إعـــــــلان

Collapse

.

,
See more
See less

ارجو الافادة عن سيارة عليها حظر بنك وتم فكة

Collapse
X
 
  • Filter
  • الوقت
  • Show
Clear All
new posts

  • ارجو الافادة عن سيارة عليها حظر بنك وتم فكة

    السلام عليكم الموضوع انى اشتريت سيارة بعقد ابتدائى الرخصة مكتوب عليها حظر بنك ولما سألت البائع وهو شخصية تبدومحترمة جدا والسيارة حتى راكنها فى جراش خاص قالى ان العربية كانت قسط وتم تسديد الاقساط بالكامل انه سيتوجة غدا الى البنك والموضوع حياخد حوالى اسبوع لفك الجظر واخذ المخالصة بذلك وتم دفع عربون 5 الاف جنية وعقد ابتدائى ولم اتسلم السيارة علما انى عرضت علية عربون كبير لاستلام السيارة فرفض وهو اللى طلب العربون 5 الاف جنية لحين انهاء الاجراءت اتصل بى بعدها تانى يوم افاد انة ذهب الى البنك وعمل اجراءت فك الحظر والموظف المسئول فى البنك افاد ان الموضوع حياخد من 4 الى 5 ايام عمل حتى يتسلم جواب المخالصة وجواب اخر تقريبا ستوجة للمرور لفك الجظر اليوم الثالت اتصل بة وقالى انا خلاص روحت المرور انجازا للوقت وتم تجديد الرخصة لمدة سنة لان الرخصة كانت فاضل لها 10 ايام وتنتهى على ماهو عليها ومكتوب علية حظر بيع بنك ودفع التامين وتسديد المخالفات الى اتاكدت منها فعلا كان علية مخالفات 400 جنية وكشفت عليها على الانترنت ولما اتصل بى وقالى انى سددت المخالفات لقيت ان المبلغ اتمسح واصبح السيارة خالي من اى مخالفات
    دلوقتى هو عارض عليا ان المخالصة من البنك حيستلمها تقريبا كمان يومان اجى استلم السيارة وصورة من المخالصة ونعمل عقد ابتدائى وياخد المبلغ بالكامل ونبقى مبلغ صغير 5 الاف من ثمن بيع السيارة على مايوصل الجواب فك الحظر المرور اللى حياخد مش اقل من اسبوعين ويكمل اجراءت فك الحظر وعمل التوكيل العادى السؤال هل الكلام دة صح وهل ممكن بالمخالصة اللى حياخدها من البنك يعمل بيها توكيل لى ولا لازم الرخصة يتشال منها كلمة حظر
    مع الشكر

  • #2
    اللي متأكد منه أن جواب فك الحظر هياخد فعلا حوالي أسبوعين. أعتقد الشهر العقاري مش هيتعامل الا لما تكون الرخصة مش فيها حظر.
    https://t.me/pump_upp

    Comment


    • #3
      اشكرك على الرد المشكلة دلوقتى انى عايز استلم السيارة لانى مش معقول اسيبها اسبوعين عند البائع وهو عارض عليا انة حيستلم المخالصة ووصورة جواب البنك للمرور يوم الاحد القادم ويعطينى صورة منهاو نلغى العقد الابتدائى القديم اللى فية عربون 5000 جنية ونعمل عقد جديدابتدائى وياخد مبلغ بيع السيارة ويسلمنى السيارة ويبقى مبلغ بسيط لحين وصول جواب فك الحظر علشان يلغى فك لجظر من الرخصة ويعرف يعمل لى توكيل هل الاجراء دة صح وهل لو عملت كدة لازم اخذ الرخصة وطبعا هى مثبوت علية حظر بيع ولا اسيبها لة علشان يعمل اجراء فك الحظر بعد اسبوعين فى المرور سمعت ان فى حاجة اسمها توكيل ادارة علشان امشى بالعربية الاسبوعين ارجو من السادة الخبراء الرد

