ارجو الافادة " لون العربية و المرور "

[kojy]

السلام عليكم ورحمة الله .....
انا لسة مغير لون العربية بتاعتي ( ابيزا 94 )
ولسة عندي حوالي 10 اشهر في الرخصة ,
* ياريت حد يفدني هو انا لازم اغير اللون في الرخصة دلوقتي ولا ممكن استنى العشر شهور مع تغيير الرخصة ؟
* ولو لازم اغير ما هي الاجرائات سهلة ولا صعبة ؟ " انا مرور فيصل"
* ولو مش هغير لو وقعت في ايد لجنة عالصحراوي مثلا هقول ايه ؟ وهو عادي اصلا ولا ايهههههههههههه؟
شكرا لكم ارجو الافادة

[Karim_Monir]

لازم تغير طبعا
لان كدة تزوير
ولو وقعت في ايدهم غالبا هاتتسحب الرخص وتدخل فحص

[YaSSerwIN]

طبعا لازم تغيير

الأول هاتقدم طلب تغير لون وتشرح فيه ان العربية كان لونها كذا وبقا كذا وبعد ما تاخد عليه الامضاء ويرجى عمل اللازم هاتروح تجيب نموذج فحص وتصور البطاقة صورتين او ثلاثة

وتروح للمهندس بتاع الفحص

لازم تقدر تظهر 3 اماكن من اللون القديم دة لو انت غيرت اللون من جوة

من حوض العربية

من القوايم

من ارضية الشنطة

ومن ثم سوف يقوم المهندس بملىء نموذج الفحص والامضاء وتدخل المرور بالورق مع صورة البطاقة مع نموذج أخر هاتشتريه وتشترى ملف فاضى وتسلمهم كلهم وتستنى رخصتك لحد ما تطبع .... :k15: