حتى اللوحات الجديدة !!!!!!!!!!!!

[M.Osman]

فى حاجة كمان افتكرتها ....
فى واحد معاه فيرنا لونها ذهبي زي بتاعتى ...بجد بينرفزنى !
مفيم + نسر + كاب الشرطة عالتابلوه ( اوووه هخاف انا بقى ) و كمان دائما بشوفه راكن صف تانى جنب العسكري ... بصراحة البنى ادم ده ***** اوى و بجد نفسي اولع فيه و فى عربيته خاصة انها نفس لون بتاعتى !!

[Osama_soliman]

حقيقى


لو نحكم عقلنا ... هنهاجر كلنا

[AboELsoud]

يا جماعه و الله انتوا واجعين دماغكوا حكايه البادجات مبتفرقش في اي حاجه يعني هو انا لو حاطط بادج النسر اقدر اخش اي نادي للظباط مثلا لاء طبعا في حاجه اسمها اثبات شخصيه بيبقى مكتوب فيها كده
فهي مالهاش اي لازمه غير انها بتوضح اللي سايق العربيه وظيفته ايه؟
بس كده

[MohaMed_Refaat]

egypt it's gonna to be the same 4 eveeeeeeeeeeeeeeeer

[mahmoud_nov1985]

ربنا يرحمنا من حكم العسكر والحرامية

[ELBASHA]

لكن طبعاً هناك ظباط في قمة التواضع ولا يقومون بحركات النقص تلك

يعني لما دكتور او مهندس يحط بادج علي عربيته يوضح مهنته يبقي ناقص؟؟؟

أنا لسه واخد بالي الآن من ملفك الشخصي إن الوظيفة ضابط شرطة
رغم إن مفيش رتبة في الشرطة إسمها الباشا

و هو انا قولت ان رتبتي اسمها باشا؟؟؟؟
!!!!!!!!!!!!!!!

هو انت بتجيب الكلام دا منين
عموماً أكثر فئة بتحط بادجات على النمر هما ظباط الشرطة في حال إنهم حاطين نمر أساساً مش ملاكي قريش يعني أو نمبر بيزي

انت بس اللي بتمشي بتاخد بالك من عربيات الضباط او العربيات اللي عليها نسر
يظهر ان منظر النسر بيستفزك
و لعلم حضرتك 60 % من العربيات اللي لازقه نسر مش ضباط اساسا.اما حكايه ملاكي قريس و no busy دي ممكن تبقي تصورها او تعرف اسم صاحبها و تبعت شكوي للوزاره و هيا حتتصرف معاه.
فياريت بلاش الكرهه او الحقد علي واحد بيقضي احلي ايام حياته في سبيل الله و بيخرج الصبح ما بيبقاش عارف راجع بيته بالليل و لا لاء

[elhdry2000]

يا جماعة بلاش نرمى بكامل الاتهام على ظباط الشرطة لانة حقيقة ان اغلبية اللى حاطينة لا تمس لهم الشرطة باءى علاقة ودة اللى مخلى الموضوع ظاهر كدة وكتير وفى ظباط كتير محترمة ومش حاطة اى حاجة وماشية فى حالها وبرضو فى ظباط فمة فى قلة الاداب والاستفزاز للموطنين فى الشارع بتصرفاتهم ودى قاعدة عاملة مش مقتصرة على الظباط بس كل الناس كدة فى الكويس المحترم وفى اللى غاوى منظرة على خلق الله ودة فعلا بيكون مرض
ربنا يشفى الجميع

[moudy88]

ياجماعه انا راي ان مافيهاش حاجه انك لو ضابط تحط نسر ولو دكتور تحط هلال ولو ......... بس ماتحطهاش على النمر علشان ماتبقاش فوق القانون .. وكل واحد من حقه ان يفتخر بمهنته .. لكن فعلا اللي عنده عقدة نقص هو اللي بيخلي النمر سودا ويكتبها او يشيلها خالص او يكتب number busy او ملاكي قريش ...اللي بيعمل كده بيبقى عايز يعرف الناس ان هو فوق القانون وانه غير كل البشر (انا شخصيا عربية والدتي عليها هلال وعربيتي انا عليها شعار الهندسه بس موجود على الزجاج)... وعلى ما اظن ان ده مش ممنوع

[mrghost]

فعلا حكايه البادج اللى على الزجاج دى مش مضره ولا فيها تكبر او تعالى هى بس بتوضح المهنه انما اللى بيعمل كده على اللوحات بيبقى عاوز يورى الناس انه فوق القانون
وفى ظباط شرطه كتير محترمين بجد
انا جارى لواء شرطه معاه عربيه دوجان والله مفيهاش اى دليل انها بتاعة ظابط اصلا

[ahmed1981]

