خدت مخالفة ...... خش قولنا عليها

[ehabbasha30]

نمتنع عن السداد ولا ايه ؟؟؟؟؟؟عشان اعمل حسابي السنه قربت تخلص وربنا يستر

حاولو تكشفو على المخالفة بتفاصيلها يعنى امتى بالظبط وفين
وربنا يستر

[Amrrr]

الحمد لله - بقالي فوق السبع سنين بدفع خمسة بندق براءة ذمة

[aymansaad]

1- سحب رخص عشان فى شرخ فى الجاج وظابط رخم من السويس غيرت الزجاج ودفعت 50 جنية فى النيابة ووقف شهر الله يسمحه

[EslaM_NagY]

الحمد لله - بقالي فوق السبع سنين بدفع خمسة بندق براءة ذمة

وانا كمان

[wael_adel31]

أنا بقى ليا قصص كتير مع المخالفات هقولكم أكثرها غرابة:

أولا:::

أنا بعد مشتريت العربية 8/2005 رخصتها لمدة سنة جميل وفيمتها ( الرخصة كانت عبارة عن غربال من كتردبابيس المخالفات) وحطيت استيكر اسود وكل حاجة كانت زى الفل وعادى , المهم عديت سنة (12 شهر) ورحت أجدد لقيت وكيل النيابة بيقولى عندك مخالفات ب ((( 38000 جنيه))) أيوه ثمانية وثلاثين ألف جنيه وطبعا ماسكلكى دوسيه وورانى أققل مخالفة كانت ب 500 ( محمول/حزام/ستيكر/قيادة برعونة) بكل برود قولتله هتظلم قالى طيب هيبقو (((7000))) قولتله طيب هروح أجيب الفلوس ومشيت ورحت ظبطت واسطة ( ظابط صاحب أخويا) قام رايح ولقيته جاى تانى يوم ومعاه شهادة براءة من النيابة ب ((300 جنيه)) وقالى انه دفع ((400)) مصاريف أى بتنجان قلت مش اشكال وعدت .
طبعا واحد هيقولى ممكن يكون رحل المخالفات على الترخيص اللى بعده هقولكلم الله أعلم وربنا يستر وكمان أنا رخصت 3 سنين يعنى احتمال تجيلى مخالفات ب ((100000)):K_crying[1]:
ثانيـــا:::

مرة كنت على الكورنيش فى اسكندرية الساعة 9 صباحا ولسه واصل ومش شايف قدامى عشان كنت مطبق لقيت ظابط أمور (ملازم) بيقولى رخصك ده طبعا بعد منط قدام العربية كأنى مكنتش هقف مثلا المهم اديته الرخص راح واخدها ومشى على جنب وهاتك كتابة يعم بتكتب ايه قالى:
1-زوائد جانبية وأمامية ( قلت ودى مديقاك أو مدايقه الشارع فى ايه) قالى لازم تكون العربية على طبيعتها ( قلتله منا بمشى بيها فى القاهرة وبروح أعمل فحص بيها وعادى ) قالى ده عندكم هناك بس.
2- ملصقات ( قلتله بص على الرخصه هتلاقيها لونين ) قالى بردو ملصقات.
3- حزام أمان ( قولتله ماشى) وسحب فيها رخصة القيادة.
4- معلقات عشان زمان كنت حاطط شاشة على التابلوه ( اتكتمت انا سعتها وقولته طيب).
5- تلوث بيئى ( قولتله ايه ده بقى ) قالى عشان الشكمان قولتله ده صوته واطى قالى بس مش العادى ودى من الاضافات .
6- طيارة خلفية ( قولتله معرفش انها ممنوعة وممكن اشيلهالك بس مش مشكله اكتب اللى انت عايزوه ) قصدوه على الاسبويلر قالى أديك عرفت.
7- فاميه ( قلتله ماشى وهجيب الرخصة ب 8.50 بتاع ورق الفحص وهركبه تانى ) مردش عليا.
وفى الاخر سحب الرخصتين وقالى ده شغلى وكمان النقيب مش عارف مين هو اللى مبلغ عنك,وأنا بلف بقى شفت الباشا اللى بيتكلم عنه ده راكن عربية كورسا فى الاتجاه العاكس للكمين وواقف يتكلم فى الموبيل وعاه الجهاز وشغال بلاغات .
وفى الاخر الموضوع كله خلص ب50.10 عشان الحزام (رخصة القيادة) و 110 فى النيابة عشان الاستيكر .
ثالـــــثا:::

