شركات التامين

[WalidAdel]

السلام عليكم
انا ان شاء الله اول سنه للعربيه تخلص الشهر الجاي و كنت عايز اعمل التامين بس مش عارف فيييين
الجمعيه ليسه بتامن ولا لأ و النسبه بقت اد ايه
ياريت لو حد يعرف معلومات مايبخلش عليا بيها
و لكم جزيل الشكر

معلش اذا مان الموضوع مكانه غلط

[WalidAdel]

ايه ياشبان نيل موتورز محدش جدد ترخيص العربيه الايام دي و عمل التامين مع شركة تامين يقولي النسبة بقت كام
:K_crying[1]:

[analyzer]

السلام عليكم
اخى الفاضل انا ترخيصى انتهى فى 30/1/2009 والعربيه تقسيط بنك فطبعا مامن وكنت مامن مع الجمعيه وكلمتهم وجددت التامين معاهم وده لانه كان اقل سعر وهو 2.5% فى الوقت ده
بس انا عايز اقولك على حاجه
كل مراكز الخدمه الى كانت بتتعامل مع الجمعيه وكانت بتصلحلك بدون ما تدفع لهم وهما الى كانو بيحاسبو الجمعيه بطلو الموضوع ده وبقوا يحاسبوك ويدوك فاتورة وانت الى تروح تاخد فلوسك من الجمعيه
وده شئ بالنسبه ليا مزعج جدا انى ادفع وبعدين امشى فى اجراءت طويله وممله لحد ما اخد فلوسى
فنصيحتى لي أمن مع حد محترم
1- كونتاكت
2- اليانز
3- الشرق
4- Aig ودول سمعت عنهم سمع خير

[WalidAdel]

طيب و دول ياباشا النسبه بتاعتهم كام في الميه يعني مقارنة بالجمعيه

[analyzer]

مبدئيا يا باشا مدورش على الفرق لانه اقصى حاجه هيكون تقريبا حوالى 500 مثلا او 800 مش فرق كبير فى الفلوس مقارنه بالفرق فى الخدمة
نصيحتى ليك خليك مع حد محترم يشيلك لو وقعت

[WalidAdel]

ياباشا شكرا لردك جدا

[جمال]

انا امنت( بعد مشاكل الجمعية اللى كنت مأمن معاهم ) مع شركة جديدة اسمها ( وثاق للتامين التكافلى ) نسبتهم 3 % , طبعا لسة مجربتهمش بس التأمين يتاعهم تكافلى واعتقد انه كده بيكون بعيد عن الربا

[Islam Amer]

السلام عليكم يا اخ وليد
بخصوص تامين السيارت انا شايف ان شركه (( اليانز)) شركه محترمه وليه واحد صاحبي شغال هناك في تامين العربيات لو تحب تعرف اي حاجه انا تحت امرك

[abou_ruqi]

انا امنت( بعد مشاكل الجمعية اللى كنت مأمن معاهم ) مع شركة جديدة اسمها ( وثاق للتامين التكافلى ) نسبتهم 3 % , طبعا لسة مجربتهمش بس التأمين يتاعهم تكافلى واعتقد انه كده بيكون بعيد عن الربا

فينهم دول من زمان ؟؟

عنوانهم و تليفونهم ولو ليهم موقع ربنا يكرمك

[abou_ruqi]

ايه دول ؟ دول في الكويت ؟

https://www.wethaq.com

[badry]

فينهم دول من زمان ؟؟

عنوانهم و تليفونهم ولو ليهم موقع ربنا يكرمك

على حد علمى بيت التأمين المصرى السعودى تكافلى ايضا...

بس بالنسبة لجودة الخدمة....ماعرفهمش...ممكن تشوف مواضيع تجارب التأمين فى المنتدى....

[جمال]

بالنسبة لشركة وثاق انا امنت معاهم فى فرع الاسكندرية شارع فوزى معاذ بسموحة
حاشوف الوثيقة واجيب لكم تليفوناتهم و عنوانهم بالقاهرة

[abou_ruqi]

بالنسبة لشركة وثاق انا امنت معاهم فى فرع الاسكندرية شارع فوزى معاذ بسموحة
حاشوف الوثيقة واجيب لكم تليفوناتهم و عنوانهم بالقاهرة

لا أنا عاوز عنوانهم في اسكندرية
فين في فوزي معاذ ؟؟؟

[abou_ruqi]

على حد علمى بيت التأمين المصرى السعودى تكافلى ايضا...

بس بالنسبة لجودة الخدمة....ماعرفهمش...ممكن تشوف مواضيع تجارب التأمين فى المنتدى....

دول بيدعوا انهم تكافلي , بس ساعة الجد حتلاقيه تجاري عادي
تسأله أنتوا مش قلتوا تكافلي يا عم وأخدين فتوى شريعية على كده ؟

يقولك أه بس إحنا لسه مبتدائين وحنشتغل تجاري شوية لغاية لما نغطي مصاريف التأسيس و بعدين حنشتغل تكافلي !

مــــــوت يا حمــــــــــــــــــــــــار

يعني ده اعتراف أنهم شغالين في الحرام لغاية لما يلموا شوية فلوس من الحرام وبعدين حيشتغلوا في الحلال !!!

[جمال]

لا أنا عاوز عنوانهم في اسكندرية
فين في فوزي معاذ ؟؟؟

وانت رايح اتجاه الابراهيمية قبل ماتحصل الشارع اللى يودى نفق كليوباترا( البرت الاول ), بعد فرع البنك الاهلى ,العمارة التى بعد العمارة اللى فيها موبكو للاثاث فى اول دور
و تقريبا قصاد شركة اتصالات
قوللى اجى اوصلك