ممكن تساعدوني بالله عليكم

[dser]

السلام عليكم

انا اشتريت سيارة من واحد بعقد بيع نهائي خالصة الثمن وعمل ليا توكيل ببيع لنفس وللغير والرخصه بتاعة السيارة الان منتهيه وبإسم واحد لان واضح انه اشترى السيارة من واحد قبل كده

السيارة تبع مرور ايس فى الاسكندرية وانا ساكن فى فيصل الجيزة

واحد قاللي روح طلع شهادة بيانات من مرور ابيس موجهه للشهر العقاري

وشهادة بيانات اخرى موجهه للمرور


وشهادة براءة ذمة

وهيروح معايا للشهر العقاري نسجل العربية بإسمي و ادفع التأمين

قولتله هيكون فى فحص للسيارة يعني اخد السيارة الاسكندرية علشان اعملها فحص قاللى لا هتتفحص فى مرور فيصل مش هحتاج اودي السيارة الاسكندرية

هل كلامه صحيح ؟؟

وكمان عاوز اعرف تكاليف استصدار شهادات البيانات و براءة الذمه ومصاريف الشهر العقاري و التأمين والفحص وكل شىء هصرفه ؟؟

واسف لكثرة اسئلتي ما هي مواعيد العمل فى مرور ابيس ؟

السيارة سبرنزا a516 موديل 2011

1600 سي سي

وشكرا لحضراتكم

[lancer06]

مرحبا اخى الكريم
شهاده البيانات كنت مطلعها لكارينز ٢٠١١ ١٦٠٠ cc
كانت ب ٢٥٠
ودى هتطلعها علشان الرخصه منتهيه
براءه الذمه دى هيا المخالفات اللى على العربيه لو عليها مخالفات هتدفعها ولو مفيش مش هتدفع غي حاجه رمزيه ٥ جنيه او ١٠ جنيه على ما اذكر
ملف : 20 جنيه و طفاية حريق حوالى 150 جنيه

لوحات معدنيه : 115 جنيه و تأمين لوحات 30 جنيه

مستندات الترخيص 23 جنيه ======

تأمين اجبارى لمدة سنه 85 جنيه ( تضاعف × 3 حالة الترخيص 3 سنوات ) ====== 109.00

ضريبة لمدة سنه واحده 220 جنيه ( تضاعف × 3 حالة الترخيص 3 سنوات )====== 251.00
الترخيص هيكون فى حدود من ١٢٠٠ الى ١٣٠٠
دا للتلت سنين
الفحص هيكون فى المرور اللى هترخص فيه جديد
وهتستلم رخصه مؤقته لمده ٣ شهور عقبال ما ملف العربيه يتنقل من مرور اسكندريه لمرور فيصل بعد المده دى هتسلم الرخصه اللى معاك وتستلم رخصه طبيعيه

[dser]

ايه ده يعني الترخيص بشهادات البيانات بالتسجيل بكل شىء بحوالي 3000 جنية

غالي جداااااااااااااا ليه كده

[lancer06]

العقد المسجل بيتكلف شويه
الاول كنت بتعمل نقل ملكيه وصحه ونفاذ ب ٢٠٠ جنيه دلوقت لازم تعمل عقد مسجل
والترخيص بيزيد على حسب سنه الصنع والسعه اللتريه للموتور

[dser]

انا بس عاوز اعرف احضر فلوس قد ايه علشان اخلص واعمل الرخصه الجديدة واحول العربية بإسمي

اجمالي الفلوس كام ؟؟؟

[lancer06]

اعمل عقد مسجل الاول لانه هيتكلف
علشان كل ما سنه الصنع بتكون احدث بيكون اغلى
وانت عرفت قيمه الترخيص التلت سنين هتكون فى حدود ١٢٠٠ جنيه ممكن تلم الموضوع شويه وترخص سنه واحده هتفرق فى السعر