احذروا عقوبة الكلاكس

[KHALED AYMAN]

احب اقولكو ان مدينه المحله الكبرى لم يتم تطبيق اى من نصوص قانون المرور الجديد فيها ههههههههه يعنى من الاخر كل الى بيتقال ده انا عارف انه مش هيطبق هنا .......
مع ان المحله مش اراضى زراعيه و اكواخ و الطرق بقى تراب و مفيش اسفلت و بنتحرك بالجمال و المواشى هههههه زى ما الناس فاكره لا دى مليانه مصانع و فيها مصانع من اكبر مصانع الوبريات فى العالم وبلد عادى زى اى بلد بس باين كده نسو ان فيها عربيات ماشيه و لازم يبقى ليها مرور .

[magyver]

يا عم نفض دى بلد سايبة بيصدروا قرارات وخلاص
مين اللى حيطبق الحجات دية شوف كدة على ارض الواقع كام واحد معاة نمر مميزة
كام واحد مركب زينون ومفيم
كام واحد مركب ديفندرات
كام واحد مركب تيربو
ولا كل العربيات اللى كانت فى الاوتوكروس اللى فات كانت جية من زحل ولا قطر
دى بلد حبر على ورق كولة فى الكالتش على راى سمير غانم

انا معاك في الراي دة مااشية كوسة وسوق الخضاار كلة
اة والله

[dr_timo]

انت راجل ممتاز
ربنا يكملك بعقلك ويستر طريقك وطريقنا
قول امين

ربنا يخليك يااستاذنا حضرتك اللي راجل ممتاز بجد ومن اكثر الرجال المميزين في المنتدي هنا وانا بستفيد ديما بكلام ونصايح حضرتك

[khater87]

انا مش عارف القوانين الجديده دي عاوزه عربيات موديلات الخمسينات مفيش كلاكس ... مفيش شماسات ... مفيش ملصقات ... انا مش فاهم هما عاوزين يتحكموا في العربيات بتاعنا ... طيب مييجوا هما يسوقوها وخلاص ...
انا عندي حل احنا ممكن واحنا بنعمل الرخص نعمل نسختين .. نسخه معاهم ونسخه معانا .. واهو بدل ما كل يوم نجري علي الرخص ودي اتسحبت ودي اندفع عليها غرامه يبقي معاهم نسخه واحنا معانا نسخه وخلاص

[khater87]

طيب اقولكم علي موقف امبارح ... امبارح انا كنت راجع من القاهره الساعه 9 تقريبا او 10 بليل ... المهم الوقت ده كان معاد وصول رابطه مشجعي المحله ...كانوا عاملين ايه بقي ...اتوبيسين وطبعا ملايين ناس واعلام وحوارات من دي .. الناس الي في الاتوبيسات نزلت وقعدوا يهيصوا وطبعا موقفين الطريق خالص والعربيات شغاله كلاكسات وتمويج بالعربيات ... الكلام ده امام اكبر نقطه مرور في المحله الكبري ... طبعا حاجه لطيفه من الناس انهم يشجعوا فريقهم بس مش بالمنظر ده ... السؤال بقي كان فين قانون المرور الجديد بتاع الكلاكس او تعطيل الطريق ده ... تخيل كان فيه عربيه اسعاف فيها مريض ولا حاجه وقفت بسسب الزحمه والزفه دي ... كان هيبقي ايه الوضع ...
ربنا يسترها معانا ويعدينا منها علي خير .. وكفايه كوووسه بقي

[KHALED AYMAN]

طيب اقولكم علي موقف امبارح ... امبارح انا كنت راجع من القاهره الساعه 9 تقريبا او 10 بليل ... المهم الوقت ده كان معاد وصول رابطه مشجعي المحله ...كانوا عاملين ايه بقي ...اتوبيسين وطبعا ملايين ناس واعلام وحوارات من دي .. الناس الي في الاتوبيسات نزلت وقعدوا يهيصوا وطبعا موقفين الطريق خالص والعربيات شغاله كلاكسات وتمويج بالعربيات ... الكلام ده امام اكبر نقطه مرور في المحله الكبري ... طبعا حاجه لطيفه من الناس انهم يشجعوا فريقهم بس مش بالمنظر ده ... السؤال بقي كان فين قانون المرور الجديد بتاع الكلاكس او تعطيل الطريق ده ... تخيل كان فيه عربيه اسعاف فيها مريض ولا حاجه وقفت بسسب الزحمه والزفه دي ... كان هيبقي ايه الوضع ...
ربنا يسترها معانا ويعدينا منها علي خير .. وكفايه كوووسه بقي