فياريت بلاش الكرهه او الحقد

حضرتك أخذت الموضع شخصياً وأنا لا أقصد هذا

وأقدم أسفي أمام الجميع لو كنت فهمت إني أتكلم عن شخص حضرتك

يعني لما دكتور او مهندس يحط بادج علي عربيته يوضح مهنته يبقي ناقص؟؟؟

أنا أتحدث والموضوع مفتوح للتحدث حن حالة خاصة
وهي وضع تعديل على لوحة النمر الخاصة بالسيارة سواء نسر أو ترس أو حداية أو فرخة أو طمس النمر

تفتكر الذي يقوم بالأفعال السابقة على لوحات نمر السيارة ما هو هدفه ؟؟

وأنا علقت على مسألة الظباط (فئة منهم وليس كلهم) لأني أرى أنهم أولى الناس بالإبتعاد عن مخالفة القانون لأنهم هم من كلفوا بحفظ القانون
فكيف يكونون أول من يخالفونة ؟؟؟!!!

والمشكلة هي مخالفته بصورة جهرية كأنه يقول للناس أنا مفيم الزجاج وطامس اللوحات بالأسود وحاطط كاب الشرطة ولابس بدلة الشرطة لأن أنا ظابط أنا ظابط أنا ظابط !!!!! (وكما قلت فئة منهم وليس كلهم بدون تعميم)

فكون الإنسان ظابط شرطة هي مسألة تكليف وليست تشريف ترفعة عن عامة الشعب

لكن هذا لا يعطي الذريعة لأي إنساس من أي فئة أخرى في المجتمع سواء مدرس أو طبيب أو كناس أو مهندس أن يتخذ ذلك ذريعة كما يفعل الكثيرون ليفعل نفس الشيء

و لعلم حضرتك 60 % من العربيات اللي لازقه نسر مش ضباط اساسا

قصدك إن 40% منهم ظباط
وهم المكلفين بمنع ذلك من الحدوث وهم أول من يفعلونه !!!

و هو انا قولت ان رتبتي اسمها باشا؟؟؟؟

يا أستاذي إنت في ردك الأول قلت إن أنا كاتب في توقيعي أني مهندس ليعرف الناس ذلك
ومن باب رد الدعابة بالدعابة قلت إنك عامل إسم العضوية الباشا عشان رتبتك باشا
وأساساً مفيش رتبة إسمها باشا
نوع من رد الدعابة بالدعابة
عموماً أنا بسحبها طالما زعلتك

يظهر ان منظر النسر بيستفزك

لا والله
النسر ميفرقش كثير بالنسبالي عن الفرخة طالما هو صورة

فياريت بلاش الكرهه او الحقد علي واحد بيقضي احلي ايام حياته في سبيل الله و بيخرج الصبح ما بيبقاش عارف راجع بيته بالليل و لا لاء

أكرر أسفي لإنزعاجك من كلامي الذي دعاك لهذا الرد

وأنا معاك أن من يقوم بوظيفته على أتم وجه طالباً رضا الله سبحانه وتعالى أولاً قبل رضا العبد فهو في سبيل الله
يستوى في ذلك المسئول عن أمن البلد في الداخل والمسئول عن أمنها في الخارج والمسئول عن علاج أبنائها والمسئول عن بناء صناعتها والمسئول عن تعليم أبنائها والمسئول عن نظافة شوارعها والمسئول عن ...... إلخ

و والله لو قمنا جميعاً بمسئوليتنا كاملة على خير وجه أمام الله طلباً لرضى الله في البداية قبل رضا الناس
لتحول حال بلدنا إلى أحسن حال ولقدنا الأمم ولانتصرنا على أعدائنا.

وختاماً أهلاً ومرحباً بحضرتك زميلاً في المنتدى

[Khalid_Mostafa]

فياريت بلاش الكرهه او الحقد علي واحد بيقضي احلي ايام حياته في سبيل الله و بيخرج الصبح ما بيبقاش عارف راجع بيته بالليل و لا لاء

كلامك علي عينا و علي رسنا من فوق بس ياريت بلاش الكلمتين الأخرانيين الخاصين بالتضحية من اجل الناس و الوطن وده لا يتعارض مع إحترامي لمهنتك و لكن لا تنسي انك انت من سعيت للعمل بهذه الوظيفة بل و جبت وسايط كمان عشان تدخلها ...وبصراحه لا اجد فرق بين ضابط الشرطة و اي موظف يعمل في جهة حكوميه يخدم فيها الجمهور ..كلاهم جدير بالإحترام إن راعي ضميره في عمله و كلاهم جدير باللعنات إن خالف ضميره في عمله وكلاهم يتعرض لمخاطر مختلفة في طبيعتها ولا يمثل ذلك اي سبب لتميزهم في المجتمع وتمييزهم عن الأخرين