المعلومة الكاملة لتجديد الرخصة حسب الأوضاع الجديدة

[same7mousa]

سلامو عليكو
أنا هجدد الرخصة في شهر أبريل الجاي و كنت عاوز أعرف ايه التكلفة الاجمالية للتجديد لمدة 3 سنوات و ايه الأوراق المطلوبة طبقا للنظم و الأسعار الجديدة في المرور
دورت في كل المواضيع المتعلقة بتجديد الترخيص و لم أستطع الوصول لمعلومة كاملة
بارك الله في الجميع

[Drift_Lover]

ياريت حد يفيدنا في الموضوع ده...

[Badrowi]

معدش فيه 3 سنين فى دمياط
او فى الجمهورية علشان الرخص الجديدة
انا اتكلفت 415 جنيه + 100 الراجل اللى خلصلى الاوراق والمخالفات عن سنة واحدة

[wesam_salom]

بص يا باشا
216 ضريبه
76 تأمين
دمغات 6.5 +شويه فكه +شويه ورق من المرور(نموذج 6 جنيه)
وتاخد معاك البطاقه وشهاده المخالفات والرخصه
ده بالنسبه للسنه الواحده
ولو هتفحص هتشترى اورنيك فحص وطفايه وبيئه بحوالى 20 جنيه
وتفحص العربيه الاول

[analyzer]

عربيتى 1500 سى سى وجددت فى اول شهر فبراير ودى التكاليف
1- ضريبه 235 على السنه
2- تامين 13 شهر 85 جنيه
3- نموذج ملاكى 5 جنيه
4- دمغة 20 جنيه ودمغه 10 جنيه
5- المخالفات

[karimone]

هي مش ضريبة ال1600 في السنه 175 جنيه...

ايه اللي خلاها 235...؟؟؟؟

[ابو فرح]

هي مش ضريبة ال1600 في السنه 175 جنيه...

ايه اللي خلاها 235...؟؟؟؟

صباح الخير الكلام ده من السنه اللى فاتت
وعمار يا مصر

[karimone]

ديه كانت 175 في شهر 5 اللي فات...

زادت تقريباً 30% في أقل من سنه...

حسبي الله و نعم الوكيل...

[semsem67]

بيان بأسعار النماذج المطلوبة لتجديد رخصة سيارة 1600 وباقي المصاريف :


أولا الضريبة : تدفع في البريد وقيمتها عن الثلاث سنوات: 625.5 يضاف إليها أجور خدمات البريد 1.55
فيكون المجموع 627.05

ثانيا : أسعار الأوراق والنماذج و التأمين :
1-نموذج التجديد =6.20 + 3 طابع شرطة = جنيه 9.20جنيه عن كل ستة
2- طلب فحص فني = 2.10 + 1.50 طابع شرطة ( 5 طوابع الواحد =30 قرش) =3.60
3- نموذج فحص بيئي = 3.10 + 2 جنيه طوابع شرطة =5.10 جنيه
4- شهادة صلاحية طفاية حريق = 3 جنيه + 1 جنيه طابع شرطة =4 جنيه
5-تأمين إجباري لسيارة 1600 سي سي 72 جنيه عن سنة واحدة ولكن لو عملت 3 سنين =204 جتيه
6- مخالفات المرور : تضاف إيصالات خيرية بقيمة 5 جنيهات على أي مبلغ للغرامات حتى لو كان صفر


*تأكد جيدا من سعر كل نموذج واحتفظ بأكبر كم ممكن من الفكة معك لأنه دائما لايوجد فكة وفي هذه الحالة عوضك على الله في باقي فلوسك.
*المفروض أن التأمين الإجباري محدد بأرقم ثابتة والسعر أعلاه صحيح بالنسبة لشركة المجموعة العربية Amig وكذلك مصر للتأمين . ولكن الشركة الثالثة – لن اذكر اسمها حتى لا أسيء لسمعتها لأن ممكن اللي حصل معي يكون خطأ موظف - أغلى بخمسة جنيهات .
*يتم تحصيل 5 جنيهات معونات خيرية عند طلب شهادة براءة ذمة من المرور حتى لو كانت المخالفات صفر , ولايطلب تبرع في حالة طلب شهادة براءة الذمة عن طريق النت ، ولكن يتم دفع رسم توصيل الشهادة بالبريد السريع وهي خدمة ممتازة.

ثالثا : النمر الجديدة :
قيمة رخصة ونموذج =8 جنيه
ملصق مرور = 2 جتيه (يتم دفع القيمة حتى ولو لم يكن هناك ملصق)
دمغة تنمية موارد = 0.30 ثلاثون قرش
دمغة نوعية = 0.10 عشرة قروش
مقابل تكاليف تطوير = 100 جنيه
الإجمالي =110.40

ملاحظات:

• كثيرا ما لا يتم صرف ملصق مرور رغم احتسابهم ثمنه.
• اللوحات القديمه تم دفع تأمين لها مبلغ 30 جنيه ، ولذلك يتم دفع المبلغ أعلاه إذا قام المواطن بتسليم اللوحات القديمة أما إذا كانت السيارة جديدة أو بدون لوحات فيكون هذا المبلغ 130 جنيه بدلا من 100 وباقي البنود كما هي , وهذا كلام رئيس الوحدة ولكن لم أجربه لأنني سلمت اللوحات القديمة .
• بالنسبةلإمكانية احتفاظ المواطن برقم لوحاته إذا قام بتغيير سيارته بأخرى جديدة حتى يحتفظ بلوحاته ويضعها على السيارة الجديدة :هذا من حق المواطن قانونا لأن اللوحات الجديدة مرتبطة بالرقم القومي للمواطن ، ولا توجد مشكلة في هذا ، كما أنه في هذه الحالة سيوفر مبلغ التأمين الجديد للوحات جديدة 130 جنيه , ولكن أخذ اللوحات يضعف من فرصة بيع السيارة وخاصة لو الذي اشتراها تاجر ؛ لأنه يريدها بالنمر علشان يبيعها بسهولة بتوكيل .
أرجو أن أكون أفدت بهذا الجهد المتواضع , وأسألكم الدعاء .

[hossam_elwani]

انا لسه مجدد 3 سنين بتاريخ 23/2 مين قال انا مفيش تجديد 3 سنوات

[same7mousa]

انا لسه مجدد 3 سنين بتاريخ 23/2 مين قال انا مفيش تجديد 3 سنوات

و اتكلفت كام بقى يا باشا ويا ريت تحكلنا تجربتك