إعـــــــلان

Collapse

.

,
See more
See less

المطلوب للفحص الفني

Collapse
X
 
  • Filter
  • الوقت
  • Show
Clear All
new posts

  • المطلوب للفحص الفني

    اشتريت سيارة لادا 2105 روسي موديل ١٩٩٥، ورايح بكرة ان شاء الله افحص علشان اخد جواب اروح للمرور القديم ( طنطا ) بتاعها علشان انقل الرخصة للمرور التابع له بطاقتي ( محرم بك - الاسكندرية ).
    سؤالي بخصوص المطلوب اثناء الفحص، زي الطفاية وغيرها، ايه المطلوب بالظبط ؟
    الطفاية اللي كانت في العربية كانت مش سليمة، اشتريت واحدة Bavaria مكتوب عليها 2015، ومكتوب على علبتها تاريخ الانتاج 11/2015 تقريبا.
    هل ديه كده حتكون كافية ؟ ولا هحتاج اشتري واحدة من المرور ؟
    ومطلوب مثلث عاكس ؟ وشنطة اسعافات ؟ ولا ايه بالظبط ؟

    انا لسة مغير زيت وفلتر ومشحم، بس اخدت حفرة من يومين على العجل الشمال، من ساعتها حاسس ان المساعد الشمال قدام مش مظبوط، لما بضغط فوقه بايدي العربية بتعمل صوت تزييق، وطول مانا ماشي سامع الصوت ده من عنده، لسة مش وديتها لحد يشوفها، تفتكروا ده يأثر في الفحص الفني ولا عادي ؟
    بس مشيت بيها بعد الحفرة ديه بتاع ٥٠ كيلو يمكن على مدار يومين والحمد لله مش فيه اي مشاكل غير الصوت ده.

    وشكراً.

  • #2
    المشاركة الأصلية كتبت بواسطة AhmedAlex88 مشاهدة المشاركة
    اشتريت سيارة لادا 2105 روسي موديل ١٩٩٥،
    ألف مبروك
    ورايح بكرة ان شاء الله افحص علشان اخد جواب اروح للمرور القديم ( طنطا ) بتاعها علشان انقل الرخصة للمرور التابع له بطاقتي ( محرم بك - الاسكندرية ).
    هتروح هناك تشترى ورقة فحص فنى وفحص بيئى وطفايه بس اللى هتحتاجه فى المرور القديم هى ورقة الفحص الفنى فقط والورقتين التانيين هتستعملهم فى المرور الجديد
    انت اول حاجه هتعملها انك هتروح للمرور الجديد اللى عاوز ترخص فيه فهتلاقى الموظف هيكتب على ضهر ورقة الفحص الفنى انك تروح للمرور القديم اللى تابعه له السياره وتعمل مطابقة بصمه
    سؤالي بخصوص المطلوب اثناء الفحص، زي الطفاية وغيرها، ايه المطلوب بالظبط ؟
    الطفاية اللي كانت في العربية كانت مش سليمة، اشتريت واحدة Bavaria مكتوب عليها 2015، ومكتوب على علبتها تاريخ الانتاج 11/2015 تقريبا.
    هل ديه كده حتكون كافية ؟ ولا هحتاج اشتري واحدة من المرور ؟
    ومطلوب مثلث عاكس ؟ وشنطة اسعافات ؟ ولا ايه بالظبط ؟
    الطفايه كافية إن شاء الله مجرد بس هيمضوا ويختموا على ورقة الطفايه
    بالنسبه للمثلث والشنطه حسب المرور فمتشتريش ولو احتاجت ابقى اشترى من الكشك اللى فى المرو

    انا لسة مغير زيت وفلتر ومشحم، بس اخدت حفرة من يومين على العجل الشمال، من ساعتها حاسس ان المساعد الشمال قدام مش مظبوط، لما بضغط فوقه بايدي العربية بتعمل صوت تزييق، وطول مانا ماشي سامع الصوت ده من عنده، لسة مش وديتها لحد يشوفها، تفتكروا ده يأثر في الفحص الفني ولا عادي ؟
    بس مشيت بيها بعد الحفرة ديه بتاع ٥٠ كيلو يمكن على مدار يومين والحمد لله مش فيه اي مشاكل غير الصوت ده.
    الفحص الفنى ملوش اى علاقة بالكلام ده لان العربيه بتتفحص وهى واقفه اهم حاجه تبقى العربيه من بره مش مخبوطه ومفيش ازاز مكسور

    وشكراً.
    الرد فى الاقتباس
    [SIZE="5"]لا اله إلا الله محمدُ رسول الله[/SIZE]

    Comment


    • #3
      المشاركة الأصلية كتبت بواسطة amr011111 مشاهدة المشاركة
      الرد فى الاقتباس
      شكراً جداً، الاسئلة في الرد التالي، معذرة على التكرار.

      Comment


      • #4
        شكراً لردك وتوضيحك، الله يبارك فيك.

