إعـــــــلان

Collapse

.

,
See more
See less

لبست مخالفة اول يوم العيد الصبح بسبب السايس الــــــ---

Collapse
X
 
  • Filter
  • الوقت
  • Show
Clear All
new posts

  • لبست مخالفة اول يوم العيد الصبح بسبب السايس الــــــ---

    كل عام و انتم بخير

    النهاردة الصبح قولت اروحانا و صحابي جاد اللي في شارع النصر في المعادي
    و كانت الساعة 9 الصبح

    و كنت عايز اركن
    المهم لقيت كل العربيات راكنة عمودي على الرصيف
    بس كان في يفط مكتوب الانتظار صف واحد موازي للرصيف
    المهم جيت اركن ما لقيتش غير عمودي
    و السايس ابن ال ______ اعد يقولي اتفضل يا باشا و عمل انه بيركني

    المهم دايما بركن عمودي طول حياتى في الحتة دة

    بعد ما فطرنا جيت راجع كدا لقيت ظابط واقف عند العربية كان ملازم بنجمتين

    و لقيت عربيتي متكلبشة
    ببص على كل العربيات لقيتها متكلبشة هي كمان

    قولتلة دة السايس اللي هنا هو اللي ركنني
    راح قايل للعسكري هاتولي السايس الكلب دة عشان نودية المباحث

    المهم طبعا استحالة يرجع عن المخالفة و طبعا اخر السنة و عايز يلم فلوس و مخالفات

    راح عاملى مخالفة ب 30 جنية و 80 قرش

    اللي استفدتة ان الواحد مايسمعش كلام السايس ابداا

    انا طول عمري اصلا بتخنق منهم
    يعني هو الشارع كان بتاع ابوه
    دول اصلا مش بيعملوا حاجة غير انهم بيلموا فلوس و خلاص
    يعني كل عربية بتدفع جنية قول ممكن يعملوه 300 عربية في اليوم لو منطقة زحمة
    يعني 300 ج في اليوم على الاقل و هم و لا بيعملوا حاجة اصلا
    يعني بيكسب اكتر من الدكتور

    الاستفادة التانية
    عمري ما هدفع فلوس للسايس و مش هيعرف يكلمنى
    و هم اصلا بيعملوا نفسهم واخدين بالهم من العربية و لا هم بيعملوا حاجة
    دة انا مرة من بعيد شوفت السايس اعد على العربية بتاعتي و اعد يشرب شاي و ساب كباية الشاي على الكبوت و عملت بقعة

    احنا بصراحة اللي عودناهم على كدا
    و دة شغلة من لا شغل لة

    حسبي الله و نعم الوكيل
    [mtohg=#ff0000]http://img862.imageshack.us/img862/4429/hyundaielantra201208.jpg[/mtohg]

  • #2
    السياس دول انا عايز اولع فيهم كلهم ...

    شوية اغبية شحاتين ... عايزين الحرق!

    Comment


    • #3
      معلش بقى ، كويس انها جت على قد كده و الحمد لله انهم ما فكروش فى استعمال الونش (معظم العربيات الحديثة وشها بيتدمر بعد رفعها بالونش)
      و كل سنة و انت طيب
      طبعا مفيش حد يصدق كلام السياس ، ده لو طال يركن العربيات فوق بعضها ماعندوش مانع مادام هايلوش و يلم الغلة
      فيه عيادة باروحها يوميا فى مسجد شهير بالمهندسين ، و يعتبر رقم 2 بعد عمر مكرم فى قاعاته للعزاء (أو لعقد القران ايضا) ، و طبعا مش محتاج اقول لك ان الركنة هناك تعتبر معجزة اعتبارا من 6 مساء ، و عارف فيه كام سايس هناك ؟؟
      8 سياس ... تخيل
      و طبعا كله بيركن صف اول و ثاتى و ثالث و بعتمدوا ان معظم الناس اللى رايحة العزاء ناس تقيلة و مريشة (دى وجهة نظرهم)
      و طبعا كل فترة تلاقى الونش هل هلاله مع الكلابشات و تبدأ مذبحة السيارات بين فكوك الكلابشات و الأوناش ، و طبعا لو تدور على حد من السياس اللى كان بيحلف بكل عائلته لحد خوفو و سنوحى ان الوقوف هنا مسموح لحد الصف الرابع ، تلاقيهم قاعدين يتفرجوا و كأن مالهمش دعوة بأى حاجة ، و لما تكلمه يقول لك وانا مالى ، دى الحكومة يا باشا ، ماتكلمهم انت
      طبعا مش محتاج اقول لكم ان اى واحد من السياس دول بيحرص على انه ياخد الفلوس مقدما علشان لو الحكاية دى حصلت ما يبقاش خسر حاجة من الغلة اليومية بتاعته.
      الغلط هنا بيبقى غلطنا مرتين ، الأولى اننا ركنا غلط مع علمنا ان ده ممكن يعمل مشكلة لنا (مخالفة ، كلبش ، ونش ... الخ) ، و الثانية لما صدقنا واحد كل همه يطلع الفلوس من جيوبنا و خلاص

