخالفات وهو ماعملهاش وما يعرفش إنه اتسجل، فى الحالة دى يعمل إيه لما ييجى يجدد يلاقى عليه مبلغ كبير (خصوصا مع تغليظ العقوبات المالية مع القانون الجديد)؟؟

برجاء الإفادة

النقطة دي محتاجين نعرف اكتر عنها لو تسمحوا .. لأنها تشغل البال فعلا
وكمان لو ماعملتش التصالح في خلال 3 أيام.. يحصل إيه ساعتها ؟؟؟؟

[MoToRiZeR]

انا اتاخدت عكسي مرة بطريقة هبلة جداَ
دخلت بنزينة من مكان الطلوع ! و كان فيه عسكري قاعد بيشرب شاي جوة أخد النمر و مقالش .. خد النمر و مشي و الواد اللي بيحط البنزين هو اللي قاللي بعد ما مشي و كان مبسوط أوي !
إيه يا جدعان هي محطات البنزين بقت إتجاه واحد ولا إيه

في إنتظار التجديد بقي

[shanodaa]

طلما العسكري لم ياخذ الرخصه ما فيش خوف

[ahmad--ezzat]

و ليه تمشي عكسي اساسا ؟؟
يعني انت خايف من المخالفة و الغرامة و مش خايف علي نفسك او علي عربيتك !!
واوعي تقولي الظروف و اول مرة ماهي دائما بتبتدي كده

اسف يا باشمهندس مش هعمل كدة تانى
(على فكرة انا اكتشفت انو عكسى فقط لما العسكرى نادى عليا انا بسوق اكتر من 9 سنين معملتش مخالفة واحدة الحمد للة)

[Bossy_Fadl]

بس إذاى حنطمئن عليه لو أخدوه

بالبلوتوث:D:D:D

اية ياجماعة خلاص انتو حبستونى كدة
يا جماعة هو اصلا 99 فى المية مخدش النمر بس انا موسوس زيادة عن اللزوم
انا بقول لو خدها اية اللى هيتم انا اعتقد ان الاستاذ عربى صح لانى قريت الكلام دة بردو

لا هو حقك طبعا تخاف لان القانون الجديد لو اتنفذ صح فعلا يبقي هيخلي الواحد ماشي بيتلفت حوالين نفسه:D

و هو ان شاء الله ميكونش اخد الرقم

بس ان شاء الله يعني متكونش في اسوء الاحوال اكتر من غرامه و خلاص

[محمد ابراهيم 1]

طيب سؤال لو سمحت يا أستاذ محمد: إيه اللى يثبت إنى فعلا عملت المخالفة دى؟ يعنى ليه ما ينفعش يبقى اللى حصل إنه كتب أى نمرة من دماغه (أو أخطأ فى قراءة وتدوين النمرة مثلا)؟؟
بالطريقة دى ممكن يكون الواحد اتسجل مخالفات وهو ماعملهاش وما يعرفش إنه اتسجل، فى الحالة دى يعمل إيه لما ييجى يجدد يلاقى عليه مبلغ كبير (خصوصا مع تغليظ العقوبات المالية مع القانون الجديد)؟؟

برجاء الإفادة

شوف يا باشا للأسف مفيش حاجه تثبت الموضوع ده غير ضمير العسكرى
يعنى العسكرى اللى بيثبت رقم غلط أو من دماغه بيتحمل الغرامه صاحب العربيه وللأسف هو ده النظام
وعلى فكره ممكن واحد مننا يتخانق مع عسكرى يقوم يجيب دفتر المخالفات ويقعد يدون له مخالفه كل يوم لغاية ما ينساه بس حسابه مع ربه

بالنسبه للسؤال التانى
اللى هو نعمل ايه لو ملحقتش أدفع فى خلال ال 3 أيام
فى هذه الحاله سوف تدفع المخالفه كلها يعنى 1000 جنيه على الأقل


فيه كمان نص أضيف فى التعديل وهو أنه إذا نشأ عن السير عكس الإتجاه حدوث تصادم تضاعف قيمة الغرامه فتصبح من 2000 الى 6000 جنيه

[zamba]

للاسف يا جماعة انا عرضت الموضوع ده من شهر تقريباً ومفيش حد رد عليا او عبرنى ..ولانى ملن زى العضو الموقر ودخلت شارع غلط بدون قصد طبعاص ولقيت العسكرى اخر الشارع ومصصم على اخذ النمرة سبته ومشيت ..وحاولت اناقش الموضوع فى المنتدى لكن للاسف لم اجد رد واحد يوحد ربنا
دخلت على النت وجبن القانون بنصه كما انزل لقيت المخافة اسمها تعمد السير عكس الاتجاه غرامة من 1000 - 3000 والحبس او باحدى هاتين العقوبيتن ويمكن دفع 50 % من الحد الادنى للغرامة ( 500 جنيه) خلال 3 ايام ...طب ازاى اعرف ان فيه مخالفة ومفيش ضابط خد رخصتى واروح مكتب الربريد زى الاهبل اقوللهم جاى ادفع الغرامة 500 جنيه وادفع وامشى وخلاص ..محدش عارف حاجة
لجأت الى احد اصدقائى ضابط مرور برضه مش فاهم حاجة واتضح ان الموضوع حيسرى على غرامة فقط وفيش حد اتحبس قبل كده ووكيل النيابة بقى قاعد دلوقتى مالوش لازمة واللى بيحقق فى الموضوع قاضى للمرور هو الى يدى العقوبة بعد تأكده من تعمد السير عكس الاتجاه والاصل فى التأكد هو حضر المخالفة وعلى صاحب السيارة اثبات العكس للقاضى
ده كل المعلومات اللى قدرت اجيبها وملخص الموضوع انه حترسى على غرامة 1000 جنيه لوثبتت الادانة والله اعلم لان الموضوع جديد ومحدش جرب ..ياريت لو حد بيجدد يقولنا اية نظام دفع المخالفات الجديدة فى المرور
ومع خالص تحياتى .......وياريت ترودى عليا المرة دى وما احسشض انى باكلم نفسى

[محمد ابراهيم 1]

لا يا باشا انت مش بتكلم نفسك
هو بس الموضوع فيه لبس
وكيل النيابه من إختصاصه الغرامه التى لا تزيد عن 1000 جنيه فهو له لازمه وهو اللى بيخلص الشغل كله
قاضى المرور بس هو اللى ممكن يحبس ويغرم غرامه اكتر من 1000 جنيه
فالمخالفات التى يزيد حدها الادنى عن 1000 جنيه يختص بها قاض المرور