      مع الشكر

      Comment


      • #4
        [color="rgb(160, 82, 45)"][color="rgb(160, 82, 45)"]بص يا باشا ..الكلام اللي أنا هقوله لحضرتك ده عن تجارب مع ناس أنا أعرفها شخصيا ..وبعد الكلام اللي أنا هقوله لحضرتك ده تقدر تاخد قرار بنفسك

        أولا ..جواب رفع الحظر اللي بيطلع من البنك للمرور لو حضرتك سيبت البنك على راحته خاااااااااالص ومجريتش وراه عشان الجواب ده يخلص ..ممكن يقعد ست شهور ..على البنك ما يخلصه وبعدين يبعته المرور

        ثانيا ..المرور مش هيستلم منك الجواب يدا بيد ..لإنه لازم يوصل المرور عن طريق البريد ..وده الروتين في بلدنا

        ثالثا..لو حضرتك جريت ورا البنك عشان يخلص الجواب ممكن فعلا يخلص في أسبوعين وإن كنت أشك في المده دي أساسا ..لإن المشكلة عندنا مش بتبقى في البنك ..المشكلة بتبقى في الطريقة اللي البنك بيرسل بيها الجواب ده للمرور وإن كان البنك معذور وبيعمل كده مضطر لإن دي الطريقة اللي بيفرضها المرور على البنوك في التعامل وهي إن الجواب لازم يروح في البريد ويتعمله رقم صادر وبعدين حضرتك تروح تاخد رقم الصادر من البنك وبعدين تروح تسأل عليه في المرور برقم الصادر اللي حضرتك خدته من البنك وبعد ما يوصل المرور بيتعمله رقم وارد ..يعني هنقول مثلا إن البنك هيخلص الجواب في أسبوعين ...ده بإفتراض إنه بنك أجنبي محترم وبينجز ..الجواب كده لسه مخلصش فعليا ..لإن لسه الجواب قدامه رحله تانيه في البوسته لغاية ما يوصل المرور وبعدين يعيش حياته سكرتاريا وإداريا في المرور ..وبعدين المرور يقولك آه ..ده الجواب وصل

        رابعا ..ما دامت الرخصه مكتوب عليها كلمة حظر بيع ..أو كلمة السيارة مجهزه طبيا ..أو ما شابه من الكلمات الضمنيه التي تعني حظر بيع..لالالالالالالالالالالالالالالالالالالالا يمكن موظف الشهر العقاري هيرضى يعمل توكيل ..ولو عملت إيه بالذي ..لازم الرخصه مايبقاش مكتوب عليها أي تنويه أو أي إشارة بإن العربيه دي محظور بيعها بسبب رهن أو قسط أو إنها مجهزه طبيا

        رابعا ..أي فلوس حضرتك هتدفعها في العربية بدون توكيل بيع رسمي من الشهر العقاري فهي على ضمانتك الشخصيه للبائع ..

        رايي الشخصي ..متتعاملش على أي عربيه ورقها في أي مشكلة ..حتى لو كانت فسوه صغيره ..دي فلوس يابا ..والقرش النهارده مش بالساهل ..وخلي عندك مبدأ روش قوي ..لو العربية واقفه قدامك وبترقص وبتقولك إشتريني ..متخلصش فيها غير لما يكون ورقها كله سالك ..تقولي بقى دفع مخالفات ..عليها حظر ..أنا يا سيدي مصدق البائع إنه راجل أمين ومحترم وكويس ..لكن إنت متضمنش الظروف ..متضمنش البنك ممكن يتأخر ..ممكن ينجز ..ممكن الراجل لا قدر الله يحصله حاجه تعطله عن إنهاء الإجراءات ..وإنت فلوسك مش ببلاش ..وبعدين واضح قوييييي إن البائع عنده علم أو إتأكد إن جواب رفع الحظر ده قدامه رحله طويله شوية ..وعشان كده قام مجدد بالوضع اللي العربيه عليه ..اللي هو حظر البيع يعني ..عشان العربيه متسقطش ترخيص ويدخل في غرامه ويضطر يجيب شهاده بيانات لما ييجي يبيع لو الرخصه منتهيه ..وحتى لو جواب البنك وصل المرور ..ده فرضا يعني ..لازم يجدد بإسمه ..عشان الرخصه تكون بدون كلمة حظر بيع ...وبعدين يعملك توكيل ..ما إحنا قلنا لازم ما يكونش على الرخصه أي حاجه تدل على حظر البيع

