الجمعية المصرية للتأمين التعاوني

[tot]

الخبير بعد مالطعنى اسبوع كامل عشان يروح يشوف العربية ، جيت استلمها لقيت فى خبطة لسه فى العتب ، سالت مدير الورشة قاللى التأمين ماوافقش ع الخبطة دى ، اصلا كان عندى 3 خبطات ، فى الابواب و العتب و الرفرف ، حاجة تشل بجد ، الخبير ده اسمه سمير اديب دمترى ، هو تبع الهيئة المصرية للرقابة ع التأمين ، بس الجمعية هى اللى مختاراه اكيد عشان عارفه انه هيوفرلهم كده ، و أكيد بيدوله فلوس زيادة على كده

[mohammed magdy]

طب انت مشفتش المؤيسة بتعتك من الاول

[tot]

شفت المقايسة اللى التوكيل عملها ، بس ماشفتش التشطيب اللى هو عمله ده الا و انا بستلم العربية عشان ماكنتش حاضر معاهم و هو بيعاين ، و المفروض انك ماتحضرض اصلا و الا بقى كنت ابات اسبوع فى التوكيل لحد ماييجى الخبير الزفت ده

[Eng.Salah Mahdy Salama]

و إنت اية بس اللي خلاك تتعاملل معاهم في الأصل؟؟؟

[analyzer]

السلام عليكم
استاذ / tot امامك طريقين :

1- روحلهم فى الشركه وزعق وعلى صوتك وهدد بانك هتشتكى وتصعد الموضوع لاعلى مستوى هيلمو الموضوع ويعملولك الى انت عايزة
2- ظبط ( اسف على التعبير ) مع حد فى الجمعيه وهو هيخلصلك الموضوع ودى اسهل واسرع

والله المستعان

[PAYOO]

Re: الجمعية المصرية للتأمين التعاوني

الخبير بعد مالطعنى اسبوع كامل عشان يروح يشوف العربية ، جيت استلمها لقيت فى خبطة لسه فى العتب ، سالت مدير الورشة قاللى التأمين ماوافقش ع الخبطة دى ، اصلا كان عندى 3 خبطات ، فى الابواب و العتب و الرفرف ، حاجة تشل بجد ، الخبير ده اسمه سمير اديب دمترى ، هو تبع الهيئة المصرية للرقابة ع التأمين ، بس الجمعية هى اللى مختاراه اكيد عشان عارفه انه هيوفرلهم كده ، و أكيد بيدوله فلوس زيادة على كده

الموضوع بكل بساطة انك من الأول كنت تطلب تغيير الخبير لانه تأخر عليك

وأنا مش معاك انك تتهم الشركة بالكامل عشان خبير منتدب قصر معاك في شيء

وعلى أي حال انت تقدر انك تعمل معاينه تانيه مع أي خبير تاني وطبعا هايصلحولك الخبطه حتى لو قلت لهم أن دي خبطة جديده في حادثة جديده
اظن أنهم مش هايرفضوا أنهم يصلحولك حدثتك ، يعني كده كده حقك محفوظ

[mohammed magdy]

هو اكيد من راي ان لو قال كده هتتصلح هتتصلح بس الفكرة ازاي الخبير ينسا خبطة فى العتب مينفعش لانها اكيد واضحة

[معاذ الشرباصى]

هو اكيد من راي ان لو قال كده هتتصلح هتتصلح بس الفكرة ازاي الخبير ينسا خبطة فى العتب مينفعش لانها اكيد واضحة

هو منسيش, هو شاف انها مش مستاهلة تتعمل

[PAYOO]

هو اكيد من راي ان لو قال كده هتتصلح هتتصلح بس الفكرة ازاي الخبير ينسا خبطة فى العتب مينفعش لانها اكيد واضحة

هو منسيش, هو شاف انها مش مستاهلة تتعمل

كلام دكتور معاذ صح

وعلى فكرة من خلال تعاملاتي مع شركات التأمين (من كتر الحوادث إللي الواحد بيعملها) لازم تكون حاضر المعاينه مع الخبير عشان تناقشه

[tot]