من كام اسبوع كده كنت رايح الزمالك الساعة 2.30 ونازل من على 6أكتوبر وقبل مدخل ناحية الماريوت لقيت كمين وأنا داخل منور زينون ومعلى اكاسيت وقلق المهم رحت مأستك نفسى بالحزام وداخل ( كان كمين مباحث ومرور) جالى ظابط لابس عادى وقالى رخصك قولتله ليه قالى بص على يمينك لقيت عقيد قاعد وقدامه مكتب وعاه بتاع 4 نقباء وعمالين يهرجو سوا رحت مطلع الرخص( وقلت فى سرى راحت الرخص) المهم ركنت على جنب ولقيت أسطول راكن وكل الظباط اللى قاعده تهرج دى معاه رخص الغلابة دول ومدوخنهم.
رحت داخل على الظابط اللى معاه رخصى وبكل برود وتعجب قلتلة ( ايه يابشا فى ايه) راح ضاحك وقالى فى تربو عندك وعامل صوت (رحت ضاحك قلتله تيربو ده حلية ياباشا) قالى منا عارف بس التانى ده شكمان(قلتله هوا ده ممنوع ) قالى اه (قلتله خالص نتصالح) قالى اه بس ده مفهوش تصالح لازم سحب رخصة( قلتله
اللى انت عايزه من عنيا) راح واقف شوية كدة وراح باصص للعربية جامد كأنه بيقدرها تعمل كام ورايح قايلى ماشى 100 جنيه ومش هينفع أقل من كده ( قلتله فل)
قام رايح كاتب ايصال من دفتر الباشا طبعا بعد مجه الدور عليا وقام مدينى الرخص وقالى غصب عنى ياأستاذ وائل اتفضل رخصك قلتله ده شغلك وخدت الرخص ومشيت.
المصيبة بقى بعد لما مشيت بصيت فى الوصل لقيته كاتب سبب السحب :
1-عدم ارتداء حزام أمان ( والله كنت لابسه وأتحدى انه يكون شفنى بلبسه.
2- ملصقات بالرغم من ان العربية لونين ومفيهاش اي استيكر حتى الاسود ده أنا راشه.
اتعظت أوى وقلت يعنى القانون ده مش عشان المخالفات ده عشان يلمو فلوس وكل واحد وحسب عربيته يعنى لو قديمه 50 ولو بى ام جديدة 500 وهكذا.
أنا عارف انى قرفتكم بس أنا قلت أحكيلكم لتعم الفائدة وربنا يسترها معانا جميعا

[m0dy_132]

السلام عليكم
انا بقى خت مخالفه من يجى شهر معرفش اسميها مخالفه ايه بالظبط مخالفه رخامه وخلاصه من الظابط جتلى مكالمه تلفوان كسلت اركب الهاند فرى قلت اركن على جنب احسن كونت نازل من على كوبرى الدقى
ركنت على جنب والمكلمه كانت دقيقه ونص يعنى اول موقفت بالعربيه خلصت جت عربيه نجده من الجداد ونزل ملازم اول قلى رخص قلت عادى اديتو الرخص نزل من العربيه واحد تانى نقيب ساعته نزلت من العربيه رحتلو قلتو فى ايه بالظبط قلى صف تانى فى الممنوع
قلتلو حضرتك انا راب جو العربيه ولسه واقف حالا وطالع وركنت بدل ماخد مخالفه تلفوان قلت اقف على جنب قلى اسحب الرخصه وله تدفه ال100جنيه يهديك يرضيك قلى رد استفزازى قلى ال70مليون بيقلولى نفس الرض بتاعك انهم لسه وقفين
قلتو انا جو العربيه ولابس حتى كمان الحزام ومنزلتش حتى من العربيه قلى ال100 يا بيه ودفعت وقلتو حسبى الله ونعمه الوكيل ولغايه دلوقتى بقول حسبى الله ونعمه الوكيل اغرب مخالفه شفتها وهشوفها طولت عليكو بس قلت اوريكو رخامه الظباط والقوانين الى مش بتتطبق صح وبتتطبق على الشعب لاكن الى بينفزو القانون لا اصاحاب السلطات
حسبى الله ونعم الوكيل

