إعـــــــلان

Collapse

.

,
See more
See less

إيه أول مخالفة مرور في حياتك؟

Collapse
X
 
  • Filter
  • الوقت
  • Show
Clear All
new posts

  • إيه أول مخالفة مرور في حياتك؟

    من باب التسلية .. ممكن تحكي لنا عن أول مخالفة وقفك الضابط عشانها، و إيه اللي حصل.

  • #2
    أنا هابدأ بنفسي ..
    أنا مبدئيا ملتزم جدا بقواعد المرور، حتى أصحابي لما بيركبوا جنبي بيتخنقوا من سواقتي الهادية، والإشارات والذي منه.
    المهم كنت مسافر من المنصورة لاسكندرية، وأنا عمري ما بازود عن 90 كم في الساعة، لقيت لجنة قبل طنطا والضابط بيقولي الرخص، طلعتها له لقيته بيقولي مخالفة سرعة!
    استغربت لأني ماشي وكل العربيات بتعديني، وقولتله سرعة إيه؟ قاللي كنت ماشي على 90 والطريق ده أقصى سرعة فيه 60، طبعا استغربت وسألته إزاي وأنا ما شفتش أي علامة بتقول الطريق 60، قاللي الجهل لا يعفي من المسئولية القانونية. ولأني مش يتاع مشاكل فضلت التصالح الفوري ودفعت الـ 150 جنيه.

    Comment


    • #3
      ردار بس مدفعتش وكل مخلافاتي ردار وكنت بجيب الرخص بواسطه
      بس خايف علشان كمان اسبوع رايح اجدد رخصه القياده
      ربنا يسترها
      [SIGPIC][/SIGPIC]

      Comment


      • #4
        اول مرة في حياتي حد يوقفني
        كان في ميدان التحرير
        وداخل ضارب العالي و مش رابط الحزام وماسك الموبايل
        والاجدع معييش رخص خاللص؟

        رحت مطلع الاموال و مروح سالم غانم

        Comment


        • #5
          اول مخالفه لسه عاملها امبارح

          زجاج ملون ولوح مخالفه للون والحجم وملصقات علي الزجاج الامامي

          واتسحبت الرخص بس بلدك بتاعت شهادات وجت الرخصه تاني يوم الصبح بالواسطه

          Comment


          • #6
            اول مخالفة عملتها كانت وقوف فى الممنوع رحت قضيت مشوارى حوالى ساعة كدة جيت لقيت العربية متكلبشة
            مع العلم انى لما وقفت العربية مكنتش اعرف ان دا ممنوع ومفيش اى حاجة بتقول ان المكان ممنوع الوقوف فيه وفعدت ادور على الضابط علشان يفك الكلبشات وبعد حوالى نص ساعة لقيته فقلتله اى اللى يعرفنى ان المكان دا ممنوع الوقوف فيه قاللى فى يافطة متعلقة فى آخر الشارع
            يعنى علشان اعرف ان ممنوع الوقوف لازم امشى لآخر الشارع وبعدين ابقى ارجع تانى اركن اذا مكنش فى يافطة
            قلتله دا مش كلام منطقى فمردش وبعدين كان فى ناس كتير عربياتها متكلبشة
            المهم فال للعسكرى فك الكلابش وقاللى خلاص بس متقولش لحد انك مدفعتش
            [COLOR=indigo][B][I][COLOR=indigo][B][I][I][B][COLOR=indigo][I][B][COLOR=indigo][COLOR=indigo][B][I][COLOR=indigo][B][I][COLOR=indigo][B][I][COLOR=indigo][B][I]الحمد لله كما ينبغى لجلال وجهه ولعظيم سلطانه[/I][/B][/COLOR][/I][/B][/COLOR][/I][/B][/COLOR][/I][/B][COLOR=indigo]
            [COLOR=indigo]
            [/COLOR][/COLOR][/COLOR][/COLOR][/B][/I][/COLOR][/B][/I][/I][/B][/COLOR][/I][/B][/COLOR]

            Comment


            • #7
              اول مخالفة كانت من حوالي 3 شهور , و انا علي طريق رأس غارب/الغردقة الساعة 9 مساء كنت ماشي علي 170 كم/ساعة و اتصورت رادار طبعا اتسحبت رخصتي بس بعد ماعملت شوية اتصالات جبتها بعد حوالي 4 ساعات و الظابط قطع الايصال

              هي كانت اول مرة اعمل فيها مخالفة و بصراحة انبت نفسي جامد و اقسمت اني مش هاعمل اية مخالفة مهما حصل لاني بطبعي ملتزم

              و الحمد لله حتي الان الامور ماشية و لما جددت الرخصة ماكانش في علي اية مخالفات
              [SIGPIC][/SIGPIC]

