كيفية عمل بوليصة تأمين شامل للسيارة

[د.محمود صلاح]

أرجو ممن لديه معلومات عن كيفية عمل بوليصة تأمين شامل عن السيارة وأين أو ما هى أفضل شركة تأمين محترمة نتعامل معها وما الإجراءات المطلوب إتباعها فى حالة مثلا كسر زجاج أو مراية عشان يغطيها لى التأمين فى التوكيل وهل هناك مندوب فى للشركة فى التوكيل أم أذهب وأصلح العربية ثم أحضر فواتير للشركة وأخيرا ما هى قيمة بوليصة التأمين الشاملة "مثلا للسيارة رينو ميجان 2006 "؟ وشكرا
:roll: :roll: :roll:

[mohamed_berlitz]

هذا هو الرابط

http://www.nilemotors.net/Forum/viewtopic.php?t=777

[د.محمود صلاح]

شكرا يا باشا ربنا يبارك فيك

[د.محمود صلاح]

بعد ما قرأت العروض مش فاهم حاجة!!!!
فى حالة "لا قدر الله" سرقة السيارة هل يتم تعويض صاحبها؟
ما اسم الشركات المشار لها فى اللنك السابق؟

[tot]

احسن شركة تامين هى كونتكت بشهادة الناس كلها و انا بندم انى ما امنتش معاهم السنة دى و استرخصت و رحت امنت فى الجمعية المصرية

[PAYOO]

احسن شركة تامين هى كونتكت بشهادة الناس كلها و انا بندم انى ما امنتش معاهم السنة دى و استرخصت و رحت امنت فى الجمعية المصرية

ياريت تقولنا على إللي حصل معاك من تقصير في الجمعية المصرية للتأمين التعاوني عشان الناس تعرف الجمعيه عيوبها أيه

[tot]

اللى حصل حضرتك انى مبلغ عشان الخبير يروح يعاين يوم 10 / 8 بس ده طلع يوم جمعه و سيادته، المهم اختارتله يوم 13 / 8 عشان يكون التوكيل فاتح و يكون سيادته فاضى و ده طبعا بعلم سعادته ، حتى الان ماراحش يعاين العربية شوف انت بقى

تم التعديل بمعرفتي للخروج عن النص وهذا التحذير الاول.
Nader 18-8-2007 02:05am

[Ahmed Samy]

امسك أعصابك الناس سامعاك 8)

[PAYOO]

اللى حصل حضرتك انى مبلغ عشان الخبير يروح يعاين يوم 10 / 8 بس ده طلع يوم جمعه و سيادته، المهم اختارتله يوم 13 / 8 عشان يكون التوكيل فاتح و يكون سيادته فاضى و ده طبعا بعلم سعادته ، حتى الان ماراحش يعاين العربية شوف انت بقى

تم التعديل بمعرفتي للخروج عن النص وهذا التحذير الاول.
Nader 18-8-2007 02:05am

طبعا موقف يضايق وينرفز أي حد

لكن أنا هاقولك الحل لأني اتعاملت مع الجمعية للسنة التالته على التوالي وعارف حجم الشغل عندهم حجمه ضخم أد أيه ، عشان كده لازم أول ما الجمعية تعين لك خبير للفحص تاخد منهم رقم موبايله عشان تظبط معاه الميعاد ولو قصر معاك في أي شيء اطلب منهم أنتداب خبير غيره واشتكي عند أستاذ "محمد حشاش" وده راجل بمعنى الكلمه وما بيحبش الحال المايل أبدا وهايحللك المشكله في دقايق

[tot]

حضرتك المشكلة كلها بسبب الموبيل ، الخبير اللى حظى الاسود وقع فيه ، اسمه سمير دمترى ، بقوله ماتقوللى تليفونك ، قاللى لا بكل تبجح و صفاقة ، المهم جبت انا موبيله من واحد فى الجمعية ، اتصلت بيه ، قاللى انت ازاى تكلمنى و جبت رقمى منين زى ماكون متصل اعاكس المدام بتاعت جنابه

[PAYOO]

حضرتك المشكلة كلها بسبب الموبيل ، الخبير اللى حظى الاسود وقع فيه ، اسمه سمير دمترى ، بقوله ماتقوللى تليفونك ، قاللى لا بكل تبجح و صفاقة ، المهم جبت انا موبيله من واحد فى الجمعية ، اتصلت بيه ، قاللى انت ازاى تكلمنى و جبت رقمى منين زى ماكون متصل اعاكس المدام بتاعت جنابه

عاوز اوضح لك حاجه
الخبراء دول اصلهم مابيشتغلوش في الجمعيه نفسها .... لا .... دول بيبقوا شغالين في أي حته زي شركات سيارات أو توكيلات أو مراكز خدمة أو حتى معارض سيارات

كل الحكايه أن الخبير (والله كلمة خبير دي مجنناني) بيبقى طرف محايد ومش شغال في الجمعيه عشان كده بيبقوا عايشين في الدور ومصدق كلمة خبير دي وبيتعامل على أنه خبير في الطاقة النواويه
لكن على أي حال الخبير ده بياخد فلوس من الجمعية المصريه على كل عربيه يفحصها ويقيم تعويضها

المهم زي ما قلت لك أنا اطلع المكتب في الدور الثامن وقول لهم مش عاوز الخبير ده وهمه هايغيروه

[tot]

على فكرة انا اشتكيت فعلا فى هيئة الرقابة على التأمين ، الاول بعت ايميل يو م 15 / 8 و اما مالقتش حد رد ، رحتلهم فى شارع طلعت حرب يوم 19، رحت لقيت الراجل طابع الايميل بتاعى و كان بيقراه ، و قاللى انا كنت لسه هرد عليك ، المهم هو قاللى ان المفروض ماتصلش بالخبير اصلا و لا حتى اشوفه ، المفروض ان شركة التأمين هى اللى بتتفق معاه و بتديله فلوس ع الكلام ده ، اما لو هو اتأخر فى المعاينة المفروض انى اشتكى لشركة التأمين عشان تتصرف او تبعتلى حد غيره ، و لو الشركة ماعملتش كده يبقى انا ساعتها اشتكى الشركة مش الخبير ، و على فكرة انا سالته على تأمين كونتاكت قاللى انهم مالهومش دعوة بكونتكت عشان هى مش شركة تأمين اصلا و مالهومش سلطة عليها

[معاذ الشرباصى]

كونتاكت هى شركة خدمات, و شريكها فى التأمين هو التأمين الاهلية

[tot]

كونتكت الان تتعامل مع المجموعة العربية

[CosmicOne]

حد يعرف المجموعة العربية الكونتكت بتتعامل معاها دية تأمين تعاونى/تكافلى والا تامين تجارى؟؟