كاميرات أشارات الجيزة

[jackson_75]

أنا لاحظت أن عربيات كتير بتقف فى الاشارات بالجيزة عند الجامعة وحديقة الاورمان لان بيقولوا مركبين كاميرات مراقبة عند كل أشارة وانا بصراحة اتفاجئت بالموضوع ده وكنت بجرى وأنا سايق الصبح الساعة 6 لان الشوارع كانت فاضية و شكلى كده كسرت أشارتين .
سألت واحد أعرفه عايش بالجيزة بيقولى الكاميرات مش شغالة ، والناس اللى بتقف فى الاشارة بيقولوا شغالة .وأنا بصراحة عاوز أعرف الكاميرات دى شغالة أو لا وكام غرامة كسر الاشارة ؟!
والشكر موصول للجميع على المساعدة مقدما

[svneleven]

طيب ما الاحسن حضرتك تلتزم و خلاص سواء في كاميرا او لا.

[jackson_75]

ياباشا لاتسىء الظن بى وأنا ملتزم جدااااااا لابعد الحدود ومن سنة 2007 والحمد لله عمرى ما أخدت مخالفة واحدة ولكن أنا كنت فى اليوم ده عندى مشكلة ومستعجل جدا الصبح الساعة 6 فى الجيزة وماعرفش موضوع الاشارات اللى فيها الكاميرات دى فعلشان كده بسأل

[svneleven]

لا و الله لا اسئ الظن و لا حاجه. أنا رايي تريح دماغك و تلتزم لان ده الصح لكن ما اقصدش اي حاجه.