              Comment


              • #8
                الحمد لله مفيش مخالفات لحد دلوقتى

                ربنا يجعل كلامنا خفيف عليهم
                [CENTER]سبحان الله وبحمده سبحان الله العظيم
                لا تظلمن إذا ما كنت مقتدرا --------- فالظلم يرجع عقباه الى الندم
                تنام عينك والمظلوم منتبه --------- يدعو عليك وعين الله لم تنم
                [/CENTER]

                Comment


                • #9
                  أول مخالفه كانت تصوير سرعه 131 كم على الطريق الزراعى عند كفرالزيات بعربيه بيجو 504
                  والكلام ده كان من حوالى 12 سنه
                  مين اللى يستحمل كل ده
                  [URL="http://www.0zz0.com"][/URL]

                  Comment


                  • #10
                    اول مخالفه كان كلابش وانا راكن فوق الرصيف امام جامعه عين شمس كليه التجاره
                    ليست مشكلتي إن لم يفهم البعض ما اعنيه ؟
                    و ليست مشكلتي ..إن لم تصل لفكره لأصحابها ؟ فهذه قناعاتي .. وهذه افكاري .. وهذه كتاباتي بين يديكم أكتب مااشعر به .. أقول ماأنا مؤمن به .....انقل هموم غيري بطرق مختلفة و ليش بالضرورة ما أكتبه يعكس حياتي ....... الشخصية هي في النهاية ...... مجرد رؤية لأفكاري .....

                    [url=http://www.postimage.org/image.php?v=gx1XIkV9][img]http://www.postimage.org/gx1XIkV9.jpg[/img][/url]

                    Comment


                    • #11
                      اول مخالفه كانت في شرم الشيخ كنت لسه مطلع الرخصه مبقالهاش اسبوع
                      وقفني امين شرطه بعربيه الشغل وقالي الرخص اديتهمله بكل ثقه رابط الحزام ومفيش مشاكل قالي الرخص منتهيه قلتله رخص ايه قالي الاتنين قلتله انتا مبتعرفش تقرا دي الرخصه بقالها اسبوع دي لسه سخنه قالي اه صحيح رخصه العربيه منتهيه نزلت للظابط قالي رخصه العربيه خلصانه بقالها يومين قلتله ماشي في شهر سماح قالي لا ده تصريح والتصريح مفيهوش سماح وراح عامكل وصل للاتنين قلتله اسحب رخصه العربيه بس ليه تسحب رخصتي قالي بدام تصريح يبقي المفروض اسحب الاتنين والعربيه واخدك اعملك محضر قلتله ليه ياعم هو انتا مسكت معايا مخدرات انا بشتغل في الشركه الفلانيهبتاعه فلان قالي انا عارف طب خلاص ملوش لازمه قالي لا هسحب الاتنين وعارف ان انتا هتيجي بعد شويه وتجيب واسطه وتاخدهم
                      وفعلا حصل
                      لا اله الا انت سبحانك اني كنت من الظالمين

                      Comment


                      • #12
                        انت فكرتني بمخالفة خنقتني جدااااا

                        مرة كنت مستعجل و عايز اخد المترو روحت ركنت العربية في شارع 9 عند محطة المعادي صف اول مع العربيات الهيئة الدبلوماسية و كان في عربيات بي ام و مرسيدس ملاكي عادي

                        المهم رجعت بعد 5 ساعات كدا لقيت عربيتي الوحيدة الملزوق عليها مخالفة انتظار و العربيات التانية مش واخد مخالفة زيي حاجة تنرفز

                        بصراحة اتظلمت
                        [mtohg=#ff0000]http://img862.imageshack.us/img862/4429/hyundaielantra201208.jpg[/mtohg]

                        Comment


                        • #13
                          مخالفه وهمية

                          أول مخالفة ركن في الممنوع سنة 2004 علما بأني لسة جايب العربية السنادي؟؟؟؟!؟!!؟!؟!؟!

                          أول مخالفة حقيقية سرعة علي المحور بعربية الشغل الحمد لله.

                          Comment


                          • #14
                            اول مخالفة فى حياتى كانت من اسبوعين تقريبا و كانت سير عكس اتجاه بس الحمد لله اتحيلت على الظابط شوية و خدت رخصي تانى
                            [SIZE="2"]i'll miss everyone[/SIZE]

                            Comment


                            • #15
                              في الكويت :-
                              كنت طالع فوق رصيف و جيت لقيت كل العربيات اللي فوق الرصيف عليها مخالفات بس الغريب لغاية الوقتي ( تقريبا من 11 سنة ) لم أدفعها و لو تنزل على كمبيوتر المرور خالص .
                              في مصر :-
                              كنت نازل أجازة و مش عارف موضوع الحزام في مصر خالص و ماشي عادي جدا مش عارف ملازم أول طلع لي منين و لقيته بيقولي مخالفة علشان الحزام و أخد الرخصة رحت تاني يوم جبتها و دفعت ( 55 جنيه) تقريبا.

                              Comment

                              Working...
                              X