رادار

[khaledazizeg]

شفتوا الى حصلى وانا ماشى على طريق السندباد وانا رايح موقف العاشر لقيت لجنة فدخلت عادى فبيوقفنى وبيقولى رخصك فبطلعهالوا فبيقولى انك اتاخدت رادار على 83 فقولتلوا هوا فى هنا رادار قالى ايوة قلتلة داه انا بقالى سنتين يوميا بعدى من هنا عمرى ما شفت رادار فقالى فية مصالحة فورية ب150 جنية او تروح للمرور ب300 جنية فقالى المفروض تمشى فى الطريق داة على 60 كم انا مش عارف طريق زى داه ازاى امشى فية 60كم مع العلم انى اصلا انا معظم الوقت بمشى 120 130 كم

[magomago]

اوعى يكون اللى عاملك مخالفة امين شرطة ويكون كمين نصب

[Nile Heart]

انا يوميى على الطريق ده من اكتر من سنتين وعمرى ماشفت لجنه عليه

اللجان كانت بتبقى على الطريق السريع اللى ورا ساكن شيراتون حتى تقاطعه مع طريق السويس عند الماظه

هى الساعه كانت كام يا استاذ خالد؟

[engineer_bondok]

انا ساكن هناك بقالي 8 سنين عمري ما شفت لجنه هناك خالص وعامه على الطريق ده انا بجيب 120 وزي الفل ما فيش حد وقفني ولا قلي الرخص خالص.

[khaledazizeg]

اوعى يكون اللى عاملك مخالفة امين شرطة ويكون كمين نصب

لا اسمة المقدم شهاب

[khaledazizeg]

انا ساكن هناك بقالي 8 سنين عمري ما شفت لجنه هناك خالص وعامه على الطريق ده انا بجيب 120 وزي الفل ما فيش حد وقفني ولا قلي الرخص خالص.

ما انا نفس النظام بقالى سنتين علية ومشفتش اى كمين بس المهم انا دلوقتى بضور على برنامج كاشف الرادار للنوكيا ى82 ولو حد عنده يا ريت يجيبهولى

[Osama_soliman]

معهليش يا اخونا

هوه ايه "برنامج الرادار للنوكيا"


هل فيه برامج ممكن يكشف الرادار

[human]

معلش افهم الموبايل هيكشف رادار ازاى؟
الرادار ده بيرسل موجه صوتيه تنعكس من عربيتك و يرسل واحده تانيه فيحدد المسافه اللى انت قطعتها بين المره الاولى والمره التانيه فيقسم المسافه على الزمن فيعرف السرعه
ايه اللى يخلى الموبايل يعرف الموجه الصوتيه اللى جايه؟؟؟؟؟؟ ازاى يعنى؟؟؟

[sab3aawy]

الأخوة الاعزاء

ده شارع جوزيف تيتو وانا تعاملت معاه سنين طويلة جدا لما كنت بشتغل فى احد الشركات فى منطقة النزهة الجديدة ، الشارع ده بالفعل السرعة فيه 60 كيلومتر فقط لأنه داخل حدود المدينة، وعمر ما حد بينصب عليه رادار غير فى آخر السنة لما يكونوا عايزين يقفلوا ميزانية الرخص المسحوبة بعدد معين، فالشارع ده من الشوارع المشهورة انك ممكن تاخد فيه مقلب الرادار لو حظك الأسود صادف انك كنت بتجرى فيه يوم تقفيل الميزانية، واعرف ناس كتير اتسحبت رخصهم فيه، وعداة ده بيحصل فى يوم واحد، يعنى الاقى 12 واحد من زمايلى فى العمل داخلين مكفهرين علشان رخصهم راحت، وبعدها خد سنة كاملة مافيش حاجة، ومن الطرق الاخرى المشهورة فى الحكاية دى طريق الأوتوستراد بين النادى الاهلى ومساكن شيراتون، وطريق الأوتوستراد بعد المعادى، وصلاح سالم بين نادى الجلاء والمطار ، وكل الأماكن دى السرعة فيها 60، يعنى كل اللى معدى رخصه هتتسحب

[MMamdouh]

يا ولاد ال

MMamdouh

[Samir Elshahawy]

بصراحة انا بدأت اشك ان مصر فيها اصلا حاجة اسمها رادار و انهم بيشتغلونا :k27:

[mshamy]

عزيزي خالد
موضوع الردار بتاع النوكيا ده اشتغالة جامدة جدا و ناس كتير صدقتها ...في كام موضوع عن الردار في المنتدى ممكن حضرتك تعمل بحث و تشوف التفاصيل لو حضرتك مهتم

ما انا نفس النظام بقالى سنتين علية ومشفتش اى كمين بس المهم انا دلوقتى بضور على برنامج كاشف الرادار للنوكيا ى82 ولو حد عنده يا ريت يجيبهولى

[Michael_Lanos]

يا شباب مافيش حاجه اسمها كاشف رادار فى الموبايل ال 82 نوكيا، كل الموضوع انه فيه جي بي اس ود لا علاقه له بالرادار خالص

[Mohamed_Ibiza]

معلش تعيش وتاخد غيرها ياباشا