توكيل تجديد رخصة المركبة؟؟

[hossam_elwani]

انا عندى عربية باسمى انا واخواتى وبجدد كل ثلاث سنين لما جددت من ثلاث سنين حضرو معايا اخواتى لتجديد السيارة ولكن موظف المرور رفض حضورهم وقلى هات توكيلات عنهم استغربت من الطلب طيب ماهم قدامك؟؟ المهم عملت توكيلات خاصة بالتجديد امام المرور وفعلا جددت وحفظ التوكيلات فى الدوسية بتاع العربية

السؤال دلوقتى انا رايح عشان اجدد خلال ايام هل حعمل توكيلات من تانى ولا التوكيلات الى فى الدوسية سارية حتى الان؟؟؟؟

[جمال]

المفروض طالما حفظ التوكيلات فى دوسيه العربية , يبقى هتكون سارية

[hossam_elwani]

ارجو مشاركة الاعضاء من خلال خبراتهم بالموضوع

[yehia]

قانونا إذا ما حضر الشخص الأصيل فلا لزوم لأى توكيل.... فانت دلوقتى يا إما تجيب اخواتك معاك أثناءالتجديد أو تخلص الموضوع بموجب توكيلات منهم لك تتيح تجديد الترخيص...... سواء بقى كانت التوكيلات معاك أو محفوظة فى دوسيه السيارة... بس نصيحة حاول تخللى التوكيلات معاك وسيبلهم صورة.. عشان مايجيش الموظف الهمام ويقوللك مفيش حاجة فى الملف ودوخينى يا لمونة.... أنا شخصيا عامل كده فى السيارة بتاعة والدى... بجددهاله بموجب توكيل عاملهولى بس أنا مخليه معايا

[hossam_elwani]

الغريب ان لما قلتله هات التوكيلات قلى لا التوكيلات حتفضل فى الدوسية وخد صور بس

[wesam_salom]

نفس الموضوع فى كل سيارات الورثه

والتوكيل بيتم حفظه فى المرور لو كان توكيل خاص بتجديد السياره دى بالتحديد
يعنى لو كان في التوكيل رقم السياره او الشاسيه

لو توكيل عام بياخد الصوره بس

[hossam_elwani]

شكرا على ردودكم المفيدة