يا اهلا بالمحلاويه .
حضرتك تقصد نقطه مرور العلو ؟؟ ولا ايه ؟؟

[MohaMed_Refaat]

احب اقولكو ان مدينه المحله الكبرى لم يتم تطبيق اى من نصوص قانون المرور الجديد فيها ههههههههه يعنى من الاخر كل الى بيتقال ده انا عارف انه مش هيطبق هنا .......
مع ان المحله مش اراضى زراعيه و اكواخ و الطرق بقى تراب و مفيش اسفلت و بنتحرك بالجمال و المواشى هههههه زى ما الناس فاكره لا دى مليانه مصانع و فيها مصانع من اكبر مصانع الوبريات فى العالم وبلد عادى زى اى بلد بس باين كده نسو ان فيها عربيات ماشيه و لازم يبقى ليها مرور .

دة احسن حاجة فى الدنيا بلد بدون اوغاد مرور
عايشين انتوا فى النعمة دية وسايبينا احنا هنا فى طنطا فى كماينهم ولجانهم وغتاتهم وقرفهم بتوع المرور
انا بصراحة لما بنزل المحلة بحسدكوا على النعمة اللى انتوا فيها دة شارع شكرى سعات بيخمسوا فية تخيل يعنى شارع البحر عندنا حد يخمس فية (اللهم لا حسد :) :|"""""
بس دة بسب ان المحلة تبع طنطا فى المرور متخدوش انتوا المرور عندكوا ونبقى احنا تبعكوا لاحسن احنا تعبنا اوووى منهم وتبقى احلى جميلة

[lancerevolution]

أنا مع العقوبة دى ليه لأن الشعب المصرى من هواياتة إستعمال الكلاكس كنت راكب تاكسى فى مرة كل شوية يضرب كلاكس كدا هو عمال على بطال دا غير و أنا واقف فى موقف منوف رايح الكلية تلاقى الناس شغالة كلاكسات مع إن الى موقف الطريق لجنة

[tutankhamoun]

خلاص الناس أتعودت على السواقة كدا و أي حد ييجي يقول على أي تصحيح للمفاهيم الغلط ... طبيعي أن الكل يبقى ضده

بغض النظر بقى عن نزاهة النظام المروري و أمناء الشرطة و الظباط

إنما القوانين دي هي الصح علشان تعدل الحال المايل اللي مش هايتعدل إلا بالعقاب ... لأن أحنا عارفين طبعا أن أحنا كشعب مصر العزيز بنطبق القوانين قوي !!!

الناس اللي زعلانة من القوانين اللي بتطلع كل شوية هاحكلم على شوية مواقف
لو في انجلترا .... شغلت الموتور ... و نزلت من العربية لأي سبب من الأسباب .... تتأخد مخالفة يا معلم
هاتسيب العربية ... إن شاء الله يكون أدام بيتكم ... لازم تبطل الموتور !!!

لو أستعملت الكلاكس ...... ليلتك بيضة ....... مش هاتترحم

لو مشيت على خط تقسيم الحارات ........ هاتروح مستشفى المجانين !! أو هايفتكروك متعاطي حاجة أو سكران !!

الناس اللي بتقول على أماكن الركن
انجلترا مثلا شوارعها ضيقة جدا جدا
و لو خدت عربيتك في وسط البلد ....... يا تركنها في مركن خاص أ ما تنزلش بيها أصلا و أنزل بالمترو ( أنا عارف أن الناس هاتقولي هنا مفيش مواصلات عامة مظبوطة زي عندهم ... و أنا متفق معاكم )
بس الحكومة مش ملزمة تعمل جراجات في كل مكان علشان الناس تلاقي مكان تركن فيه .... الصح أن الحكومة تطور وسائل المواصلات العامة و تخليها آدمية شوية

المهم نرجع لقوانين صارمة
لو تجاوزت السرعة القانونية ( اقصى سرعة هناك على أفضل الطرق هي 110 كم - س أي تقريبا 70 ميل )

