شراء سيارة منتهية الرخصة؟

[ahmed-yehia]

السلام عليكم ورحمة الله وبركاته
انا اشتريت عربية 128 بس فى حاجة مقلاقانى ان الرخصة منتهية انا عملت عقد بيع مسجل فى الشهر العقارى وخدت جميع التوكيلات السابقة للعربية والرخصة القديمة وشهادة المخالفات ووصل دفع الضريبة وتلت
وهل عدم توقيع المشترى ياثر على صحة العقد
ولما اروح المرور ايه اللى هيحصل وشكرا ليكم

[Ahmed Veko]

اولا مش مهم انتا تمضي الموظف بيمضي حتى لو انتا موجود لأنها مفيش منها مشاكل تمام واول لما تروح المرور عشان تعمل نقفل مليكة اولا طبعا لازم عقد بيع مسجل من البايع من الشهر العقاري
صور بطاقتك صورتين انتا والرخصة ولو الرخصة منتهيه يبقا لازم شهادة بيانات يا باشا ولازم شهادة مخالفات بتيجي من وحدة مرور الدارسه
لو هتنقل ملكيه ف مرور غير الى العربية متسجله فيه يبقا اولا خش على الخزنه واشتري ملف فحص وادخل ارض الفحص هيفحص رقم الشاسيه والموتور وهيختم وهتروح للمهندس هتديلوا الورق ده والرخصة هيتأكد من رقم الموتور والشاسيه وهيختم ولو عربيه هيقولك روح هات سيديري و قمع وده الجديد بدل المثلث ولو دراجه ناريه هيقولك هات خوذة وسديري
بعد ما تجيب الحاجه هتوريلوا الوصل وهيختم على ورقة الفحص وهيقولك يلا اتكل على الله طبعا هتروح تجيب تأمين اجباري بأسمك من اى كشك بس متكتبش فيه رقم اللوحات المعدنيه سيبوا فاضي وتجيب ملف نقل ملكيه من كشك التصوير الى ف المرور وخش على شباك التجديد هياخد منك كل ده وهيديك ورقة تدفعها ف الخزنه وترجع له بالوصل هيديك ورقتين تانى هيقولك روح لشباك اللوحات المعدنيه هناك العسكري هيمضيك على الورقتين وهياخد ورقة وهيختملك على التانيه ترجعها لشباك التجديد تانى وبعدها هيقولك روح شباك استلام الرخصة يا كبير والف مبروووك

[tasaka]

اولا مش مهم انتا تمضي الموظف بيمضي حتى لو انتا موجود لأنها مفيش منها مشاكل تمام واول لما تروح المرور عشان تعمل نقفل مليكة اولا طبعا لازم عقد بيع مسجل من البايع من الشهر العقاري
صور بطاقتك صورتين انتا والرخصة ولو الرخصة منتهيه يبقا لازم شهادة بيانات يا باشا ولازم شهادة مخالفات بتيجي من وحدة مرور الدارسه
لو هتنقل ملكيه ف مرور غير الى العربية متسجله فيه يبقا اولا خش على الخزنه واشتري ملف فحص وادخل ارض الفحص هيفحص رقم الشاسيه والموتور وهيختم وهتروح للمهندس هتديلوا الورق ده والرخصة هيتأكد من رقم الموتور والشاسيه وهيختم ولو عربيه هيقولك روح هات سيديري و قمع وده الجديد بدل المثلث ولو دراجه ناريه هيقولك هات خوذة وسديري
بعد ما تجيب الحاجه هتوريلوا الوصل وهيختم على ورقة الفحص وهيقولك يلا اتكل على الله طبعا هتروح تجيب تأمين اجباري بأسمك من اى كشك بس متكتبش فيه رقم اللوحات المعدنيه سيبوا فاضي وتجيب ملف نقل ملكيه من كشك التصوير الى ف المرور وخش على شباك التجديد هياخد منك كل ده وهيديك ورقة تدفعها ف الخزنه وترجع له بالوصل هيديك ورقتين تانى هيقولك روح لشباك اللوحات المعدنيه هناك العسكري هيمضيك على الورقتين وهياخد ورقة وهيختملك على التانيه ترجعها لشباك التجديد تانى وبعدها هيقولك روح شباك استلام الرخصة يا كبير والف مبروووك

ايه هو السديرى ده ؟؟

[dr_haitham79]

اولا
كل الخطوات اللى الزميل الفاضل قالها صحيحة وده اللى تم معايا بالظبط وانا بشترى عربية منتهية التراخيص
وكل ده بيخلص فى يوم ان شاء الله على اد ما الخطوات تبان كتيرة

ثانيا:
المثلث كنت بتحطه قبل العربية بمية متر فى الشارع لما تضطر تقف عشان تبدل استبن مثلا على طريق سريع
يقوم اللى جاى يفهم انه هيلاقى عربية على جنب الطريق واقفة وياخد حذره
الظاهر انه اتبدل بإن حضرتك مكانه هتجيب الصديري والقمع
الصديري عشان تلبسه وانته بتبدل الاستبن مثلا..
وده بيكون لميع زى بتوع الاسعاف والمرور وكده
والقمع تحطة بحيث يتشاف من على بعد ويعمل عمل المثلث.
انا شخصيا اول مرة اعرف ان ده النظام الجديد
بس شايف انه اكثر عملية من المثلث
وان كنت محتار القمع ده كله هيتشال فى العربية رايح جاى بيه ازاى ؟!