[magomago]

المخالفة : السير عكس الاتجاه
المكان : شارع جانبى بمدينة طنطا
الغرامة : 50 جنية دفع فورى
السبب فى الوصل : عدم ارتداء حزام الامان

[kliken]

انا اخدت تشكيله مخالفات على مدار مده سواقتى منها
كسر اشاره
سير عكس اتجاه
حزام
رادار

[aif]

انا نادر لما أخدت مخالفات في حياتي .....
لكن مرة خدت مخالفة .... كانت من أقسى المخالفات في حياتي
كانت في السعودية .... وقوف في الممنوع عشان اوصل ضيف معايا لوقف الباص ....مخالفة تافهه بحوالي 100 ريال او 150 مش فاكر
المخالفة دي تسببت اني لم اتمكن من النزول الى مصر عند مرض والدتي مرضها الأخير ووفاتها ....
لأن المخالفات هناك بتعطل اي اجراء حكومي فالتأشيرة اترفضت عشان المخالفة ..... وبعد ما سددتها واتشالت من الكمبيوتر وطلعت تأشيرة .... كانت توفت الى رحمة الله
ولن انسى هذا الموقف ما حييت
الله يرحمها ويرحم امواتنا جميعا

[moudy88]

عربيتنا الشاهين اترخصت من 95 لحد 2008 بدون اي مخالفه واحده والحمد لله....
واول لما جبت النوبيرا بعديها باسبوعين اخدت مخالفه ب 150 جنيه على اسكندريه الصحراوي بسبب النمره السودا مع اني مشتريها كده..ومن سنه اتسحبت الرخص بسبب الردار على الصحراوي عند الكيلو 74 وانت جاي على القاهره وكنت ماشي على 117 ودفعت 105 جنيه في مرور الدراسه

[kahamid]

أنا بقى ليا قصص كتير مع المخالفات هقولكم أكثرها غرابة:

أولا:::

أنا بعد مشتريت العربية 8/2005 رخصتها لمدة سنة جميل وفيمتها ( الرخصة كانت عبارة عن غربال من كتردبابيس المخالفات) وحطيت استيكر اسود وكل حاجة كانت زى الفل وعادى , المهم عديت سنة (12 شهر) ورحت أجدد لقيت وكيل النيابة بيقولى عندك مخالفات ب ((( 38000 جنيه))) أيوه ثمانية وثلاثين ألف جنيه وطبعا ماسكلكى دوسيه وورانى أققل مخالفة كانت ب 500 ( محمول/حزام/ستيكر/قيادة برعونة) بكل برود قولتله هتظلم قالى طيب هيبقو (((7000))) قولتله طيب هروح أجيب الفلوس ومشيت ورحت ظبطت واسطة ( ظابط صاحب أخويا) قام رايح ولقيته جاى تانى يوم ومعاه شهادة براءة من النيابة ب ((300 جنيه)) وقالى انه دفع ((400)) مصاريف أى بتنجان قلت مش اشكال وعدت .
طبعا واحد هيقولى ممكن يكون رحل المخالفات على الترخيص اللى بعده هقولكلم الله أعلم وربنا يستر وكمان أنا رخصت 3 سنين يعنى احتمال تجيلى مخالفات ب ((100000)):K_crying[1]:
ثانيـــا:::

