كماين المرور

[Amrrr]

حد ملاحظ الكماين دلوقتي ؟بقت كتيير اويييي مش عارف في ايه ؟وبقت تقف في أماكن غريبة منها اللي بقابلو في طريقي جوة مساكن شيراتون وفي الدائري عند بنزينة موبيل (fbi) وعاملين رادار وحركات والمشكلة انها الساعة 8.30 الصبح وطبعا بتعطل الدنيا والصبح الحكاية بتيقى مش مستحملة
عامة انا كنت حابب احذر الناس بس ان المرور شادد حيله جدا اليومين دول وان الكماين دلوقتي في أي وقت وأي مكان !!!خدوا بالكوا عشان التلاكيك

[AHMEDCAR]

اخر السنه يا معلم و بيلموا الاتاوه و عاوزين يقفلوا الميزانه دائنه

[Samir Elshahawy]

كل عام و انت بخير أولا
شوف يا سيدي الفاضل , بعد اللي حصلي و بعد اللي بشوفه كل يوم من كم غير عادي للحوادث معظمها بسبب السرعة العالية و خاصة من سيارات النقل الثقيل في شوارع أو طرق مزدحمة لاتحتمل هذه السرعات العالية , لازم يبقي فيه لجان كل 100 متر زي المطبات علشان الناس دي ترتدع و تتلم شوية
طبعا احنا فاهمين ان الهدف الأساسي من هذه الكمائن هو جباية المال وليس تطبيق القانون علي المخالفين و لكن قد يكون لها اثر ايجابي كما قولت
و ربنا يكفيكوا شر الطريق و كمائنها

[أشرف العدوي]

انا ملاحظ عندنا في فيصل مش بيوقفوا غير عربيات ملاكي فقط مش عارف ليه
بالذات الكشك الي في اول فيصل عند منزل كوبري فيصل كل يوم الصبح الاقيه موقف ثلاثة او اربعة سيارات كلهم ملاكي دون التعرض للتاكسيات او الميكروباصات
الكشك الي عند شارع العشرين كذلك
دي ملاحظتي بس
بس فعلاً اول مرة اشوف النشاط ده الكلام الي انا بقوله بيبقى من الساعة سبعة و نص الصبح لحد الساعة الثامنة صباحاً
ربنا يستر علينا

[أبومعاذ]

الدائري اليومين دول عليه عميد بيلف بالبوكس يصطاد اي زبون

[sh23]

كل عام و انت بخير أولا
شوف يا سيدي الفاضل , بعد اللي حصلي و بعد اللي بشوفه كل يوم من كم غير عادي للحوادث معظمها بسبب السرعة العالية و خاصة من سيارات النقل الثقيل في شوارع أو طرق مزدحمة لاتحتمل هذه السرعات العالية , لازم يبقي فيه لجان كل 100 متر زي المطبات علشان الناس دي ترتدع و تتلم شوية
طبعا احنا فاهمين ان الهدف الأساسي من هذه الكمائن هو جباية المال وليس تطبيق القانون علي المخالفين و لكن قد يكون لها اثر ايجابي كما قولت
و ربنا يكفيكوا شر الطريق و كمائنها

** أتفق معك في كل اللي ذكرتة
** فيما يخص الصورة التي في توقيعك **((( قدر الله وما شاء فعل))) وربنا يقدرك علي إصلاحها

[iBiZa]

انا امبارح كنت راجع من مدينة العبور الى مدينة نصر الساعة واحدة بليل و لاقيت الطريق واقف و فضلنا ماشيين بسرعة السلحفاة لمدة 30 دقيقة لحدلما عرفنا اللى موقف الطريق, طبعا لجنة ظريفة بتتفرج على العربيات اللى زانقينها و بتعدى من حارة واحدة.

وصلت مساكن شيراتون و متجة الى بنزينة الMobil اللى فيها FBI و هكمل على مدينة نصر لاقيت لجنة قبل البنزينة علاطول بس الناحية التانية عشان يصطادوا اللى رايح شيراتون و موقف الطريق نص كيلو.

[Hosam_Optrawy]

انا كمان ملاحظ الموضوع ده
وياريت كمين وظباط لأ
ده بقى على كل ناصية شارع 2 امناء
وفى اى وقت من اليوم

[FLYINGPEUGEOT]

العيد داخل والعيال عايزة لحمة ولبس وعيدية واللذى منه
وكل سنة وانتم طيبين !!!

[nour2007]

ربنا يكفينا شرهم وتلاكيكهم اللي تنقط

[PASST2000]

انتوا نسيتوا ان العيد داخل ولا ايه يا رجاله لازم يلموا العيدية :d

[Amrrr]

كل سنة وانتوا طيبين
وياريت اللي بيصادف لجان بتقف في أماكن جديدة يقولنا عليها عشان ان رخصتي خلصت وقدامي شهر على ما أعرف اجددها عشان حوارات البنك وجواب المرور والأجازة والعيد دي شكلي كدة هقضيهم جوة شيراتون

[فادى]

دلوقتى فترة الترقيات (اخر السنة) و لازم كل ضابط يجمع اكبر عدد من المخالفات و المتهمين عشان يترقى و ياخد علاوة.
الموضوع ده موسمى, هيهدوا شوية بعد شهر يناير.

[Hossam_Hassan]

بيبقى فى كمين عند تقاطع المقطم مع صلاح سالم كل يوم الصبح

[dr_abooody]

الاوتوستوراد النهاردة كان واقف جداا في اتجاه حلوان

حوالي الساعة 2 الضهر

المهم كان واقف بطريقة تخلى الواحد يفتكر ان في حادثة مثلا و لا حاجة

جيت كدا لقيت كمين معمول قبل الكوبري و موقفين النقل

و مشيت شوية و عند المطبات الكتير اللي في المعصرة كان في لجنة تانية

مش فاهم لجنتين ورا بعض لية

بس الغريب كان في عربيات نقل عرفوا ان في لجنة قدام راح طالع فوق الرصيف و نزل في المعاكس اكيد عشان مش مجدد العربية او حاجات تخلى الظابط يرخم عليهم