مخالفة سير عكس الاتجاه

[إنسان مصري]

الكلام ده قبل القانون الجديد..بس حتى مع إختلاف القوانين وتعديلها فيه ثوابت مش بتتغير بتغير القوانين ..زي مثلا إن حالة التلبس ميحققهاش غير ضابط الكمين ..وزي مثلا برضه ان جميع عقوبات الحبس في مخالفات المرور ما تكونش غير في حالات التلبس ..القوانين بتشدد في زيادة قيمة المخالفات او في زيادة مدد الحبس ..عموما ..زياره صغيره منك لاي نيابة مرور هتنهي الجدل ده كله من باب الاستفسار مش اكتر

شكرا ليك

وربنا يكرم وهشوف الموضوع يخلص على ايه

[moumen_hs]

المخالفة سير عكس الاتجاة لسة واخدها ياباشا ونزلة على النت الحد الاقصى 3000 جم و الادنى 1000 جم وأنا خدت الادنى لو الاقصى بتعمل تظلم وانا لسة مش عارف هينفع تظلم ولا لا موضوع الحبس دة لوحضرتك أتمسكت متلبس ومردتش تدفع الغرامة الفورية وهذا الى ان يرد تعديل قانونى ابن ستين فى سبعين وشكرا

[velkouf]

دفعت مخالفة سير عكس الاتجاة و تعطيل حركة المرور 1300ج
حسبى الله ونعم الوكيل

[Ahmed abdkarim]

متابع

[amr011111]

ديه مشاركه ليا فى موضوع مماثل

"يا جماعه المفروض يبقى الموضوع العقابى عقلانى اكتر من كده
طبعاً مفيش عذر للى بيمشى عكس الاتجاه عمداً
انما انا مره روحت اكتوبر ومكانش فيه اى يافظه ارشاديه خالص تدل ان ده عكس الاتجاه ولا لاء وعسكرى المرور كان واقف مستخبى علشان عارف ان الناس كلها بتغلط فى الحته ديه ودفعت مخالفه 1000 جنيه عكس اتجاه فالعسكرى واقف فى المكان المستخبى ده علشان يسجل المخالفه او تنزل تظرفه 100 جنيه اقل واجب
لانه لو غرضه مصلحة الماره كان وقف فى مكان ظاهر وحطوا يافطه تبين ان الاتجاه ده عكسى

مثال اخر
شارع الشهيد عبدالمنعم رياض طول عمره خارج من ميدان الثوره الى شار ع البطل أحمد عبدالعزيز فمره واحده غيروا اتجاهه بحيث انه يكون داخل من البطل فى اتجاه ميدان الثوره
فتخيل مثلا لو حد كان فى المهندسين بالصدفه من شهرين وجه بعد شهرين يدخل الشارع يلاقى ان الشارع بقى عكس وطبعاً مش هيعرف كده الا فى اخر الشارع لان عسكرى المرور واقف فى اخر الشارع مش فى اوله لتحصيل الغرامه

وكذلك شارع العريش بالهرم كان علطول داخل من فيصل وخارج للهرم مره واحده خلوه داخل من الهرم وخارج لفيصل وبعد كده بقى اتجاهين فاللى ليه مشوار مش كل يوم فى الشارع ده مش هيعرف ان الشارع اتعكس اتجاهه الا بعد ما يدخله
فمثلا اللى متعمد يمشى عكس خلى الغرامه 5000 الاف جنيه او اسحب من الرخصه لمده سنتين والكلام ده كمان يتطبق لو كان هيمشى على كل الناس بما فيهم المستشارين والظباط ده كان من شهرين ظابط شرطه ماشى عكس اتجاه على كوبرى قصر النيل ومحامى قاله كده غلط نزل خده على القسم وضربوه والموضوع طلع فى الجرائد"


بصراحه حتى فى تطبيق القانون اغبياء يعنى اللى يمشى عكس اتجاه متعمد على طريق سفر يسجنوه
انما زى ما قولت فوق على الشوارع اللى فى مره واحده بيعكسوا اتجاهاه ده مينفعش
وبعدين القانون برضه مش هيطبق على البشوات وولاد البشوات

بعدين من ضمن الغباء ان واحد يتسجن سنه مع المجرمين والقتله ويخرج من السجن مش يلاقى شغل ويبقى خلاص بقى مجرم رسمى
العقليات اللى بتحترع القوانين وتطبقها عقليات غريبه

[sting_2010]

يخرب بيت ام غباء دى دولة ودى داخلية .!! نفترض مثلا ان واحد نازل مدينة فى المحروسة .! وما يعرفش شوارعها وبيبقى فى حتت لا انت عارف الطريق رايح والا جاى ..وهوبا لقيت ظابط والا امين واقف تحت شجرة وعملك كمين ..هاخد حبس سنة !!! ما يروحوا يتشطروا على البلطجية والحرامية ..احسن ليهم ولينا .. !! حاجة تقرف بجد .

[yehiali]

السلام عليكم

ممكن اعرف صاحب الموضوع عمل ايه في المخالفة ؟