بالنسبة للتأمين

[mohamed_berlitz]

السلام عليكم يا معشر المنتدى الافاضل
اما وبعد............

يا جماعة انا حستلم لانوس ان شاء الله من عند ابو غالى خلال اسبوعين كدة وفعلا محتار فى حكاية التأمين دية انا عندى 3 اختيارات
1- تأمين من خلال المنتدى والجمعية اللى بتتعامل معاها وهى من خلال شركة اسمها جود لايف وبتاخد 1.6% منثمن العربية
2- تأمين من خلال ابو غالى نفسة 3% من ثمن العربية
3- تأمين من خلال اى شركة حكومية وبرضة حيبقى فى حدود 3%

انا فعلا محتار مابين ادفع قليل بس مع قطاع خاص اللى هو البند الاول
او ادفع كتير بس فى المضمون

عموما يا جماعة اى حد عندة تجربة فى حكاية التأمين دية ياريت يقولنا مرت ازاى ومدى صعوبة الاجراءات وكل شىء

وعموما حتبقى فرصة اننا نفتح موضوع مهم جدا
وشكرا

[PAYOO]

Re: بالنسبة للتأمين

السلام عليكم يا معشر المنتدى الافاضل
اما وبعد............

وعليكم السلام ورحمة الله وبركاته
أهلا يا محمد باشا

يا جماعة انا حستلم لانوس ان شاء الله من عند ابو غالى خلال اسبوعين كدة

ألف مبروك مقدما يا ريس

انا فعلا محتار مابين ادفع قليل بس مع قطاع خاص اللى هو البند الاول
او ادفع كتير بس فى المضمون

معلش بقى يا محمد مين قالك ان الشركات الحكوميه في المضمون ؟ دي هاتخليك تندم على اليوم إللي فكرت فيه أنك تتعامل معاهم ومش هاكلمك على الروتين

القطاع الخاص عاوز يكسب وعشان يكسب فلوس وعشان يكسب فلوس لازم يكسب الناس نفسهم ويقدم لهم خدمه كويسه وسهله بإجراءات اسهل

وانا مش هاقدر دلوقتي حالا أجبلك أمثله على القطاع العام وشركاته وعلى الجمعية المصريه للتأمين التعاوني لأني نازل حالا

لكن لاما هارجع هاوضح لك كل حاجه

وأتطمن يا ريس

[prince semsem]

انا بقترح عليك تجرب تأمن عند شركة Contact وهما تبع بنك Cib (التجاري الدولي)
وهي فعلا شركة محترمة جدا هي غالية شوية لكن صدقني انا جربتهم والغالي تمنه فيه انا معايا اسبيرنزا A516 وبدفع 2700 على 12 شهر

وده رقم تليفونهم 25228088

والموقع الخاص بهم على الانترنت

http://www.contactcars.com

http://www.contactcars.com/Insurance.asp

وانا تحت امرك في اي استفسار

[mohamed_berlitz]

انت فين يا بايو

اية يا بايوو انت نسيتنى ولا اية
الحقنى انا حستلم خلااااص

[analyzer]

السلام عليكم

انا مأمن فى الجمعية وبصراحه هى ممتازة

[مهندس محمد صلاح]

ياشباب .. اللى عاوز يخدم فى الموضوع ده لازم تكون اجاباته وملاحظاته بالنسبة لشركات التأمين واقعية ومفيدة لصالح الزملاء .. العملية مش كلام وخلاص بدون تجارب .. يعنى مثلا انا لما اقارن بين ثلاث او اربع شركات تامين فلازم احط امامى بعض النقاط الهامه اللى حاقارن على اساسها .. منها :
1- حادفع كام نسبة مئوية من تمن العربية كتأمين
2- حادفعه مرة واحدة ولا اقساط شهرية
3- لو عملت حادثة وده مربط الفرس .. والعربية متكومه جنب الرصيف فالتصرف حيكون ازاى .. حانقلها انا لحد التوكيل او ورشة الاصلاح وعلى حسابى الخاص ولا التامين حيقوم بالمهمة دى كلها ويبعت لى ونش ولما يبعت لى ونش حيبقى على حساب مين انا ولا التامين
4- شركة التامين بعد الاصلاح حتدفعنى حاجة ولا كله عليها
5- مين حيحاسب التوكيل او ورشة الاصلاح انا ولا التامين قبل ما استلم عربيتى

