جددت الرخصه في ساعتين

[osamaesm]

النهارده روحت مرور مدينه نصر
جددت الرخصه وغيرت النمر القديمه بالجديده وركبتها والعربيه اتخبطت والحمد لله في المرور في ساعتين بس انا شايف انه انجاز

دفعت غرامات 60 بالاكراميه علي غرامه مش بتاعتي لانها من 2006 وانا مشتر العربيه في 1/2008 وكنت نقلت ملكيه ورخصت باسمي سنه

و120 تامين اجباري
10 فك وتركيب لوحات
22 نماذج
470 ضريبه
10تصوير وملف وباقي مبريجعش
الاجمالي 700 جم انا شايف انه كتير علي عربيه 1300 مو2001

[M!NA]

عندي كذا سؤال...

أولا... ازاي تدفع مخالفة بتاريخ سابق لتاريخ شراء السيارة؟ و أصلا انت مش بتنقل ملكية الا بشهادة المخالفات؟

ثانيا... لو المالك القديم دافع 3 سنين مثلا و جيت انت تنقل ملكية... هل هتدفع ال3 سنين (الضريبة) مرة تانية؟

ثالثا...بالنسبة للوحات الجديدة... هل بيكون فيه كذا لوحة ممكن تختار منها؟ ولا بتكون اجبارية؟

[Osama_soliman]

كويس المهم انك رخصت العربية

والف مبروك

[osamaesm]

عندي كذا سؤال...

أولا... ازاي تدفع مخالفة بتاريخ سابق لتاريخ شراء السيارة؟ و أصلا انت مش بتنقل ملكية الا بشهادة المخالفات؟

فعلا ده اللي حصل انا اول ماجبت العربيه نقلت مليه تاني يوم وكان معايا شهاده مخالفات وعملت رخصه سنه تنتهي 2/1/2009 يعني كمان اسبوع وعشان انا مسافر يوم الخميس قلت اخلص قبل ما اسافر

ثانيا... لو المالك القديم دافع 3 سنين مثلا و جيت انت تنقل ملكية... هل هتدفع ال3 سنين (الضريبة) مرة تانية؟

تقريبا اه لو هتنقل ملكيه هتدفع الضريبه تاني

ثالثا...بالنسبة للوحات الجديدة... هل بيكون فيه كذا لوحة ممكن تختار منها؟ ولا بتكون اجبارية؟

اجباري لان انتا بتسلم الورق علي الشباك وهو بيعمل الاجرائات وبياخد الرقم من علي الكومبيوتر ارقام مسلسه

[osamaesm]

كويس المهم انك رخصت العربية

والف مبروك

الله يبارك فيك ياباشا

[M!NA]

فعلا ده اللي حصل انا اول ماجبت العربيه نقلت مليه تاني يوم وكان معايا شهاده مخالفات وعملت رخصه سنه تنتهي 2/1/2009 يعني كمان اسبوع وعشان انا مسافر يوم الخميس قلت اخلص قبل ما اسافر

استنا بأة عشان انتا كدا قلقتني :D

يعني حضرتك كنت واخد شهادة مخالفات و الشهادة بتقول أنه (لا يوجد مخالفات) و لما جيت تجدد الرخصة دفعت من مخالفات المالك القديم؟

ياريت لو توضحلي الجزئية ديه...
و شكرا مقدما :)

[Nader]

مبروك، مشوار مقرف لكن الحمد الله انا جددت رخصتي الشهر اللي فات في ساعتين ونصف.


بالنسبة للوحات بتتسلم بالترتيب، يعني بتكون مرصوصة في صناديق وكلة
جديد طبعاً فتكون مثلاً رخصة من يسبقني أ ب ت 100 ورقمي أ ب ت
101 ومن بعدي أ ب ت 102 وهكذا.


أما بخصوص الضريبة فافتكر قبل زيادة الضريبة كانت تضاف المدة
المتبقية بالرخصة على الرخصة الجديدة، أما الان فلا تضافوذلك طبعلاً لاخذ
الجباية!!

[Abdo_Eldesokey]

ممكن يا باشا يكون المالك القديم عمل مخالفة بالعربية بعد استخراج شهادة المخالفات ، فبالتالي المالك الجديد هوا الي هيدفعها

[Nader]

النهارده روحت مرور مدينه نصر
جددت الرخصه وغيرت النمر القديمه بالجديده وركبتها والعربيه اتخبطت والحمد لله في المرور في ساعتين بس انا شايف انه انجاز

دفعت غرامات 60 بالاكراميه علي غرامه مش بتاعتي لانها من 2006 وانا مشتر العربيه في 1/2008 وكنت نقلت ملكيه ورخصت باسمي سنه

و120 تامين اجباري
10 فك وتركيب لوحات
22 نماذج
470 ضريبه
10تصوير وملف وباقي مبريجعش
الاجمالي 700 جم انا شايف انه كتير علي عربيه 1300 مو2001

تأمين اجباري 120 جنية؟؟

متأكد؟ انا من اقل من شهر دافع 75 عن سنة واحدة

وكان في غيري بيدفع 150 جنية بس مش عارف عن كام سنة

دة غير اني واخد وصل مكتوب علية مبلغ دو أي تفاصيل اخرى!