        طيب بخصوص موضوع الخبطات، هو الباب اليمين ورا حاسس ان فيه حتة داخلة لجوة شوية عايزة تترد او حاجة، بس مش خبطة جامدة، مش عارف من ايه، ديه تأثر في حاجة ؟
        ومن ورا عند زاوية الشنطة كده فيه خبطة صغيرة مني وانا بركن من كام يوم، ديه تأثر في حاجة برضه ؟
        هل لازم اروح ارد الحاجات ديه الاول وارشها او كده ؟

        شكراً مقدماً.

        Comment


        • #5
          المشاركة الأصلية كتبت بواسطة ahmedalex88 مشاهدة المشاركة
          شكراً لردك وتوضيحك، الله يبارك فيك.

          طيب بخصوص موضوع الخبطات، هو الباب اليمين ورا حاسس ان فيه حتة داخلة لجوة شوية عايزة تترد او حاجة، بس مش خبطة جامدة، مش عارف من ايه، ديه تأثر في حاجة ؟
          ومن ورا عند زاوية الشنطة كده فيه خبطة صغيرة مني وانا بركن من كام يوم، ديه تأثر في حاجة برضه ؟
          هل لازم اروح ارد الحاجات ديه الاول وارشها او كده ؟

          شكراً مقدماً.
          كده كده لما هتروح المرور الجديد مش هيفحص هيطلب منك انك تعمل مطابقة بصمه من المرور القديم وبعدين ترجع يفحصوا العربيه لو قالك عالحاجات ديه تقوم تطلع على سمكرى تعلمها وتجيله تانى يوم وممكن مش يقولك حاجه عليها لان كل مرور ونظامه وممكن اللى بيفحص ميلفش حوالين العربيه اصلا وأعتقد ان الخبطات ديه بسيطه ومش هتأثر إن شاء الله وبالتوفيق
          [SIZE="5"]لا اله إلا الله محمدُ رسول الله[/SIZE]

          Comment


          • #6
            شكرا جداً على المعلومات :) ربنا يكرمك
            ان شاء الله الصبح اطلع على المرور زي ما قلت، وبعد كده اطلع على مرور طنطا ان شاء الله احاول في نفس اليوم. على الاقل اخلي الفحص في يوم لوحده تاني يوم مثلاً.
            شكراً مرة تانية.

            Comment


            • #7
              المشاركة الأصلية كتبت بواسطة ahmedalex88 مشاهدة المشاركة
              شكرا جداً على المعلومات :) ربنا يكرمك
              ان شاء الله الصبح اطلع على المرور زي ما قلت، وبعد كده اطلع على مرور طنطا ان شاء الله احاول في نفس اليوم. على الاقل اخلي الفحص في يوم لوحده تاني يوم مثلاً.
              شكراً مرة تانية.
              إن شاء الله اول حاجه تعملها تطلع على المرور الجديد وتشترى التلات ورقات ( فحص فنى وبيئى وطفايه ) بـ 15 جنيه وتملاهم وتكون واقف فى طابور الفحص رغم انهم مش هيفحصوا ولا حاجه والموظف لما يشوف الرخصه على مرور تانى وبطافتك على المرور الجديد هيكتب على ضهر ورقة الفحص الفنى انك تروح المرور القديم تجيب مطابقة بصمه وخد بالك انت فى المرور القديم مش محتاج العربيه تبقى معاك يعنى اللى اقصده انك متروحش المرور القديم وتقول تقف فى طابور الفحص اللى هناك علشان يرفعوا البصمه مطابقة البصمه بتبقى من الموظف جوه وبالتوفيق
              [SIZE="5"]لا اله إلا الله محمدُ رسول الله[/SIZE]

              Comment


              • #8
                اسف سؤال صغير، مطابقة البصمة بتحتاج وقت ؟ يعني ممكن ارتب نفسي اروح المرور اللي تابع له بدري بحيث اخد ورق الفحص واطلع اعمل مطابقة البصمة في نفس اليوم ؟ ولا بتاخد وقت ؟

                Comment


                • #9
                  انت وحظك لو الدنيا زحمه او الموظف بيفطر
                  بس لازم الاول تروح المرور اللى تبع محل سكنك وبعدين تطلع على المروراللى هتجيب من مطابقة البصمه وبالتوفيق
                  [SIZE="5"]لا اله إلا الله محمدُ رسول الله[/SIZE]

                  Comment


                  • #10
                    السلام عليكم
                    معذرة هبعد بيكم عن الموضوع شوية بس محتاج مشورة منكم لو تكرمتم
                    باختصار أنا عندي خيارين لا ثالث لهما ما بين نوبيرا 2 2001 أوتوماتيك بحالة جيدة أو فولكس بورا 2000 أوتوماتيك راشة بره بالكامل وأيضا بحالة جيدة
                    عذرا للإطالة وفي انتظار رأيكم للأهمية