مرة كنت على الكورنيش فى اسكندرية الساعة 9 صباحا ولسه واصل ومش شايف قدامى عشان كنت مطبق لقيت ظابط أمور (ملازم) بيقولى رخصك ده طبعا بعد منط قدام العربية كأنى مكنتش هقف مثلا المهم اديته الرخص راح واخدها ومشى على جنب وهاتك كتابة يعم بتكتب ايه قالى:
1-زوائد جانبية وأمامية ( قلت ودى مديقاك أو مدايقه الشارع فى ايه) قالى لازم تكون العربية على طبيعتها ( قلتله منا بمشى بيها فى القاهرة وبروح أعمل فحص بيها وعادى ) قالى ده عندكم هناك بس.
2- ملصقات ( قلتله بص على الرخصه هتلاقيها لونين ) قالى بردو ملصقات.
3- حزام أمان ( قولتله ماشى) وسحب فيها رخصة القيادة.
4- معلقات عشان زمان كنت حاطط شاشة على التابلوه ( اتكتمت انا سعتها وقولته طيب).
5- تلوث بيئى ( قولتله ايه ده بقى ) قالى عشان الشكمان قولتله ده صوته واطى قالى بس مش العادى ودى من الاضافات .
6- طيارة خلفية ( قولتله معرفش انها ممنوعة وممكن اشيلهالك بس مش مشكله اكتب اللى انت عايزوه ) قصدوه على الاسبويلر قالى أديك عرفت.
7- فاميه ( قلتله ماشى وهجيب الرخصة ب 8.50 بتاع ورق الفحص وهركبه تانى ) مردش عليا.
وفى الاخر سحب الرخصتين وقالى ده شغلى وكمان النقيب مش عارف مين هو اللى مبلغ عنك,وأنا بلف بقى شفت الباشا اللى بيتكلم عنه ده راكن عربية كورسا فى الاتجاه العاكس للكمين وواقف يتكلم فى الموبيل وعاه الجهاز وشغال بلاغات .
وفى الاخر الموضوع كله خلص ب50.10 عشان الحزام (رخصة القيادة) و 110 فى النيابة عشان الاستيكر .
ثالـــــثا:::

من كام اسبوع كده كنت رايح الزمالك الساعة 2.30 ونازل من على 6أكتوبر وقبل مدخل ناحية الماريوت لقيت كمين وأنا داخل منور زينون ومعلى اكاسيت وقلق المهم رحت مأستك نفسى بالحزام وداخل ( كان كمين مباحث ومرور) جالى ظابط لابس عادى وقالى رخصك قولتله ليه قالى بص على يمينك لقيت عقيد قاعد وقدامه مكتب وعاه بتاع 4 نقباء وعمالين يهرجو سوا رحت مطلع الرخص( وقلت فى سرى راحت الرخص) المهم ركنت على جنب ولقيت أسطول راكن وكل الظباط اللى قاعده تهرج دى معاه رخص الغلابة دول ومدوخنهم.
رحت داخل على الظابط اللى معاه رخصى وبكل برود وتعجب قلتلة ( ايه يابشا فى ايه) راح ضاحك وقالى فى تربو عندك وعامل صوت (رحت ضاحك قلتله تيربو ده حلية ياباشا) قالى منا عارف بس التانى ده شكمان(قلتله هوا ده ممنوع ) قالى اه (قلتله خالص نتصالح) قالى اه بس ده مفهوش تصالح لازم سحب رخصة( قلتله
اللى انت عايزه من عنيا) راح واقف شوية كدة وراح باصص للعربية جامد كأنه بيقدرها تعمل كام ورايح قايلى ماشى 100 جنيه ومش هينفع أقل من كده ( قلتله فل)
قام رايح كاتب ايصال من دفتر الباشا طبعا بعد مجه الدور عليا وقام مدينى الرخص وقالى غصب عنى ياأستاذ وائل اتفضل رخصك قلتله ده شغلك وخدت الرخص ومشيت.
المصيبة بقى بعد لما مشيت بصيت فى الوصل لقيته كاتب سبب السحب :
1-عدم ارتداء حزام أمان ( والله كنت لابسه وأتحدى انه يكون شفنى بلبسه.
2- ملصقات بالرغم من ان العربية لونين ومفيهاش اي استيكر حتى الاسود ده أنا راشه.
اتعظت أوى وقلت يعنى القانون ده مش عشان المخالفات ده عشان يلمو فلوس وكل واحد وحسب عربيته يعنى لو قديمه 50 ولو بى ام جديدة 500 وهكذا.
أنا عارف انى قرفتكم بس أنا قلت أحكيلكم لتعم الفائدة وربنا يسترها معانا جميعا