        أظن دلوقتي حضرتك في إيدك القرار ..وتقدر لوحدك تختار
        [/color][/color]
        [SIGPIC][/SIGPIC]--------

        m_m_sh_a سابقا

        Comment


        • #5
          اشكرك ياباشا على معلوماتك القيمة وبالفعل انا فى حيرة الراجل محترم جدا هل اكتفى بجواب الصادر للمرور بفك الحظر اللى حيجيب صورتة يوم الاثنين بعد مايستلمة من البنك وهو على فكرة بنك عودة دة لو استلمة اصلا فى موعدة لان حضرتك بتقولى انة ممكن يتاخر كتير ونعمل عقد ابتدائى جديد ويسلمنى السيارة بس برضة محدش ضامن الظروف زى ماحضرتك بتقول
          ودلوقتى لو كلمتة وقلت لة ترجعت عن البيع ممكن يخصم فلوس الشرط الجزائى اللى فى العقد وهى 2000 جنية
          وممكن الموضوع يتطور ونشد مع بعض ولا حاجة وندخل فى متاهات انا فى غنى عنها

          Comment


          • #6
            على فكرة الرخصة مكانتشى منتهية ولا حاجة هى تاريخ انتهائها 23/8.2014 علاوة الى اعرفة ان لة فترة سماح شهر بعد انتهاء مدة الترخيص
            واجراء التجديد دة هواللى عملة لوحدة هو قالى انة حيجدد سنة

            Comment


            • #7
              أولا حضرتك ما تشكرنيش على حق ليك عليا ..إحنا هنا كلنا بنفيد بعض
              ثانيا ..صورة جواب فك الحظر اللي هو هيجيبها من البنك ولا ليها أي قيمة قدام المرور ..لازم الجواب الأصل يوصل المرور عن طريق البوسته ..يعني صورة جواب فك الحظر ده ممكن يكون معاك لإثبات حسن النيه وصدق الراجل فعلا في الموضوع ..يبقى أول حاجه أنا شايف إنها تتعمل إنك تتمسك بإنه يجيب صورة من جواب فك الحظر وتكون معاك عشان دي اللي هتضمن إن الراجل فعلا جري ورا الجواب وإن البنك طلع الجواب ..يبقى مش باقي غير الإنتظار لغاية الجواب ما يوصل المرور وياخد دورته الروتينيه في المرور ..لكن متنساش ..حضرتك لغاية دلوقتي مشتريتش ..والعقد اللي حضرتك كاتبه باطل..لإن العقد مكتوب على عربيه محظورة البيع ..وما بني على باطل فهو باطل ...عشان كده بقول لحضرتك بارقة الأمل الوحيده لإثبات حسن نيه الراجل هي صورة جواب رفع الحظر أو فك الحظر من البنك

              ثالثا ..حكاية شهر سماح دي ..بتبقى في المرور بس ..لكن في الشهر العقاري لو الرخصه منتهيه بقالها يوم ..هيقولك شهادة بيانات ..في الشارع لو الرخصه منتهية بقالها ساعة ..أي كمين هيوقفك هيغرمك غرامة رخصه منتهية ..لكن موضوع الشهر ده بيبقى في المرور على أساس إنك في خلال الشهر ده لما تروح تجدد مش هتتغرم ضريبه وتلت ..دي حتى حكاية الشهر دي في إدارات مر ور مش بتعترف بيها كمان ..يعني لو مدير إدارة المرور غتيت ممكن يقولك لأ ..الرخصه المنتهيه تدفع ضريبة وتلت عادي ..وبعدين هو جدد قبل الرخصه ما تنتهي ..وده اللي أنا قلته ..عشان الرخصه لو إنتهت هيدخل في متاهات شهادة بيانات ..وبعدين حتى لما جواب رفع الحظر يوصل المرور ..لازم برضه يجدد بإسمه عشان ياخد بدون حظر ..ويعرف يعملك التوكيل ..يعني الجواب هيوصل المرور كمان شهر إثنين تلاته ..التجديد ساعتها في المرور مش هيبقى ليك ..لأ ..ده هيبقى لصالحه هو وبإسمه هو عشان ياخده رخصه على بياض ..مفهياش حظر ..ومن خلال الرخصه دي يقدر يعملك توكيل