                    Comment


                    • #11
                      المشاركة الأصلية كتبت بواسطة amr011111 مشاهدة المشاركة
                      انت وحظك لو الدنيا زحمه او الموظف بيفطر
                      بس لازم الاول تروح المرور اللى تبع محل سكنك وبعدين تطلع على المروراللى هتجيب من مطابقة البصمه وبالتوفيق
                      الحمد لله روحت على مرور محرم بك الاسكندرية، جيبت ٣ ورقات فحص ( فني + بيئي + طفاية )، الطفاية اللي اشتريتها من بره الحمد لله عدت الفحص بدون مشاكل وحفر عليها رقم معين وكتبه في ورقة الفحص.
                      الفحص الفني رفع عليها البصمات من العربية ( موتور + شاسيه )، وقالي اروح اقف في طابور الفحص.
                      في طابور الفحص كتب على الورق جواب موجه للمهندس في مرور طنطا لمطابقة البصمات مع المرفوع بمعرفة مرور محرم بك.
                      روحت مرور طنطا الجديد اللي عند الموقف، دخلت المبنى الدور التاني اخر شباك عند المهندس، طلع الملف الخاص بالعربية من الارشيف في دقائق، طابق البصمات، كتب لي جواب تحت الجواب الاول، مفاده ان البصمات مطابقة الحمد لله.
                      طبعاً اخدتها فرصة واتفرجت في الملف كناحية تأكد انها ملاكي من الاول مش كانت تاكسي او كده، والحمد لله.
                      رجعت في نفس اليوم على مرور محرم بك الاسكندرية، دخلت على طول طابور الفحص الفني، المهندس شاف الجواب الموجه لهم من طنطا، وكشف على العربية ( فتحت الكابوت + زودت بنزين + لف حول العربية ). بعد كده مضى على ورق الفحص الحمد لله وقالي روح رخص.
                      روحت المبنى الاداري ( الناحية التانية من الطريق )، لكن الوقت كان خلاص، ان شاء الله بكرة اكمل الترخيص هناك.

                      دعواتكم الدنيا تمشي بسهولة، وشكراً جداً على مساعدتكم :)

                      Comment


                      • #12
                        روحت النهاردة الحمد لله مرور محرم بك، اشتريت ملف وحافظة ملف، مكتوب في الايصال ١٠ جنيه، لكن دفعت ٢٣ جنيه، مش عارف ليه لغاية دلوقت ! المشكلة اني مش بصيت في الايصال الا بعد ما مشيت للاسف.
                        روحت بعدها على شباك الاستعلامات، طلبت مني الموظفة اني اروح اعمل التأمين الاجباري، روحت لمصر للتأمين، دفعت ٩٢ جنيه ( سنة واحدة )، وسلملي ورقتين.
                        رجعت للشباك قالتلي ان مش فيه لوحات نمر ! قلتلها طيب اعمل ايه، قالتلي تدخل للظابط.
                        الظابط قابلني بكل احترام وقالي ان فعلا مش فيه لوحات واحتمال على يوم الاحد ان شاء الله.
                        طبعاً المشكلة ان شهادة المخالفات ( اللي من طنطا ) اخرها بكرة ( الجمعة )، فربنا يستر والموضوع يعدي ومش اقف على كده يوم الاحد.

                        Comment


                        • #13
                          روحت النهاردة الحمد لله مرور محرم بك، اشتريت ملف وحافظة ملف، مكتوب في الايصال ١٠ جنيه، لكن دفعت ٢٣ جنيه، مش عارف ليه لغاية دلوقت ! المشكلة اني مش بصيت في الايصال الا بعد ما مشيت للاسف.
                          روحت بعدها على شباك الاستعلامات، طلبت مني الموظفة اني اروح اعمل التأمين الاجباري، روحت لمصر للتأمين، دفعت ٩٢ جنيه ( سنة واحدة )، وسلملي ورقتين.
                          رجعت للشباك قالتلي ان مش فيه لوحات نمر ! قلتلها طيب اعمل ايه، قالتلي تدخل للظابط.
                          الظابط قابلني بكل احترام وقالي ان فعلا مش فيه لوحات واحتمال على يوم الاحد ان شاء الله.
                          طبعاً المشكلة ان شهادة المخالفات ( اللي من طنطا ) اخرها بكرة ( الجمعة )، فربنا يستر والموضوع يعدي ومش اقف على كده يوم الاحد.

                          Comment


                          • #14
                            طبعاً بقالي كام يوم يوميا اروح المرور، وللاسف الوضع كما هو، لا توجد لوحات !

                            Comment


                            • #15
                              ربنا ييسر لك الاحوال
                              AhmedAlex88 ايه اخر الاخبار يا باشا؟ لاني هاتظبط نفس الظبطة تقريباً في تغيير الرخص بعد تغيير محل الاقامة في البطاقة
                              محمد كرم

                              Comment

                              Working...
                              X