المبلغ فقط لا وكان عاوز جنية ونصف كمان باقي الفلوس بس
مكنش في فكة قالي خلاص لما تفك ابقى جيبهم وانا مش هكتبهملك
في الوصل!!


المهم وانا ماشي قال للي جنبي 75 جنية فقط مش 76.5 هو اية اللي بيحصل؟!

[M!NA]

ممكن يا باشا يكون المالك القديم عمل مخالفة بالعربية بعد استخراج شهادة المخالفات ، فبالتالي المالك الجديد هوا الي هيدفعها

ايوا... يعني يكونوا عملوا نقل ملكية بس محصلش تسليم فعلي للسيارة...

لو كان كدا يبقا ممكن... بس على فكرة الحكاية ديه في منتهى الخطورة... لأن ممكن المالك القديم يعمل أي مشكلة بالعربية و المالك الجديد مش هيعرف يثبت أنو مش هو اللي كان بيستخدمها في وقت المشكلة أو الحادثة ديه... لأن الملكية اتنقلت و التاريخ مثبت... فلازم التسليم يكون ساعة نقل الملكية...

[osamaesm]

اقتباس:
أرسل أصلا بواسطة Abdo_Eldesokey
ممكن يا باشا يكون المالك القديم عمل مخالفة بالعربية بعد استخراج شهادة المخالفات ، فبالتالي المالك الجديد هوا الي هيدفعها

ايوا... يعني يكونوا عملوا نقل ملكية بس محصلش تسليم فعلي للسيارة...

لو كان كدا يبقا ممكن... بس على فكرة الحكاية ديه في منتهى الخطورة... لأن ممكن المالك القديم يعمل أي مشكلة بالعربية و المالك الجديد مش هيعرف يثبت أنو مش هو اللي كان بيستخدمها في وقت المشكلة أو الحادثة ديه... لأن الملكية اتنقلت و التاريخ مثبت... فلازم التسليم يكون ساعة نقل الملكية...
__________________
آه يا بلد عايزة ولد ... بس أنا مش فاضي

لا معتقدش انه كده
لاني المخالف مكتوب انها في 2/2006 وانا مشتري العربيه في 1/2008 وكانت الرخصه لازم تتجد يعني شهاده المخالفات بعد المخالفه تقريبا سنتين
بس طبعا قالولي المخالف بتاعتك
لازم تدفع او تروح تقدم تظلم في الدراسه

[M!NA]

لا معتقدش انه كده
لاني المخالف مكتوب انها في 2/2006 وانا مشتري العربيه في 1/2008 وكانت الرخصه لازم تتجد يعني شهاده المخالفات بعد المخالفه تقريبا سنتين
بس طبعا قالولي المخالف بتاعتك
لازم تدفع او تروح تقدم تظلم في الدراسه

ساعتها كان حقك تقدملهم شهادة المخالفات و العقد الابتدائي بالتاريخ و الساعة عشان تبرأ ذمتك من المخالفات الخاصة بالمالك القديم...

[osamaesm]

ساعتها كان حقك تقدملهم شهادة المخالفات و العقد الابتدائي بالتاريخ و الساعة عشان تبرأ ذمتك من المخالفات الخاصة بالمالك القديم...
__________________
آه يا بلد عايزة ولد ... بس أنا مش فاضي

حضرتك انا جبت من المرور بيان صرف لوحات مكتوب فيه تاريخ استلام اللوحات واسمي (المالك الحالي)
واسم المالك السابق
بس برده مافيش فايده بس لما نقلت الملكيه النمر متغيرتش لان احنا الاتنين مرور مدينه نصر

[ehabbasha30]

السلام عليكم
اولا ال 470 جنية الضريبة دى كام سنة ؟؟؟؟؟؟
ثانيا انا رايح اجدد الرخصة بكرة ان شاء الله ياترى اخد معايا كام انا عربيتى 1600
ثالثا النمرة الجديدة بتركب لوحدها ولا ممكن يسيبوا النمرة الاجنبى الصفرا اللى تحت ؟؟؟؟؟؟؟؟؟؟؟؟؟؟
شكرا

[roky]

انا نفسي افهم موضوع النمر الأجنبي الصفرة دي بشوفها كتير و مش عارف ايه
هل هي اكسسورا ... ولا ليها دعوة بالجمرك ولا ايه ؟!