              رأيي الشخصي ..لو تقدر تطلع من البيعه دي إطلع ..ولو خسرت جزء من الشرط الجزائي مبلغ بسيط ..مش لازم يعني تسيب الألفين جنيه ..وممكن تعتذر بأي عذر ..يعني ..ممكن تقول حصلك ظروف وصرفت نظر عن شرا العربية اليومين دول ..أهو أي حاجه ..لإن بصراحه البيعة دي شكلها كده مطوله شويه ...لكن ..لو حضرتك غاوي ..والعربية داخله دماغك ..يبقى هتكمل البيعة على مسؤليتك لوحدك ..بإنك تنتظر الجواب يوصل المرور ..وبعدين تنتظر إنه يجدد لنفسه ..وبعدين يعملك توكيل ..كل ده وحضرتك ماشي بعقد إبتدائي ..باطل ..لإنه معمول لعربيه محظور بيعها ..

              شوف ..وقلبها ..وإحسبها
              [SIGPIC][/SIGPIC]--------

              m_m_sh_a سابقا

              Comment


              • #8
                عموما انا حنتظر معاة شوية ومش حاستلم السيارة لغاية مايكمل بقية الاجراءت وفك الحظر من الرخصة اسبوع كمان لو وجدت ان الموضوع فعلا حياخد شهور زى ماحضرتك بتقول حالغى البيعة

                Comment


                • #9
                  المشاركة الأصلية كتبت بواسطة hany_elkashef مشاهدة المشاركة
                  عموما انا حنتظر معاة شوية ومش حاستلم السيارة لغاية مايكمل بقية الاجراءت وفك الحظر من الرخصة اسبوع كمان لو وجدت ان الموضوع فعلا حياخد شهور زى ماحضرتك بتقول حالغى البيعة
                  لكن الفلوس اللي هو واخدها عربون هتكون معاه بناء على ثقتك فيه وبس ..لكن قانونا ..حضرتك ملكش حاجه عنده ..يعني الموضوع بناء على ثقتك فيه وبس
                  [SIGPIC][/SIGPIC]--------

                  m_m_sh_a سابقا

                  Comment


                  • #10
                    المشاركة الأصلية كتبت بواسطة m_m_sh_a مشاهدة المشاركة


                    لكن الفلوس اللي هو واخدها عربون هتكون معاه بناء على ثقتك فيه وبس ..لكن قانونا ..حضرتك ملكش حاجه عنده ..يعني الموضوع بناء على ثقتك فيه وبس
                    الف شكر ياباشا على الاهتمام وبالفعل انا واثق منة الى ابعد الحدود بصرف النظر عن ان العقد قانوانى او غير قانونى والراجل شغال فى مركز مرموق يعنى لا هو صايع ولا هو شكلة بلطجى علشان اخاف منة وكلامك بيتحقق بالظبط هو كل يوم بيروح بنك عودة ومازال حتى الان مخدشى المخالصة ورقم الصادر او صورة الجواب اللى رايحة المرور علشان يفكوا الحظر ورغم ان الموظف هناك يقولك ان الاجراءت كلها تاخد من 4 الى 5 ايام يوم عمل عدى 15 يوم حتى الان لم يحدث شئ صراحة بنك عودة دة من اسوء البنوك فى التعامل وفى بطئ الاجراءت ودة على لسان الراجل صاحب العربية حتى انة عمل اكتر من شكوى مفيش فايدة ولا انصح بالتعامل معاة نهائى