وهكذا ياشباب لازم تبقى المقارنة مجديه مش كل ما نسأل واحد عن الشركة الفلانيه يقوم يقول اه والله دول ناس محترمين قوى او بصراحة هى ممتازة .. انا مالى ومال انهم محترمين ولا لا انا بهمنى المصلحة اللى تفيدنى الناس كلهم محترمين والكلام يبقى عملى ومن واقع التجارب وده الغرض من المنتدى انك تلاقى اجابة وافية على سؤالك
انا مثلا قبل ما اامن عملت مقارن بين ثلاثة شركات


1- غبور
2- الجمعية المصرية للتامين التعاونى
3- كونتاكت

1- غبور ( التوكيل ) : المبلغ اللازم دفعه 3% من ثمن السيارة - يتم دفعه مرة واحدة عند التعاقد - فى حالة حدوث حادثة لا قدر الله تقوم سيادتك بمسئولية نقل السيارة الى التوكيل اما بالاسكندرية او ابو رواش ايهما اقرب الى مكان الحادث كفانا واياكم شر الحوادث - يقوم التوكيل بالاصلاح ولا تتكلف سيادتك ولا مليم وعيبهم انهم بيتأخروا جدا لتسليمك العربية والمدة ممكن تعدى الشهرين حسب الخسائر فى السيارة وحجمها.
العنوان : اما ابو رواش الكيلو 28 مصر اسكندرية الصحراوى / تليفون 025390760 او 27 شارع السلطان حسين - الاسكندرية / تليفون 034815551

2- الجمعية المصرية للتأمين التعاونى : المبلغ اللازم دفعه 2% من ثمن السيارة - يتم دفعه مرة واحدة عند التعاقد - فى حالة حدوث حادثة لاقدر الله تقوم سيادتك بمسئولية نقل السيارة الى المكان او الورش التى سيتم الاتفاق معك عليها وسيتكفلوا هما المصاريف كلها ولن تتكلف سيادتك ولا مليم - وفى حالة تصميمك على الاصلاح بالتوكيل تقوم سيادتك بارسال السيارة الى التوكيل على حسابك وتتابعها حضرتك لحد ما تخلص وبعدين تحاسبهم انت من جيبك وتذهب للتامين يديك شيك بالمبلغ بناء على الفاتورة اللى معاك.
العنوان : 115 شارع العباسية / تليفون 026748689 اوالاسكندرية 9 شارع احمد عرابى بجوار جامعة سنجور بالمنشية / تليفون 0103649933

3- كونتاكت : المبلغ اللازم دفعه 4 وربع % من ثمن السيارة للنظام البرتقالى و4 ونص % من ثمن السيارة للنظام الازرق - يتم دفعه على اتناشر قسط شهرى - فى حالة حدوث حادثة لاقدر الله تقوم سيادتك بالاتصال بهم يرسلوا اليك ونش ياخد العربية التوكيل مباشرة ويتم الاصلاح ولا تتكلف سيادتك ولا مليم بالاضافة الى انهم يقوموا بارسال سيارة ليموزين لنقلك من مكان الحادث انت واللى معاك من مرافقين الى اى مكان انت عاوزه على حسابهم - ده بالنسبة للنظام ابرتقالى - يزيد علية ارسال سيارة تبقى تحت امرك ثلاثة ايام لحد ما تدبر حالك ده فى النظام الازرق برده على حسابهم - يعنى الفرق بين البرتقالى والازرق هو عربية ثلاثة ايام تبقى تحت امرك - اضف الى ذلك انك فى حالة الاعطال وليس الحوادث تتصل بيهم يقوموا يبعتوا لك ونش يودى العربية للورشة اللى سيادتك عاوزها والاصلاح على حسابك طبعا وعلى فكرة انا عملت البرتقالى وده مش بمزاجى لكنهم اشطرتوا عليا البرتقالى لان ترخيصى اسكندرية ومش معقول كل ما حتعطل حيبعتوا لك ونش يودى لك العربية ورشة سيادتك طبعا .. دى كانت وجهة نظرهم
العنوان : 1 شارع العزيز عثمان - الزمالك / تليفون 0100774335 الاستاذ اسلام

