رايح المرور

[mesaharaty]

السلام عليكم يا إخوانى

أنا دلوقتى رايح المرور بغرض إستخراج رخصة خاصة .
ما هى الخطوات إللى لازم أعملها فى المرور علشان أستخرج الرخصة ويا ريت إللى يعرفها يشرحها واحدة واحدة علشان تبقى مفهومة .

ولكم الشكر جميعا

[Osama_soliman]

رخصة قيادة أم رخصة سيارة


لو رخصة قيادة :

- يكون عامل الكشف الطبى (عيون - وباطنة ) واظن تحاليل
فى ايه مستشفى بيكون عارفين اللى بنود الكشف المطلوبة للمرور.

- صور شخصية حديثة (انت طبعاً هتتصور كمبيوتر) بس ده لزوم الورق.

- طبعاً صورة من اثبات الشخصية

- اوراق استخراج الرخصة وده هتشريها من المرور


لو رخصة عربية :

- تاخد العربية معاك طبعاً وتكون فى حالة كويسة يعنى لو فى خبطات بسيطة حكات فى الدهان حاول تعالجها علشان الفحص.

- يكون معاك طفاية حريق بتاعة العربية أو تشترى واحدة من هناك
انا اشترت طفاية لعربيى من 3 شهور كان سعرها 115 تقريباً ويقوم بتاع الطفايات سوف "يدق" رقم الساشية على السيارة.

- لو كان السيارة جديدة يكون معاك أوراق الشراء الخاصة بها.
- لو كان السيارة مستعملة يكون معاك شهادة مخالفات - وعقد او توكيل مسجل فى الشهر العقارى (ممكن يطلبوا منك شهادة بيانات).

باقى الورق بتشتريه من المرور.


ملاحظة : ده من واقع تعاملى مع المرور (ممكن يكون فى اوراق زيادة مطلوبة حسب الحالة)

فانت روح انشاء الله تعالى وتكون عامل حسابك انك ممكن يكون فيه مشوار اخرى للمرور برضه.

والف مبروك مقدماً

[shanodaa]

اولا بتعمل كشف طبي
وبتشتري ملف ومرفق معه 3 صور
وبتقدم الملف وبيحددو لك ميعد الامتحان وممكن يكون في نفس اليوم
ويختبروك في الاشارات ولو نجحت بختبروك في القياده
واتمني لك التوفيق
طبعا لو في وسطه
او وسيط ها يخلص الموضوع بسرعه

[mazagnge]

و اهم حاجة قبل دة كلة :
1 - سدد ديونك لو عندك ديون .
2- صالح اصدقائك و راضي والدك و ولدتك .
3 - أكتب وصيتك .
و انا رجعت و معاك الرخصة يبقي هابي بيرس تو يو ، لو مرجعتش يبقي شهيداً ... شهيداً ... شهيداً ...

بضحك معاك يا بوب ... ربنا يوفقك و يعينك على عم عبده روتين .