أولا هو مانسيهاش ، هو شطب عليها بالاحمر ، ثانيا الخبطة باينة و مستعد اصورهالك و تشوفها ، ثالثا كان مستحيل انى احضر المعاينة عشان ماكنتش اعرف هو هيروح امتى و التوكيل فى العبور ، مش معقول كنت هفضل ابسوع كامل استناه فى العبور كل يوم اروحله يعنى ، رابعا انا طلبت مليون مرة منهم تغيير الخبير الرخم ده بس قالولى مابنفعش عشان هو اللى عاين اول مرة ، خامسا انا عشان اعمل سمكرة و دهان فى التوكيل رحت يوم 30 /6 و حجزولى اول ميعاد يوم 10 / 8 ، ماعنديش استعداد استنى شهرين كمان و يروح خبير و ارجع ادفع و استنى الشيك ، انا هاسيبها كده و خلاص بس مش هسكتلهم برضه هاروح اقرفهم ، و على فكرى انا أمنت عندهم بعد ماقريت الناس هنا و تحديدا payoo بيشكر فيهم ع الوقع ده ، بس بضرب نفسى بالجزمة انى امنت معاهم و مفيش داعى للحذف انا شايف ان هم نصابين ، مش فاهم حذفت الكلمة دى ليه ، ولا انتو شايفين ايه

[PAYOO]

أولا هو مانسيهاش ، هو شطب عليها بالاحمر ، ثانيا الخبطة باينة و مستعد اصورهالك و تشوفها ، ثالثا كان مستحيل انى احضر المعاينة عشان ماكنتش اعرف هو هيروح امتى و التوكيل فى العبور ، مش معقول كنت هفضل ابسوع كامل استناه فى العبور كل يوم اروحله يعنى ، رابعا انا طلبت مليون مرة منهم تغيير الخبير الرخم ده بس قالولى مابنفعش عشان هو اللى عاين اول مرة ، خامسا انا عشان اعمل سمكرة و دهان فى التوكيل رحت يوم 30 /6 و حجزولى اول ميعاد يوم 10 / 8 ، ماعنديش استعداد استنى شهرين كمان و يروح خبير و ارجع ادفع و استنى الشيك ، انا هاسيبها كده و خلاص بس مش هسكتلهم برضه هاروح اقرفهم ، و على فكرى انا أمنت عندهم بعد ماقريت الناس هنا و تحديدا payoo بيشكر فيهم ع الوقع ده ، بس بضرب نفسى بالجزمة انى امنت معاهم و مفيش داعى للحذف انا شايف ان هم نصابين ، مش فاهم حذفت الكلمة دى ليه ، ولا انتو شايفين ايه

يا صديقي أنا مش عاوزك تضايق للدرجة دي وبما أني من ضمن الأسباب إللي خليتك تامن عندهم فأنا على أستعداد أني أروح معاك لأتخن شنب هناك ونخللي عيشتهم سودا وتاخد حقك تالت ومتلت كمان والكلام ده مش طق حنك ولا حاجه تيليفوني أهه لو حبيت اتصل بيا وأنا تحت أمرك وإللي هاقدر عليه هاعمله وربنا المستعان

بس صدقني هما مش نصابين ممكن يكون عندهم عيوب بس مش نصب صدقني

[amrtalaat]

ياجماعة يعنى بلاش الجمعية دى ولا ايه؟؟؟؟؟؟؟؟؟؟
انا لسة حاجز ماتريكس اوتوماتيك امبارح واخترت التاميين يكون تبع الجمعية دى.......
ودة برضة بسبب الخلفية اللى عندى من المنتدى بتاعنا.....طيب لو فية احسن او فية اجراءات للوقاية من مشاكلهم تكون اية ؟؟
يا جماعة انا حاطط ايدى على قلبى والله
مش عايز بهدلة ومرمطة فى غبور من ناحية-زى ما كلنا قرينا المشاركات العديدةمن المعذبون فى مملكة غبور- ومن شركة التأمين من ناحية تانية!!!!!!!!!!!!!
والله دا يبقا حراااااام ..... تكون اللحظة اللى استنتها من 10 سنين واكتر -العربية الجديدة- تكون مليانة سواد وغيووووووم وقرف متوقع ومؤكد!
وانا مش زى حبيبنا بايوو بعرف اواجة العالم المفترية واكشر عن انيابى وكدة...طب اعمل اية؟؟؟؟؟؟؟؟
كدة انا والله اكتئبت ...لاحول ولا قوة إلا بالله