انا لست منحازا الى اى شركة معينة ولا تهمنى اى شركة فيهم لكن تهمنى انك تلاقى اجابة وافيه ومفيدة تستفبد منها لما تسأل
وربنا يوفق الجميع وانا دائما تحت امر الجميع

[khalid_adel]

بالمناسبه هي الجمعيه في العقد بتاعها بيتحملو بنسبة كام من اصلاح الايرباج ولا مش بيتحملو اي نسبه اصلا

[معاذ الشرباصى]

اللى اعرفه ان فى العقد مكتوب ان مالك السيارة يتحمل نسبة 25% من تكلفة اصلاح الايرباج

[analyzer]

25 فى 100 من ثمن الايرباج

[محمدايهاب]

أنا رأي كوناتكت الغالي تمنه فيه أنا جربتهم
بس هم للأسف مش عاوزين يجددوا تأميني و أنا عارف إني مستحيل ألاقي شركة أحسن منهم

[amrrashed]

ياشباب .. اللى عاوز يخدم فى الموضوع ده لازم تكون اجاباته وملاحظاته بالنسبة لشركات التأمين واقعية ومفيدة لصالح الزملاء .. العملية مش كلام وخلاص بدون تجارب .. يعنى مثلا انا لما اقارن بين ثلاث او اربع شركات تامين فلازم احط امامى بعض النقاط الهامه اللى حاقارن على اساسها .. منها :
1- حادفع كام نسبة مئوية من تمن العربية كتأمين
2- حادفعه مرة واحدة ولا اقساط شهرية
3- لو عملت حادثة وده مربط الفرس .. والعربية متكومه جنب الرصيف فالتصرف حيكون ازاى .. حانقلها انا لحد التوكيل او ورشة الاصلاح وعلى حسابى الخاص ولا التامين حيقوم بالمهمة دى كلها ويبعت لى ونش ولما يبعت لى ونش حيبقى على حساب مين انا ولا التامين
4- شركة التامين بعد الاصلاح حتدفعنى حاجة ولا كله عليها
5- مين حيحاسب التوكيل او ورشة الاصلاح انا ولا التامين قبل ما استلم عربيتى

وهكذا ياشباب لازم تبقى المقارنة مجديه مش كل ما نسأل واحد عن الشركة الفلانيه يقوم يقول اه والله دول ناس محترمين قوى او بصراحة هى ممتازة .. انا مالى ومال انهم محترمين ولا لا انا بهمنى المصلحة اللى تفيدنى الناس كلهم محترمين والكلام يبقى عملى ومن واقع التجارب وده الغرض من المنتدى انك تلاقى اجابة وافية على سؤالك
انا مثلا قبل ما اامن عملت مقارن بين ثلاثة شركات


