إعـــــــلان

Collapse

.

,
See more
See less

مساعدة في موضوع المرور

Collapse
X
 
  • Filter
  • الوقت
  • Show
Clear All
new posts

  • مساعدة في موضوع المرور

    السلام عليكم ورحمة الله وبركاتة
    أستفسار أنا أشتريت عربية هي مرور الدقهلية وانا تبع مرور القاهرة هو جاب لي شهادة براءة زمة والرخصة لسة فيها 4 شهور
    وانا عايز ارخص دلوقتي وعملت خلاص عقد البيع اللي في الشهر العقاري المفروض هروح ارخص تبع المرور بتاعي اللي تبع محافطة القاهرة هل هحتاج اروح الدقهلية ولا لا ولو محتاج هروح اعمل اية
    في ناس قالتلي اة هتروح علشان اطابق بصمة وناس قالتلي لا
    ممكن الجواب الشافي لأني مقلق من النقطة دية جدا
    [B]اللهم انك أعطيتنا الإسلام من غير أن نسألك فلا تحرمنا الجنة ونحن نسألك[/B]

  • #2
    خطوات نقل ملكية السيارة
    1 -يكون معاك عقد مسجل فى الشهر العقارى
    ( لو صاحب العربية باعلك بعقد , ساعتها متمضيش فى خانة المشترى و سيبها فاضية علشان لو مضيت هيكون العقد مدته 30 يوم فقط تعمل نقل ملكية فى المرور فى خلالهم , و لو ملحقتش بيكون العقد لاغى )
    2 -بتروح المرور الجديد (بتاعك) - شباك نقل الملكية , هيطلب منك تشترى ملف وورق فحص وورق تجديد بعدد السنين اللى انت عايزها و شوية نماذج من الخزنة , وترجعله , هيقولك روح ارفع البصمة
    3 - هتروح مكان الفحص و تخلى الفنى يرفعلك بصمة الموتور و الشاسيه , بعد كده يكتب المهندس على ظهر الورقة طلب مطابقة بصمة من المرور القديم , اووووعى تنسى تختم البصمة ختم النسر من رئيس الوحدة.
    4 - هتروح مرورك القديم اللى فيه ملف العربية حاليا , و تروح شباك مطابقة البصمة , تطابق البصمة اللى معاك بالبصمة الموجودة فى ملف العربية , و اوووووعى تنسى تانى تختم المطابقة بختم النسر من رئيس الوحدة.
    5 - و انت فى المرور القديم , اطلع على نيابة المرور , طلع شهادة مخالفات (براءة ذمة) , و لو العربية عليها حاجة , ادفعها و هات شهادة مخالفات نضيفة.
    6 - لو رخصتك منتهية طلع شهادة بيانات من المرور القديم بالمرة (لازم).
    7 - صور بطاقتك و رخصة العربية و العقد و اطلع على المرور الجديد.
    8 - هتدخل على شباك نقل الملكية , هيتمم على الورق و الاختام و يقولك روح افحص ( تكون شايل الفيميه و الستائر و الزينون و مظبط الانوار و مفيش خبطات, و موتورك مبيدخنش ) مهندس الفحص هيمضيلك و يختملك , تكشف على الطفاية و انت و حظك , لو انتهت هتشترى واحدة و تختم ورقة الطفاية , و لو المرور عندك بيأكد على المثلث و شنطة الاسعافات هتشتريهم بالمرة.
    9 - هترجع الشباك هيجهزلك وصل الفلوس
    - ضريبة التجديد
    - غرامة لو رخصة منتهية
    10 - هترجع الشباك تديله وصل الفلوس هيقولك استنى لما ننده عليك تستلم الرخصة.و بيها تروح تستلم النمر الجديدة و تركبها
    11 - فى الحقيقة مش هتكون رخصة اوى , هتكون حاجة اسمها تصريح (شبه الرخصة بالظبط) , 3 شهور او 6 شهور انت و حظك , لحين ما ييجى ملف العربية من مرورك القديم للجديد , بعد ما التصريح يخلص بتروح المرور , لو الملف جه هيدوك رخصة لو مجاش هيدوك تصريح تانى.

    Comment


    • #3
      هو أنا محتاج وأنا رايح المرور القديم علشان اطابق البصمة تكون معايا العربية ولا لا
      [B]اللهم انك أعطيتنا الإسلام من غير أن نسألك فلا تحرمنا الجنة ونحن نسألك[/B]

      Comment


      • #4
        المشاركة الأصلية كتبت بواسطة kokmedo مشاهدة المشاركة
        هو أنا محتاج وأنا رايح المرور القديم علشان اطابق البصمة تكون معايا العربية ولا لا
        لا مش بتحتاج العربيه
        [SIZE="5"]لا اله إلا الله محمدُ رسول الله[/SIZE]

        Comment


        • #5
          سؤالين
          الاول هل محتاج شهادة بيانات مع اني الرخصة لسة منتهتش وكمان معايا شهادة مخالفات
          ثانيا ممكن أدي للراجل اللي بيفحص في المرور الجديد فلوس وميخلنيش اروح اطابق البصمة في المرور القديم
          [B]اللهم انك أعطيتنا الإسلام من غير أن نسألك فلا تحرمنا الجنة ونحن نسألك[/B]

          Comment

          Working...
          X