      و هم اصلا بيعملوا نفسهم واخدين بالهم من العربية و لا هم بيعملوا حاجة
      دة انا مرة من بعيد شوفت السايس اعد على العربية بتاعتي و اعد يشرب شاي و ساب كباية الشاي على الكبوت و عملت بقعة
      ده الطبيعى بتاعهم ، و فيه النوع اللى يغيظك اكتر اللى مختفى تماما و انت بتدور على مكان تركن فيه و يسيبك و لما تيجى طالع فى الآخر تلاقيه بيصفر و يمد ايده
      [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
      [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
      [CENTER][COLOR=DarkGreen][B][SIZE=5]الصحة تاج على رؤوس الأصحاء
      لا يراه إلا المرضى
      [/SIZE][/B][/COLOR] [/CENTER]

      Comment


      • #4
        واحد صحبى كان بيحضر كورس فauc فالتحرير و فى حتة ارض فاضية العربيات وقفه فيها الراجل راح ركن واذا بالسايس طالع بيقولة 10 جنية(مقدما) !!!! شوفت البجاحة والبلطجة
        باترى لو مدناش السايس حاجة يعمل حاجة فالعربية وانت فلمشوار بتاعك ولا اية؟!!
        ولو بلطجت ومدتلوش حاجة عندك استعداد تخش فمناقشة معاه والله اعلم مستوى المناقشة يوصل لفيين؟!

        كل دة اسئلة بسئلها لنفسى كل ماالسايس يطلعلى ومش لائلها حل لوحد عندة حلول يئولى
        [LEFT]E L - 7 O S S

        [/LEFT]

        Comment


        • #5
          عالم ملهاش ولا شغلة ولا مشغلة ..
          عندنا في الباركنج بتاع جامعة المنصورة كام سايس كده مقسمين الباركينج عليهم

          كل ما تيجي تطلع تلاقيه قام رامي نفسه قدام العربية والعبارات التقليدية " حبيبنا ... كل سنة وانت طيب " ، قمت في مرة وقفت وقلتله نعم عايز إيه ؟ قالي يا باشا كل سنة وانت طيب ده أنا عارف عربيتك والله وباخد بالي منها وكلام من ده ، ومش لازم تديني كل يوم ، نمشيها يوم ويوم

          المهم قلت مش مهم ومشيت أموري معاه ، لحد لما مرة وأنا بركن الصبح لقيت سايس تاني غلس بعد ما نزلت من العربية بيقلي لأ لو سمحت رجعلي العربية ورا شوية ، قمت قلت مش مشكلة النظام كويس ، مع إني مش عارف هوا جاب حق تنظيم المكان ده منين

          لقيت الباشا بيقلي طلعلي بقى جنيه ، الصراحة الكلمة غاظتني ، قمت نازل وقافل العربية وقمت مطلع نص جنيه ومديهوله ، قالي ا لسه نص جنيه ـ قلتله ليه هيا بنديرة ولا إيه وسبته ومشيت ، ومن يومها معدتش بدي لأي واحد فيهم شلن حتى ، ميستاهلوش غير ضرب الـ ....
          [CENTER]الي مدخلش QNET .. مدخلش دنيا
          http://www.nilemotors.net/Nile/244377-a.html
          [/CENTER]