1- غبور
2- الجمعية المصرية للتامين التعاونى
3- كونتاكت

1- غبور ( التوكيل ) : المبلغ اللازم دفعه 3% من ثمن السيارة - يتم دفعه مرة واحدة عند التعاقد - فى حالة حدوث حادثة لا قدر الله تقوم سيادتك بمسئولية نقل السيارة الى التوكيل اما بالاسكندرية او ابو رواش ايهما اقرب الى مكان الحادث كفانا واياكم شر الحوادث - يقوم التوكيل بالاصلاح ولا تتكلف سيادتك ولا مليم وعيبهم انهم بيتأخروا جدا لتسليمك العربية والمدة ممكن تعدى الشهرين حسب الخسائر فى السيارة وحجمها.
العنوان : اما ابو رواش الكيلو 28 مصر اسكندرية الصحراوى / تليفون 025390760 او 27 شارع السلطان حسين - الاسكندرية / تليفون 034815551

2- الجمعية المصرية للتأمين التعاونى : المبلغ اللازم دفعه 2% من ثمن السيارة - يتم دفعه مرة واحدة عند التعاقد - فى حالة حدوث حادثة لاقدر الله تقوم سيادتك بمسئولية نقل السيارة الى المكان او الورش التى سيتم الاتفاق معك عليها وسيتكفلوا هما المصاريف كلها ولن تتكلف سيادتك ولا مليم - وفى حالة تصميمك على الاصلاح بالتوكيل تقوم سيادتك بارسال السيارة الى التوكيل على حسابك وتتابعها حضرتك لحد ما تخلص وبعدين تحاسبهم انت من جيبك وتذهب للتامين يديك شيك بالمبلغ بناء على الفاتورة اللى معاك.
العنوان : 115 شارع العباسية / تليفون 026748689 اوالاسكندرية 9 شارع احمد عرابى بجوار جامعة سنجور بالمنشية / تليفون 0103649933

3- كونتاكت : المبلغ اللازم دفعه 4 وربع % من ثمن السيارة للنظام البرتقالى و4 ونص % من ثمن السيارة للنظام الازرق - يتم دفعه على اتناشر قسط شهرى - فى حالة حدوث حادثة لاقدر الله تقوم سيادتك بالاتصال بهم يرسلوا اليك ونش ياخد العربية التوكيل مباشرة ويتم الاصلاح ولا تتكلف سيادتك ولا مليم بالاضافة الى انهم يقوموا بارسال سيارة ليموزين لنقلك من مكان الحادث انت واللى معاك من مرافقين الى اى مكان انت عاوزه على حسابهم - ده بالنسبة للنظام ابرتقالى - يزيد علية ارسال سيارة تبقى تحت امرك ثلاثة ايام لحد ما تدبر حالك ده فى النظام الازرق برده على حسابهم - يعنى الفرق بين البرتقالى والازرق هو عربية ثلاثة ايام تبقى تحت امرك - اضف الى ذلك انك فى حالة الاعطال وليس الحوادث تتصل بيهم يقوموا يبعتوا لك ونش يودى العربية للورشة اللى سيادتك عاوزها والاصلاح على حسابك طبعا وعلى فكرة انا عملت البرتقالى وده مش بمزاجى لكنهم اشطرتوا عليا البرتقالى لان ترخيصى اسكندرية ومش معقول كل ما حتعطل حيبعتوا لك ونش يودى لك العربية ورشة سيادتك طبعا .. دى كانت وجهة نظرهم
العنوان : 1 شارع العزيز عثمان - الزمالك / تليفون 0100774335 الاستاذ اسلام

انا لست منحازا الى اى شركة معينة ولا تهمنى اى شركة فيهم لكن تهمنى انك تلاقى اجابة وافيه ومفيدة تستفبد منها لما تسأل
وربنا يوفق الجميع وانا دائما تحت امر الجميع

كلامك مية مية

[Sharky]

أنا رأي كوناتكت الغالي تمنه فيه أنا جربتهم
بس هم للأسف مش عاوزين يجددوا تأميني و أنا عارف إني مستحيل ألاقي شركة أحسن منهم

دا ليه كده يا باشا
دا علشان الحوادث كتير
و لو كتير إتكلفت كام ؟؟؟

[مهندس محمد صلاح]

مش عاوزين يجددوا لحضرتك ليه .. ممكن توضح