طبعا أحنا هنا عندنا بتوع الميكروباظ و الشباب الشوماخري .... واخدين الدنيا تقفيل عداد .... بس هانعمل أيه ... الناس وراها مواعيد علشان تلحق صفقات المليار دولار فلازم يجروا على 200 و العاقل قوي بيجيب 150 ...
و الغلبان اللي بيمشي على 100 يبقى مش بيعرف يسوق ( و الله واحد قعد جنبي و شافني ماشي ملتزم بالحارة و ماشي على 100 فلاقيته بيقولي هو أنت لسة متعلم جديد !!!!!!!!!! )

للآسف بما أن حياتنا كلها هرجلة في هرجلة .......... الناس فاكرة هو ده الصح و غير كدا يبقى تضييق على الحريات !!!


هي بلد بايظة و مينفعش معاه غير حاجتين
الحكومة تتظبط شوية .......... و بعدين تظبط الشعب عقوبات للمخطئين و اللي ماشي صح ... محدش يقدر يتكلم معاه

و على رأي المثل
أمشي عدل .......... يحتار عدوك فيك

[sleepyhammer]

ايوه كده لو الكلاكس عمال على بطال يبقى المخالفة فى محلها عشان الازعاج والدوشة بس مش لما ادى كلاكس لحد بيعدى ولا عشان حد يوسع السكة، يقوموا يحبسونى ويطبقوا القانون عليه
ربنا يسترها علينا جميعا ومحدش يكره النظام بس يتطبق صح وبأصول مش عالفاضي

[دينا أبوالعلا]

خلاص الناس أتعودت على السواقة كدا و أي حد ييجي يقول على أي تصحيح للمفاهيم الغلط ... طبيعي أن الكل يبقى ضده

بغض النظر بقى عن نزاهة النظام المروري و أمناء الشرطة و الظباط

إنما القوانين دي هي الصح علشان تعدل الحال المايل اللي مش هايتعدل إلا بالعقاب ... لأن أحنا عارفين طبعا أن أحنا كشعب مصر العزيز بنطبق القوانين قوي !!!

متهيالي بصرف النظر عن الناس اللي مش عايزه تمشي صح ان الناس خايفه من التنفيذ
انا واحده من الناس بترعب من اللي بسمعه من تلكيك واستهبال من اللجان ولما كل واحد كل يوم قبل ما ينزل يحس انه ممكن يبات فالسجن ظلم اكيد هيكره القوانين
بس هو ده الصح وربنا يسترها معانا

[Falcon.Crest]

و الله انا مع الموضوع ده بشده علشان الناس في مصر حاجه تنرفذ في استعمال الكلاكس بلازمه و من غير لازمه

[asbeats]

الاسكندرانية متعودين علي كده ومش فارقة معاهم لان القرار متطبق من 2001 وكله ملتزمم بيه

انا كنت لسه هاقول الكلمتين دول
ده حتى في الترام لاحظت ان فيه لافتات لسائق الترام تمنعه من استخدام الكلاكس من غير لزوم

والناس ملتزمة جدا بالنظام ده

حقيقي حاجة في منتهى التحضر:k32:

[دينا أبوالعلا]

انا كنت لسه هاقول الكلمتين دول
ده حتى في الترام لاحظت ان فيه لافتات لسائق الترام تمنعه من استخدام الكلاكس من غير لزوم

والناس ملتزمة جدا بالنظام ده

حقيقي حاجة في منتهى التحضر:k32:

علي فكره احنا كمان عندنا بس الحمد لله لا حد بيشوفها ولا بيهتم بيها
يعني عند القصر العيني المنكقه دي مليانه مستشفيات وفيها علامة ممنوع لكن ولا حياة لمن تنادي علي الاقل الناس تخلي عندها دم عشان المرضي
كنت مره هناك وواحده سايقه عماله تيت تيت تيت تيت كان نفسي انزل اضربها والطريق واقف بس تقريبا الهانم كان عندها صفقه زي غيرها:K_crying[1]::K_crying[1]:

[karimone]

يا اهلا بالمحلاويه .
حضرتك تقصد نقطه مرور العلو ؟؟ ولا ايه ؟؟

فرحان انت طبعاً علشان لاقيت حد من المحله...

هيص يا عم...