هل التامين اجباااااارى

[eng/muhamad]

هل التامين على السياره اجبارى عند الشراء بالقسط او كاش

[sokasoon]

• مافيش تأمين اجبارى غير التأمين اللى بتدفعو و انت بترخص العربية
  
  هو ده التأمين الاجبارى

[eng/muhamad]

كااااااااااام التامين ده
و كمان ان سمعت ان التامين اجبارى على السيارات اللى بالتقسيط

[sokasoon]

• بالنسبة للسيارات اللى بالتقسيط معرفش
  
  لاكن الكاش تأمين اجبارى بس اللى بيتدفع وانت بترخص
  
  التأمين الاجبارى ب125 جنية تقريباا

[د.أحمد سمير]

التأمين الإجباري في المرور يختلف عن التأمين على السيارة .. التأمين على السيارة إجباري في أغلب الحالات لمن يشتري بالتقسيط ، هناك بعض المعارض التي لا تشترط التأمين الشامل على السيارة ، ولكنها نادرة جداً ، وفائدة القسط فيها مرتفعة بطريقة رهيبة .. نصيحتي حاول تشتري كاش وتريح دماغك

[محمدايهاب]

أيوة التأمين أجباري في حالة التقسيط

[ahmed_moslem]

دكتور سمير وكل من عنده معلومات عن المعارض اللى مبتأمنش, ممكن اساميها وعناوينها :lol: وياريت لو ينفع تليفونتها .

[مهندس محمد صلاح]

على فكرة فيه حاجه مهمة غايبة عن 99% من الناس ولا يستفيدوا منها .. الا وهى .. ان التأمين الاجبارى اللى بتدفعه سيادتك وسيادتى فى المرور من الاهليه او الشرق للتأمين وغيرهم هو تأمين شرعى وسليم على العربية ضد الحوادث والحريق والسرقة وخلافه لكننا عمرنا ما بنلجأ للاستفاده منه ابدا لاقتناعنا اننا مش حنطول منهم حاجة .. لكن قانونا وشرعا انت لك كل الحق فى مطالبة شركة التأمين اللى انت دافع لها فلوس فى المرور بتعويضك عن اى ضرر فى العربية زى الشركات الخاصة تماما لكن احنا علشان عارفين اللى فيها واننا مش حناخد منهم حاجة سوى وجع الدماغ فمابنسألهمش ابدا .. وهما بدورهم فرحانين جدا بينا وبالعبط بتاعنا وسايقين الهبل على الشيطنه وعمالين يلموا ملايين من اصحاب العربيات السذج امثالنا وخلاص .. بالله عليكم حد عمره شاف فى اوربا مثلا حد بيدفع فلوس لشركتين تأمين على نفس العربية ..

[Nader]

كمان ان سمعت ان التامين اجبارى على السيارات اللى بالتقسيط

هو اجباري في معظم المعارض بس حسب المقدم، يعني لو انت دفعت 40% وهتقسط الباقي علي سنتين او ثلاثة ممكن ميطلبوش منك تامن على العربية.

عموما التامين بيبقى في حدود 1.5%لـ 2% "وممكن يتقسط برضة" من سعر السيارة، حسب شركة التامين.


التامين بتاع المرور دة بيبقى حسب الترخيص ومدة يعني انا افتكر ان الثلاث سنوات كانوا ب90 جنية.

[waleedabbas]

التامين الاجبارى

والله اعلم التامين الشامل بيكون اجبارى فى معظم المعارض فى حالة التقشيط وده عشان يضمن حقه لو العربية حصلها حاجة؟

اما التامين الاجبارى فى المرور على ما اتذكر من دراستى للقانون انه مش تامين لصاحب السيارة :roll:
ده بيكون تامين ضد الحوادث اللى بيعملها صاحب السيارة والاضرار الناتجة عنه يعنى لاقدر الله لو خبط واحد الدولة بتعالجة فى المستشفيات بتاعتها وده من التامين الاجبارى
يعنى التامين الاجبارى ده لمصلحة المضرور من السيارة مش لمصلحة صاحب السيارة عشان سيارته وهو عشان كده اجبارى
والله اعلم

[محمد ابراهيم 1]

الحقيقه فى خطأ وهو الاعتقاد بانه من الممكن الاستفاده من التأمين الاجبارى بالنسبه لمالك السياره والحقيقه ان التامين الاجبارى هو تامين لمصلحه الغير المضرور بمعنى ان صاحب العربيه اذا (لا قدر الله ) صدم احد الاشخاص او صدم عربيه تانيه وتسبب فى اصابه او وفاه احد فبيكون من حق المضرور الاستفاده من التامين الاجبارى وفى جميع الحالات لا يستفيد مالك السياره من ذلك التامين
وبالمناسبه هو مش 125 هو على حسب السعه اللتريه للسياره وبيكون بمبلغ أقل من اربعين جنيه عن السنه الواحده
محمد ابراهيم

[CryptonX]

تصحيح للمعلومات :

التأمين غير اجباري في نظام التقسيط :

1. في حالة التقسيط بضمان وديعة
2. في حالة دفع مقدم من 40 الى 50 %

التأمين الاجباري كما قال الأخ الفاضل ده للمتضررين من سيارتك مش على سيارتك للأخ الي بيقول انك تجري وراهم ياربت تقرى الورق كويس قبل متجاوب الناس غلط و تضللهم .

انت مش تدور على معرض مش بيأمن , انت تشوف انهي بنك نظامه افضلك وتروح البنك الأول تسفتسر , و لو حتقسط من كونتاكت , مش حتروح اي معرض اصلا , اتن تشوف احسن سعر فين و تقولهم على المعرض و هما يتصرفوا .

[مهندس محمد صلاح]

اسلوب سعادتك مستفز وطريقة كلامك دبش .. اصحى

[أبو_حمزة]

يعنى افهم من كلامكم ان لما حد يخبط عربيتى ساعتها من حقى اطلب التأمين؟؟
حد يفهمنا الموضوع ده
عشان لو حقنا نعرف ازاى نجرى وراه