انا في ورطه مع الجمعيه

[hussien456]

السلام عليكم ورحمه الله وبركاته
اشتريت عربيه جن2 بالتقسيط من بنك كريدي اجريكول وامنت عليها مع الجمعيه المصريه
العربيه عملت حادثه وهلاك كلي وادوني جواب للبنك مكتوب فيه ان العربيه هتتهلك وانهم هيدوني شيك باسم البنك بمبلغ 76 الف جنيه والمطلوب من البنك رفع الحظر ونقل الملكيه باسم الجمعيه وارسال اصل وثيقه التامين اللي البنك محتفظ بيها
الورطه بقي اني بجواب رفع الحظر بتاع البنك رفعت الحظر من المرور وبعت العربيه بعقد مسجل في الشهر العقاري كلفني 1500 جنيه لوحده ..... وبعد كده الجمعيه فلست والبنك رفض يديني اصل وثيقه التامين ..والجمعيه بتقول من غير الوثيقه مش هنديك الشيك
البنك عايز الشيك الاول وبعدين يديني الوثيقه والجمعيه العكس ومش عارف اعمل ايه

[shanodaa]

ربنا معاك
انتظر رد باقي الاعضاء

[hussien456]

تكمله الموضوع الغريب العجيب بتاعي البيضه ولا الفرخه انا بسال نفسي وقلت الكلام ده لموظف البنك الذكي جدا !!!!!!!! البنك خلاص رفع الحظر وانا بعت العربيه واصلا ماضي علي شيكات بقيمه العربيه كلها بالفوايد بتاعتها ...هي يعني وثيقه التامين اللي هتضمن حق البنك لو الجمعيه فلست !!!!
وبالنسبه للجمعيه ايه لزوم تقفيل الدماغ والعند مع البنك ..وبفرض الوثيقه ضاعت اواتسرقت او اتحرقت ايه العمل ساعتها

[kimo-nubira]

انا من رائي تروح لحمايه المستهلك وتحكيلهم القصه ديه كلها وهما اللى هايجبولك

حقك ان شاء الله وربنا يعوض عليك ان شاء الله ويخفلك غيرها الاحسن ان شاء الله

[MoToRiZeR]

انا من رائي تروح لحمايه المستهلك وتحكيلهم القصه ديه كلها وهما اللى هايجبولك

حقك ان شاء الله وربنا يعوض عليك ان شاء الله ويخفلك غيرها الاحسن ان شاء الله

انا رأيي كدة برضه

[analyzer]

انا كل ما اسمع سيرة الجمعيه المهييه دى يجيلى مغص وبطنى تكركب

ربنا يستر

[noor88]

اعزائى احترسوا من شرط جديد للتامين التكميلى في معظم الشركات و هو دفع 10% من مصاريف الاصلاح عند الوكيل او مراكز الخدمة المعتمدة وده للعربيا ت الجديدة موديلات حديثة اقل من خمس سنوات ويمكن حذف هذا الشرط مقابل دفع 25% من قيمة قسط التأمين

[دموع الثلج]

اعزائى احترسوا من شرط جديد للتامين التكميلى في معظم الشركات و هو دفع 10% من مصاريف الاصلاح عند الوكيل او مراكز الخدمة المعتمدة وده للعربيا ت الجديدة موديلات حديثة اقل من خمس سنوات ويمكن حذف هذا الشرط مقابل دفع 25% من قيمة قسط التأمين

صح اانا بدفع مش فاكره 5% ولا 10% من قيمه الاصلاح


بالنسبه لموضوع الوثيقه طالما الجمعيه وضعها زفت ومطين وملفها فى الرقابه الاداريه

انت تروح لهم وتقولهم الوثيقه فى البنك وووووووووووووو انا لى عندكم ملـــــــــــــــــــــــــــــــــــف فى الجمعيه فيه كل البيانات ووممكن اكتب لكم تعهد بانى اسلم الجمعيه اصل الوثيقه من البنك بعد تسليمى الشيك

اضعف الايمان خش لهم بقصه انك هتروح تشتكيهم فى الرقابه الاداريه وهما مش ناقصين

[smsmbakr]

انا من رائي تروح لحمايه المستهلك وتحكيلهم القصه ديه كلها وهما اللى هايجبولك

حقك ان شاء الله وربنا يعوض عليك ان شاء الله ويخفلك غيرها الاحسن ان شاء الله

وانا 10000/10000

[polo61]

ياريت تطمنا ايه اللى تم مع حضرتك؟

[eino666]

يا جماعة الجمعية دى زى الزفت
حذارى من التأمين عندهم
من تجربتى السابقة معاهم
حذارى حذارى حذارى
اللهم بلغت اللهم فأشهد
************
محمود عينو