هل نفق الأزهر به رادار ؟

[Sameh]

يا جماعة السرعة القانونية داخل نفق الأزهر هى 50 كم /س ، وطبعاً غالباً بتكون سايق على 70-80 مثلاً
مكتوب لافتات إن السرعة مراقبة بالرادار ، وشوفت كاميرات تصوير بس دى كاميرات عادية عشان مراقبة الحوادث والإختناقات وكدة
السؤال هل حد يعرف إذا كان فيه رادار داخل النفق أو على المدخل أو المخرج مثلاً ؟ عشان نعمل حسابنا ويكسب فينا ثواب ، خصوصاً اللى طريقهم النفق كل يوم ، خصوصاً إن سرعة 70 كم/س مثلاً سرعة آمنة ولكن تستحق الغرامة لو كان فيه رادار - يعنى مش مسألة إن الواحد متهور ولا حاجة

[EslaM_NagY]

انا شخصيا من يوم ما اتفتح وانا بمشى 80 وعمرى ما شفت حد ممسوك.

[M_Nabil]

لحد علمي مفهوش رادار

[zeyad1810]

بمشى فية كتير وعمرى ماشوفت رادار

[K.LOTFY]

ما أظنش أن فيه ردار
بس النفق ده الجري فيه مش حلو
كفاية عليه 60 يبقى حلو اوي

[sh23]

يا جماعة السرعة القانونية داخل نفق الأزهر هى 50 كم /س ، وطبعاً غالباً بتكون سايق على 70-80 مثلاً
مكتوب لافتات إن السرعة مراقبة بالرادار ، وشوفت كاميرات تصوير بس دى كاميرات عادية عشان مراقبة الحوادث والإختناقات وكدة
السؤال هل حد يعرف إذا كان فيه رادار داخل النفق أو على المدخل أو المخرج مثلاً ؟ عشان نعمل حسابنا ويكسب فينا ثواب ، خصوصاً اللى طريقهم النفق كل يوم ، خصوصاً إن سرعة 70 كم/س مثلاً سرعة آمنة ولكن تستحق الغرامة لو كان فيه رادار - يعنى مش مسألة إن الواحد متهور ولا حاجة

*****
فية والا ما فيهوش كفاية 50 كم /ساعة وخليك ف الأمان هو النفق كلة مش ها ياخد منك 5 دقايق يعني مش هاتفرق معاك كتير ؛ كمان خسارة الفلوس اللي هاتدفعها ف المخالفة

[dr_darsh]

والله الموضوع ده محيرنى أنا كمان
أول النفق ده ماأتفتح مسئولوا المرور كانوا بيحلفوا بالله انه فى رادار وأى واحد بيجرى فيه هيلاقى مخالفات عند تجديد الرخصه بسبب السرعه
بس أنا غيرت عربيتين وطلعت حوالى 4 شهادات مخالفات بعد الموضوع ده وان اكنت بامشى فى النفق ده أحيانا 100 بس قليل طبعا والعادى بتاعى 60 - 70
والحمد لله مالقيتش غرامات سرعه
الله أعلم فعلا الواحد يخليه فى السليم و50 من 60 مش فرقه حاجه هى دقيقه واحده فرق واحيانا اقل

[Hacker5]

انا بمشى فيه كتير على 70 و 80 عمرى متمسكت
اعتقد مفهوش رادار

[hanyelwaly2010]

مفيهوش طبعا عشان لو موقفلك كمين اخر النفق هاتحصل كربسه مروريه
او مركبين كاميرات تصور ألي هايتمسك فيها هم اصحاب النمر الجديده بس
و بتوع النمر القديمه لا
مع اني بمشي في النفق كتير بس لنا بزود عن 70 العربيه بتحدف جامد او الكاوتشات تعمل صوت

[Ahmed Selim]

النهارده لسه سامع فى الراديو أن محافظ القاهرة أمر بوضع كاميرات مراقبة سرعة فى النفق و أمر بعدم أستخدام النقل و الموتوسيكلات للنفق كمان.

[Sameh]

أنا سمعت برضوا نفس الكلام فى الراديو النهاردة

مش لازم لجنة ، ممكن تتصور وبعدين تدفع ساعة التجديد ! وساعتها المخالفة أكبر (الحد الأدنى 300)

[karimone]

موضوع الكاميرات الجديده ديه ممكن يكون كلام تهويش بس... و ده غالباً...

المهم احنا ناخد احطيتنا و نمشي علي السرعه المقرره لحد لما الوضوع يبان...

[M_Nabil]

هو فعلا قررالسيد محافظ القاهرة منع سير الموتسكيلات وسيارات النقل حفاظا على حسن التهويه داخل النفق، مع وضع رادارات وكاميرات ديجيتال للتقيد بالسرعة المقراره والالتزام بالحاره المرورية حفاظا على ارواح المواطنين بس ياريت يرفعوا السرعة لحد 60 كم عشان 50 دى خنقه شوية ولا اية رأيكم ؟

[dr_darsh]

هو فعلا قررالسيد محافظ القاهرة منع سير الموتسكيلات وسيارات النقل حفاظا على حسن التهويه داخل النفق، مع وضع رادارات وكاميرات ديجيتال للتقيد بالسرعة المقراره والالتزام بالحاره المرورية حفاظا على ارواح المواطنين بس ياريت يرفعوا السرعة لحد 60 كم عشان 50 دى خنقه شوية ولا اية رأيكم ؟

أنا أؤيدك فى موضوع 60

[ihab]

النهارده لسه سامع فى الراديو أن محافظ القاهرة أمر بوضع كاميرات مراقبة سرعة فى النفق و أمر بعدم أستخدام النقل و الموتوسيكلات للنفق كمان.

و انا برضه سمعت الكلام ده فى الراديو امبارح