ايه ده ياباشا ده انت عايز كتب ومجلدات

[dr_darsh]

الحمد لله رب العالمين انا قليل فى مخالفاتى
اول مخالفه كانت سنه 2001 وكنت لسه مش طلعت رخصه قياده واتسحبت الرخصه بسبب الموضوع ده على طريق القاهره أسماعيليه الصحراوى واكن والدى معايا وواحد صاحبنا جابللى الرخص ودفعت 100.5 جنيه ومش عارف ال نص ده ليه والوصل لسه معايا شايله تذكار
تانى مخالفه كانت بعربيه أخويا وهو كان مفيمها L.L. Black المهم الرخصه اتسحبت ودفعت 50 جنيه بس الغريب من غير فحص ولا غيره مع ان الوصل كان مكتوب فيه زجاج ملون وده كان سنه 2006
بعدها الرخصه اتسحبت منى برضه بعربيه أخويا بس انا شايف انه ظلم لأن المرور أحيانا بيدى نمر على لوحات صاج وانت اللى تكتبها أخويا كتبها كمبيوتر مش عند خطاط وقفنى ضابط وقاللى النمر مالها قالى لزق طلع الوصل ولقيته كاتب لوحات غير مطابقه للمواصفات بصراحه اتغاظت قلتله ايه الموصفات اللوحه مكتوبه بخط اسود على ارضيه بيضاء بحجم واضح وكبير واللوحات مدموغه وبصراحه كنت لسه هأكمل وأقوله ماعربيات الضباط من غير نمر اصلا وبصراحه كنت هاحلفله ان الرخص دى لو خدها هأبعت كل نمر عربيات الضباط اللى أعرفهم فى البلد لوزير الداخليه بمخالفاتها
المهم كان معايا واحد صاحبى مسكنى وقاللى بس مش ليك دعوه بالرخص النهارده هتكون معاك طلع التليفون وكلم مدير وحده التراخيص كنت ناسى خالص انه خاله وجاب الرخص طبعا الكلام ده كان من سنه تقريبا ومن بعدها مش باركب عربيه أخويا اتعقدت منها
بس لما أجى أجدد العربيه بالاقى عليها دايما 50 جنيه طبعا لما اجى اسال عن السبب يقولوى مش عارفين بس هتلاقيها حزام ولا اشاره مع انى والله العظيم ملتزم جداجدا لأنى شايف متعه السواقه فى النظام ساعتها باعرف انها حاجه عامله زى الضريبه أو زى نظام ال Minimal charge بتاع الكوفى شوب اى عربيه تجدد تدفع 50 جنيه

[wael_adel31]

ايه ده ياباشا ده انت عايز كتب ومجلدات

والله وماخفى كان أعظم

[gade2]

بس فى طريقه اغلبنا مش بيتبعها وانك تحاول تخلص الموضوع وتراضى الظابط(حلوه تراضى دى) وخلصت

[cobraa2008]

بس فى طريقه اغلبنا مش بيتبعها وانك تحاول تخلص الموضوع وتراضى الظابط(حلوه تراضى دى) وخلصت

هي ممكن مع امناء الشرطة او مع الظابط بس افرض وقعت مع ظابط عنده اخلاق وعلى فكرة انا الظابط اللي مسكني سرعة كانت في قمة الاخلاق كان واحد عايز يخلص معاه ب25 بدلا من 50 كان هايوديه في داهية