                    Comment


                    • #11
                      المشاركة الأصلية كتبت بواسطة hany_elkashef مشاهدة المشاركة
                      الف شكر ياباشا على الاهتمام وبالفعل انا واثق منة الى ابعد الحدود بصرف النظر عن ان العقد قانوانى او غير قانونى والراجل شغال فى مركز مرموق يعنى لا هو صايع ولا هو شكلة بلطجى علشان اخاف منة وكلامك بيتحقق بالظبط هو كل يوم بيروح بنك عودة ومازال حتى الان مخدشى المخالصة ورقم الصادر او صورة الجواب اللى رايحة المرور علشان يفكوا الحظر ورغم ان الموظف هناك يقولك ان الاجراءت كلها تاخد من 4 الى 5 ايام يوم عمل عدى 15 يوم حتى الان لم يحدث شئ صراحة بنك عودة دة من اسوء البنوك فى التعامل وفى بطئ الاجراءت ودة على لسان الراجل صاحب العربية حتى انة عمل اكتر من شكوى مفيش فايدة ولا انصح بالتعامل معاة نهائى:t_thum1[1]:

                      أنا في الخدمه ..وإبقى طمني وصلت لإيه
                      [SIGPIC][/SIGPIC]--------

                      m_m_sh_a سابقا

                      Comment


                      • #12
                        ان شاء الله اى جديد حبلغك وانا بتصفح على الانترنت وجدت شخص قريب من مشكلتى وقام اخ كريم بالرد علية

                        لو مستعجل علي استلامها يعني ممكن صاحب العربيه يعملك حاجه اسمها توكيل عام سياره في الشهر العقاري وبتكتب فيه البيع للنفس والغير والتعامل مع المرور والتجديد والترخيص ) , طبعا التوكيل بيكون علي نوع العربيه وموديلها فقط يعني مثلا شيفروليه لانوس 2009 بدون ذكر اى بيانات فى التوكيل لا رقم شاسية او موتور او اى حاجة , وبتتعامل به مع المرور والشهر العقاري وبتخلص انت كل الاوراق بنفسك من فك حظر ونقل ملكيه وكل حاجه .... ومبروك مقدما
                        هو كدة كدة الرجل رخص سنة ولو الموضوع دةتمام ممكن اول مايستلم الجواب اللى رايح المرور ورقم الصادر اللى طالع من البنك للمرور والمخالصة تبقى فى ايدى يبقى خلاص مفيش مشكلة جواب المرور يوصل براحتة شهر او اكثر اعملة انا
                        هل هذة الانواع من التوكيلات لا تلغى الا بحضور الطرفين زى الخاص ولا ممكن البائع يلغى التوكيل بمفردة

                        Comment


                        • #13
                          المشاركة الأصلية كتبت بواسطة hany_elkashef مشاهدة المشاركة
                          ان شاء الله اى جديد حبلغك وانا بتصفح على الانترنت وجدت شخص قريب من مشكلتى وقام اخ كريم بالرد علية