          Comment


          • #6
            السايس دة يستاهل الدبح بدل الخروف
            [SIGPIC][/SIGPIC]
            اللهم اغفر لنا وارحمنا انت مولانا فانصرنا علي القوم الكافرين
            ادخل علي الرابط التالي و لن تندم
            [CENTER][SIZE=4][COLOR=#0000ff]http://www.shbab1.com/2minutes.htm[/COLOR][/SIZE][/CENTER]

            Comment


            • #7
              بسيطة ياسيدي واحمد ربنا انها على قد كده

              انا مرة كنت راكن عند وزارة العدل وطبعا انت عارف هناك الركنة عاملة ازاي المهم السايس قاللي تعال هنا وانا سمعت كلام اهله وركنت المهم رحت قضيت مشواري ونزلت لقيتلك السايس بيشيل المخالفة من على الزجاج ...... لا تعليق كبست علية وهو قاعد بيشيلها بالفوطة والميه وطبعا توقعوا انتوا الباقي ...........

              Comment


              • #8
                هما فعلا ذى ماقال عليهم الراجل الملازم شوية عالم صيع وبلطجية
                [SIGPIC]http://imageshack.us/photo/my-images/545/6c6d1551112s.gif/[/SIGPIC]

                Comment


                • #9
                  انا مره برضوا كنت بركن في وسط البلد بنظام الكارت طبعا عارفين في حديد محطوط قدام و وره العربيه محددها علشان متهربش من الدفع وانت ماشي المهم كنت طالع السايس قلي تعاله يا باشا واسعه وهو باصص الناحيه التانيه اصلن لحد ما عتبه العربيه اتطبقت من عند الرفرف الامامي عارفين كان احساسي ايه ساعتها !!!!!!!!!!1

                  Comment


                  • #10
                    مرة كنت بركن عند سينما امير عندنا في الاسكندرية في المهم وانا بركن وداخل السينما لاقيت السايس طلعلي وقالي 15 جنيه قولتله ليه ان شاء الله

                    قالي بص ادامك حل من اتين يا تسيب العربية وانا مش هاخد بالي منها وساعتها الظابط ييجي ويكلبشها وهتدفع 25 جنيه ياما تدفعلي 15 جنيه وان مخليش الظابط يكلبشها

                    قولتله لا سيبها متخدش بالك منها ولما ييجي الظابط قوله صاحب العربية بيقولك كلبشهالي
                    وسيبته ومشيت

                    بجد ناس تحرق الدم
                    [CENTER][B][U][FONT=Impact][COLOR=darkorange][SIZE=6]ALeX GR0UP[/SIZE][/COLOR][/FONT][/U][/B][/CENTER]
                    [CENTER][B][COLOR=dimgray][FONT=Comic Sans MS][SIZE=4]Se@t ReV0luTioN[/SIZE][/FONT][/COLOR][/B][/CENTER]

                    Comment


                    • #11
                      ياااااااااااااااااه
                      ده انتوا شايلين من السياس دول أوي
                      هي الشغلة دي ما هي إلا شحاته مقنًعة
                      وبعدين احنا اللي عودناهم على كده
                      يعني اللي عايز يترسم ادام اللي معاه بيطلع مبلغ محترم للسايس
                      والمره اللي بعدها يكون جاي لوحده يحاول يهرب من الباركينج من غير ما السايس يشوفه
                      هههههههههه
                      حالنا غريب
                      نغلط كلنا وبعدين نرجع نشتكي
                      يارب يعدل اخوالنا الاقتصادية اللي خلقت كل الشحاتين الجدد دول

                      وكل سنة وانتم طيبين

                      Comment


                      • #12
                        عايزين تتفرجوا على بلطجية السايس على حق روح اركنوا فى جامعة القاهرة واتفرجوا صح على البلطجية وانت بتركن يامرك تركنها ازى ولما تيجى من مشوارك لازم تطلع لة الجينة مكنيش كدا يحبسك ولا يطلع لك العربية دا كمان غير العساكر الخدمة شغالين فى الشغالنة دى تلقى العسكرى وهو خدمة على بنك وتلقى امام البنك حواجز عايز تركن تدفع
                        الدنيا بالمال والاخرة بالاعمال
                        [EMAIL="ladanilemotors@yahoo.com"][/EMAIL]

                        Comment

                        Working...
                        X