اللي حصلي بعد مطلعت الرخصة !!!!!!!!!!

[himatros]

كبر دماغك و خليك فاكر قل لن يصيبنا إلا ما كتب الله لنا
و روق وكدا لأن لو كان يعرف يعمل حاجة كانت فى ساعتها
زى قبل كدا بتاع الفراخ الى جنبنا كان جايب فراخ من مزرعة رئيس محاكم و الإتنين كانوا راكبين العربية و قفوا فى لجنة و كانوا بعملوا مخالفات سرعة و حبشتكنات عشان يقفلوا المحاضر ظلم يعنى ما كان من الراجل المهم دا إلا إنه طلع الموبايل و هو واقف و عمل شوية إتصالات و حبس الظابط و العساكر كانوا فى اللجنة كام يوم و قطع المحضر بتاع المخالفات لأنه كان على حق فا الى بيبقى يعرف يعمل حاجة بيعملها فى ساعتها
فروق من الأخر يومين و حتنسى

حبسهم هههه زمن ؟ الحق فوق الجميع فعلا
حكاية النسيان دي هستنى شوية يارب يوقعني فيه تاني عشان اعملها انا فيه واقوله انت متعرفش انا مين انا ابويا مدير قمل المكان اللي احنا فيه ده واشحنه في الشنطة هههههههه

[lancerevolution]

أيوة كدا فرفش و متركز فى الموقف دا لأنك كدا وزى ما سمعت من الدكتور إبراهيم الفقى بتضيع مجهود جبار و بترهق عقلك فى موضوع مالوش لازمة أو بمعنى أخر حتحرق أعصابك و تفور دمك و تملا قلبك بالكره الى ممكن يعميك عن الحق و ميخلكش عارف تركز
و سيبها لله

[eng.octooo]

ههههههههههههه مخابرات مين الى يقولك دة لو مخابرات بجد كان ............. ماتقلقش

[heshaaam]

مفيش مسؤول ف مصر انتقم من حد بسبب عربيات ع حد علمى

وحتى لو من المخابرات هيعمل ايه هيقول انك جاسوس

ده اتهام لا يتهم به احد خالص كنت دوست فيه

ف رقابة ع الحوارات دى ولو اتجنن وعمل حاجة اطلع ع وزير الداخلية والحرس هيظبطوك جامد ف الحوارات دى بيخدمه وهيخربه بيته

بمناسبة انت متعرفش انا ابن مين ويمسك التيلفون وغالبا مبيجمعش او يكلم صاحبته يقول لها تعاليلى ده عشان يخرجو مش عشان الخناقة

كلنا بنقول انا ابن مين عشان احنا كلنا ولاد ادم وكلنا بنفخر به كاأب

[mahmoudafify]

1000 مبروك علي الرخصة يا باشا

ومتقلقش من الراجل ده ولو عمل حاجه قولي

علي فكرة انا من ال CIA

[himatros]

اشوفه بس وانا ه............. بس كده

[mr_kenawy]

فاكرين فتاة العصا الكهربائية اللى قلبت الدنيا و الفيديو بتاعها كان موجود على اليو تيوب , اللى نزلت شتيمة فى الولد اللى خبط فيها و نزلتله بعصا كهربائية و هددته ان ابوها عميد فى مديرية امن الجيزة و هيعمل و هيسوى فيه و عملت نفسها بتطلب ابوها تليفونيا , من سوء حظها ان الفيديو اللى اتنشر ظهر فيه رقم عربيتها و باجراء التحقيقات من قبل وزارة الداخلية تبين ان مفيش و لا واحد فى عيلتها ليه علاقة بالشرطة و لا حتى عسكرى , كذلك الحال بالنسبة للموضوع ده اللى احنا بنتكلم فيه.

[A.Elsheikh.01]

لا على فكره متقلقش دا هو بس تلاقيه كان واخدله شبشبين من البيه الى بيوصله كل يوم هو والمدام والولاد وعايز يطلعهم على حد ويرسم عليه بس :))
انا عملتها قبل كده فى سواق مكروباص دخل فيا بغشامه فى الرفرف الى ادامى ودغدغه قمت مطلعله كارنيه الجامعه وقولتله امن دوله ومش هعملك حاجه لو الحوار خلص دلوقت :))))))
وخلصه :)

[ahmedbbb]

يا جماعة المفروض اللى يعمل شويت الشغل دول محدش يسكت وزى مترسى

[himatros]

من هنا ورايح هعمل الشويتين دول

[himatros]

لا على فكره متقلقش دا هو بس تلاقيه كان واخدله شبشبين من البيه الى بيوصله كل يوم هو والمدام والولاد وعايز يطلعهم على حد ويرسم عليه بس :))
انا عملتها قبل كده فى سواق مكروباص دخل فيا بغشامه فى الرفرف الى ادامى ودغدغه قمت مطلعله كارنيه الجامعه وقولتله امن دوله ومش هعملك حاجه لو الحوار خلص دلوقت :))))))
وخلصه :)

مش فاهم يعني طلعت الكارنية بتاع الجامعة ؟
وازاي الحوار يخلص دلوقتي ممكن تعلمني عشان اللي يعملها فيه اعملها فيه ؟

[wesam_salom]

من هنا ورايح هعمل الشويتين دول

بس اوعى تعملهم مع واحد من المخابرات ولا امن الدوله بجد

يبقى مع السلامه

[M_Nabil]

أرسل أصلا بواسطة himatros
من هنا ورايح هعمل الشويتين دول

اوكى بس متعملهاش معايا احنا مش قدك :)

[himatros]

اوكى بس متعملهاش معايا احنا مش قدك :)

طبعا انت متعرفش انا مين ؟

[badry]

لو خايف قول....

اللهم انا نجعلك فى نحورهم ونعوذ بك منشرورهم

ده دعاء ينجيك من شر الناس