                          لو مستعجل علي استلامها يعني ممكن صاحب العربيه يعملك حاجه اسمها توكيل عام سياره في الشهر العقاري وبتكتب فيه البيع للنفس والغير والتعامل مع المرور والتجديد والترخيص ) , طبعا التوكيل بيكون علي نوع العربيه وموديلها فقط يعني مثلا شيفروليه لانوس 2009 بدون ذكر اى بيانات فى التوكيل لا رقم شاسية او موتور او اى حاجة , وبتتعامل به مع المرور والشهر العقاري وبتخلص انت كل الاوراق بنفسك من فك حظر ونقل ملكيه وكل حاجه .... ومبروك مقدما
                          هو كدة كدة الرجل رخص سنة ولو الموضوع دةتمام ممكن اول مايستلم الجواب اللى رايح المرور ورقم الصادر اللى طالع من البنك للمرور والمخالصة تبقى فى ايدى يبقى خلاص مفيش مشكلة جواب المرور يوصل براحتة شهر او اكثر اعملة انا
                          هل هذة الانواع من التوكيلات لا تلغى الا بحضور الطرفين زى الخاص ولا ممكن البائع يلغى التوكيل بمفردة
                          التوكيل اللي حضرتك بتقول عليه ده ملوش أي قيمه غير إنك هتجدد الرخصه بإسم المالك فقط ..لكن اللي أنا شفته في الشهر العقاري بنفسي إن الشهر العقاري مش هيخليك تبيع لنفسك ..لإن زي ما حضرتك قلت التوكيل ده مفيهوش ..لا رقم شاسيه ولا رقم موتور ..وبعدين النوع ده من التوكيلات بيتعمل ما بين شخص معاه مجموعة عربيات زي ما يكون وكيل مثلا ..ومندوب عنه فقط لتحرير العقود الإبتدائيه وإنهاء الإجراءات المرورية ..لكن عند الشهر العقاري ..هيقولك لأ ..التوكيل ده ما ينفعش ..لازم توكيل بيع سيارة ..عموما ماشي ..أهو برضه يبقى مع حضرتك مستند تقدر تتحرك بيه ما بين البنك والمرور ..بس سؤال ..هو حضرتك اللي هتجري على الورق بنفسك ولا إيه ؟؟؟
                          [SIGPIC][/SIGPIC]--------

                          m_m_sh_a سابقا

                          Comment


                          • #14
                            هو كدة كدة مخلص كل حاجة فى المرور يدوبك جواب فك الحظر يوصل المرور وشيل كلمة حظر من الرخصة ولا فى مصاريف تانية بتندفع فى المرور هو على فكرة مجرد اقترح لانى وجدت من خلال بحثى فى المواقع ان فى ناس كتيرة اشتروبالتوكيل العام دة ومعلومة لو فعلا صحيحة ممكن تحل مشاكل لناس كتير مش لية لوحدى وبيعوا وبيسجلوا عادى على كلامهم

                            Comment


                            • #15
                              المشاركة الأصلية كتبت بواسطة hany_elkashef مشاهدة المشاركة
                              هو كدة كدة مخلص كل حاجة فى المرور يدوبك جواب فك الحظر يوصل المرور وشيل كلمة حظر من الرخصة ولا فى مصاريف تانية بتندفع فى المرور هو على فكرة مجرد اقترح لانى وجدت من خلال بحثى فى المواقع ان فى ناس كتيرة اشتروبالتوكيل العام دة ومعلومة لو فعلا صحيحة ممكن تحل مشاكل لناس كتير مش لية لوحدى وبيعوا وبيسجلوا عادى على كلامهم
                              يا سيدي خلاص ..على كلام حضرتك ..الراجل ثقه ..وهو مخلص كل حاجه في المرور ..على أساس إنه جدد سنه بس الرخصه لسه عليها كلمة حظر ..وحضرتك واثق فيه ..يبقى باقي حاجه واحده بس

                              الإنتظار الإنتظار الإنتظار ..يعملك بقى توكيل عام في بيع العربيات ..يعملك توكيل بيع سيارة ..في جميع الأحوال ..هو الإنتظار اللي تملكه حاليا ..وبرضه التوكيل الرسمي العام في بيع السيارات ..الشهر العقاري مش هيعملك بيه عقد ..ده تعمل بيه عقد لنفسك فقط ..أنا معرفش أصلا التوكيل ده لزمته إيه غير في الحاجتين اللي قلت لحضرتك عليهم ..إنك تدير وإنك تبيع لنفسك بعقود عرفيه ..إنما الشهر العقاري ..لا يعترف غير بنوع واحد من التوكيلات ..توكيل بيع سياره يعينها ..عموما ..ربنا يبارلك في العربيه ويقربها لو فيها الخير ويبعدها لو فيها الشر ..بس إبقى طمني عملت إيه برضه
                              [SIGPIC][/SIGPIC]--------

                              m_m_sh_a سابقا

                              Comment

                              Working...
                              X