الشنطة والمثلث هايفتشوا عليهم امتي يا جماعة

[FASTER]

يا جماعة عايزين حد يفهمنا اخر كلام ايه نجيب الشنطة ولا لأ ونجيبها منين وهل المثلث اللي موجود مطابق للمواصفات ولا لأ وبعدين مش كان المفروض القانون بتاع الشنطة والمثلث هايطبق في شهر 11
ولا ايه اخر الاخبار نفسي حد يفهمني علشان الحيرة اللي انا فيها دي وكتير من الناس
وشكرا لكل الاعضاء بس بجد بقت حاجة تزهق

[FASTER]

محدش فاهم حاجة خالص

[aif]

محدش فاهم حاجة خالص

ولا مدير المرور اصلا عارف حاجة .....
يظهر ح يجيبو سي علام يفتح المندل......... :k27:

[abzoabzo]

محدش فاهم حاجة خالص

ده كلام الناس العقلين

[boty50]

من شويه في العاشره مساء
تم تمديد المهله الي ٢ فبراير ٢٠٠٩

[Akram]

انا رأي انك تجيب المثلث بغض النظر هيطبق و لا لأ ,
و مواصفاته كما يلي:
1- طول الضلع لا يقل عن 43سم وعرض 5سم .
2- يمكن تثبيته على الأرض .
3- من مادة عاكسة للنور .
و قريت عن شرط رابع بس مش متأكد منه و هو انه يكون انه يكون له مثلث داخلي لونه برتقالي,
و عموماً فيه مثلثات في السوق بالمواصفات دي و سعرها بيتراوح من 30ج الى 60ج و يفضل انك تجيب المثلث اللي الحامل الحديد بتاعه تقيل .

بالنسبة للشنطة انا ناوي اجيب شنطة بلاستيك جيدة الغلق و احط فيها الحاجات الأساسية من أي صيدلية و اكتب عليها شنطة اسعافات أولية و سواء للجنة أو لأي ظرف طارئ تبقى موجودة.
===================================
و دي المواصفات منقولة
جريدة المصري اليوم
«المواصفات والجودة» تعلن المواصفة القياسية للمثلث العاكس للسيارات

٢٩/ ٩/ ٢٠٠٨

أصدرت الهيئة العامة للمواصفات والجودة المواصفة القياسية الجديدة للمثلث العاكس، الذي ألزم قانون المرور الجديد وجوده في السيارات، ونصت علي ألا يقل طول كل ضلع به عن ٤٣سم، ولا يزيد علي ٦٥سم، ولا يقل عرض كل ضلع عن ٥سم ولا يزيد علي ٧.٥سم،
بالإضافة إلي وجود مادة عاكسة حمراء بعرض من ٢ : ٤سم، وشريط داخلي برتقالي بعرض من ٣ : ٣.٣سم، وأن تكون جميع حواف الجزء المثلث مستديرة أو مشطوفة لتجنب الإصابات عند الاستخدام. واشترطت المواصفة أن تكون المادة العاكسة شديدة الإضاءة وتحقق انعكاسية الألوان، فضلاً عن ضرورة استقرار المثلث عند وضعه علي الأرض،
باختباره علي سطح خرساني أفقي، مع تعريضه لرياح بسرعة ٦٤كم/ ساعة في أي من الاتجاهين، لتحقيق اشتراطات قياسية تدل علي الاستقرار وعدم الانقلاب، ولم تشترط المواصفة مادة معينة لصنع المثلث، إلا أنها شددت علي ضرورة ألا يكون قابلاً للالتواء أو الفصل،
وتجري اختبارات لذلك عند درجة حرارة ٦٥م لمدة ١٦ ساعة، والغمر في الماء لمدة ساعتين في درجة حرارة ٣٨م، كما أكدت علي أهمية حماية وسيلة التحذير من التلف بوضعها في جراب، مع إمكانية استخدامها مباشرة.
وتضمنت المواصفة ضرورة تدوين اسم الصانع علي المثلث ووجود علامة تعبر عن تطابقه مع المواصفات القياسية المصرية ويجب تثبيتها أو طباعتها بشكل لا يمكن محوه.

[Osama_soliman]

حقيقى يا boty50

من شويه في العاشره مساء
تم تمديد المهله الي ٢ فبراير ٢٠٠٩

ارجو التفاصيل لو امكن

[shanodaa]

لما يعلنوا عن توافر واماكن البيع ها نشتري
ونريح الدماغ

[waled369]

من شوية في البيت بيتك قالوا تمديد المهلة 3 شهور تانية
أكيد البضاعة هتتأخر في الشحن مع انها اكيد تبع حد م الآلضيش هههههههههههههههه

[AboELsoud]

يا جماعه هو مش الشنطه كانت هتتلغي عشان الحاجات اللي جواها ممكن تبوظ ولا ايه ؟لو حد عارف يا ريت يقولنا

[Osama_soliman]

مد المهلة بحقيبة الإسعافات الأولية والمثلت العاكس لمدة ثلاثة أشهر أخرى


قررت وزارة الداخلية مد المهلة المقررة لتنفيذ بنود قانون المرور الخاصة بحقيبة الإسعافات الأولية والمثلت العاكس وذلك لمدة ثلاثة أشهر أخرى إعتباراً من يوم 2/11/2008 .

[FASTER]

كدة المحكمة اتورت يعني نستنا كمان 3 شهور لما نشوف اخرتها ايه يمكن تتلغي خالص ولو اني مقتنع بالمثلث بصراحة وبالنسبة للشنطة بعض الحاجات اللي فيها ممكن تكون مفيدة مش كلها والاهم من كل ده يوفروا الحاجات المطابقة دي عندهم وبسعر يكون واقعي مش استغلال تجار وبعدين الناس اللي اشترت دي ذنبها ايه طلعوا حاجتهم مش مطابقة للمواصفات يشتروا تاني بقي وامرهم لله