[tasaka]

و هو ده آخر ما تفتق عنه العقل المصرى !!!

البس الصديرى .. " اللميع "

طب ما كانوا عملو " القمع " .. لميع

و اللى معاه عربيه صغيره .. يحط القمع فين !! .. فى الكرسى الامامى ؟؟ و لا فوق سقف العربيه .. و لا فى منه مقاسات ميديم و سمول

كلام فارغ

[م/أحمد عبد الفتاح]

و هو ده آخر ما تفتق عنه العقل المصرى !!!

البس الصديرى .. " اللميع "

طب ما كانوا عملو " القمع " .. لميع

و اللى معاه عربيه صغيره .. يحط القمع فين !! .. فى الكرسى الامامى ؟؟ و لا فوق سقف العربيه .. و لا فى منه مقاسات ميديم و سمول

كلام فارغ

الصديرى منطقى شوية لأنه بيبقى لونه فوسفورى وفيه شرايط عاكسة وبيبان بالليل فعلاَ - لكن القمع بدل المثلث ده غريبة قوى وحايتحط فين طيب المثلث بيطبق وليه علبه وبتحطه فى اى حته مش مشكله لكن القمع ده مشكلة فعلاً - طيب والعربيات النقل هل بقت بتشيل مثلاً ٥ أو ٦ أقماع علشان لما يقف بالليل ويطفى النور على طرق السفر الناس تشوفه ؟؟؟؟؟؟ ولا الملاكى بس ؟؟؟؟؟

[tasaka]

الصديرى منطقى شوية لأنه بيبقى لونه فوسفورى وفيه شرايط عاكسة وبيبان بالليل فعلاَ - لكن القمع بدل المثلث ده غريبة قوى وحايتحط فين طيب المثلث بيطبق وليه علبه وبتحطه فى اى حته مش مشكله لكن القمع ده مشكلة فعلاً - طيب والعربيات النقل هل بقت بتشيل مثلاً ٥ أو ٦ أقماع علشان لما يقف بالليل ويطفى النور على طرق السفر الناس تشوفه ؟؟؟؟؟؟ ولا الملاكى بس ؟؟؟؟؟

و بالعقليه الفذه دى

ممكن يقول لك العربيه ال 2000 سى بتاخذ طفايتن حريق .. يبقى تأخد قمعين زيهم

بصراحه .. كرهونا فى ركوب العربيات

تحياتى و تقديرى

[م/أحمد عبد الفتاح]

و بالعقليه الفذه دى

ممكن يقول لك العربيه ال 2000 سى بتاخذ طفايتن حريق .. يبقى تأخد قمعين زيهم

بصراحه .. كرهونا فى ركوب العربيات

تحياتى و تقديرى

مظبوط وحصلت معايا وخلونى جبت طفاية تانية من كذا سنة ومن يومها بيكشفوا على طفاية واحدة بس ولا سألونى تانى على الطفاية التانية !!!!!!!
مش عارف يمكن المرة الجاية يخلونى أجيب قمعين وصديريين ويمكن كوريكين

[Ahmed Veko]

يا جدعان القمع ده بيتقفل زي المثلث ويمكن اسهل وعلبتوا بالظبط ف حجم نص علبه البيتزا العاديه وبيتقفل فيها ويترمي ف الشنطة مش بياخد مساحه ابداا والسديري بتلبسوا للكرسي بتاعك عادى زي سواقين الميكروباصات :)

[ahmed-yehia]

سعيد جدا بمشاركة الاعضاء والرد السريع والمفصل ربنا يجزيكم خير ويديم التعاون بين كل الاعضاء

[Ahmed Veko]

ع فكرة انا طالب ف صنايع قسم سيارات وبعشق السيارات ولو فى اي سؤال معاك انا موجود ابعتلي خاص ف الجروب وربنا يديم المحبه <3

[ahmed-yehia]

ع فكرة انا طالب ف صنايع قسم سيارات وبعشق السيارات ولو فى اي سؤال معاك انا موجود ابعتلي خاص ف الجروب وربنا يديم المحبه <3

حبيبي تسلم يا معلم وهحتاجك فعلا