إعـــــــلان

Collapse

.

,
See more
See less

ارجو المساعدة فى نقل الملكية

Collapse
X
 
  • Filter
  • الوقت
  • Show
Clear All
new posts

  • ارجو المساعدة فى نقل الملكية

    انا اشتريت عربية من واحد عامل توكيل والرخصة مرور حلوان ولسة منتهية من 4 ايام وعملت عقد بيع ابتدائى
    وانا مرور الاميرية
    عاوز اعرف اعمل ايه بالظبط علشان متمشورش بين المرورين كتير
    هل اروح للمرور القديم واطلع شهادتين بيانات واحدة للشهر العقارى والثانية لمرور الاميرية واعمل مطابقة بصمة ومخالفات
    واطلع للشهر العقاري اعمل عقد بيع مسجل واخده مع باقى الورق واروح لمرور الاميرية والموضوع يخلص هناك؟

    ولا اروح مرور الاميرية وامتح ملف واخد مطابقة بصمة واروح مرور حلوان اطابق البصمة واعمل كل الاجراءات السابقة وبعد كده ارجع مرور الاميرية تانى؟
    افيدونى ارجوكم

  • #2
    بص يا ريس انت تتوكل على الله وتطلع على مرور الدراسه تطلع شهادة مخالفات وعدد 2 شهادت بيانات علشان الرخصه منتهيه
    بعد كدا تصور التوكيلات الى معاك صورتيين هى والبطاقه الشخصيه والرخصه
    وتطلع على الشهر العقارى وتعمل عقد بيع هياخد من صور التوكيلات والرخصه والبطاقه مع الاطلاع على الاصل (الاصل هيفضل معاك او تنساهم عنده)و شهادة البيانات وتعمل العقد وتمضي انك مشترى

    بعد كدا تطلع على المرور الى يتبع عنوان سكنك وتعمل فحص واستعلام امنى وتشتري طفايه حريق وتأمين اجبارى وضريبه والموظف الى على الشباك بياخد منك الورق دا بالأضافه الى شهادة المخالفات والبيانات وطابع شرطه والرخصه (طبعا هياخد منك الاصل - فحاول تحتفظ بصوره من التوكيلات وعقد البيع محدش عارف ايه الى ممكن يحصل ) وبعد كدا بيطلعلك تصريح - بدلا من الرخصه - لحين وصول الملف من مرور حلوان
    انا بنقل لحضرتك تجربتى العربيه كانت مرور الجزيره ونقلتها مرور مدينة نصر
    حد طبعا معاك دسوه بلاستيك تحفظ بيه الورق من البهدله وقلم جاف واتاكد انك واخد معاك اصل التوكيلات والبطاقه والرخصه وربنا معاك ويسر لك امرك
    "الله ينصر الدولة العادلة وإن كانت كافرة، ولا ينصر الدولة الظالمة وإن كانت مؤمنة"

    Comment


    • #3
      شكرا يا استاذ اسامة ..
      بس عاوز افهم ايه علاقة مرور الدراسة؟

      Comment


      • #4
        المشاركة الأصلية كتبت بواسطة acc.rshf مشاهدة المشاركة
        شكرا يا استاذ اسامة ..
        بس عاوز افهم ايه علاقة مرور الدراسة؟
        مرور الدراسه اقربلك من مرور حلوان
        "الله ينصر الدولة العادلة وإن كانت كافرة، ولا ينصر الدولة الظالمة وإن كانت مؤمنة"

        Comment

        Working...
        X