رخصتى اتاخدت يا رجاله

[wesam_salom]

لسه حالا

قاعد فى امان الله

لقيت الونش واقف بيكلبش العربيه

ايه يا عم

قاللى 125 جنيه تدفعهم عند الظابط

ياعم يهديك يرضيك

ابدا

فى الاخر قلت له

وماله ادينى الوصل ومش دافع

قاللى هتدفع 300 جنيه بعد كده

قلت له هبقى ادفعهم بعدين مليش مزاج دلوقتى

منهم لله

يعنى لو مدفعتش ايه اللى هيحصل

مش عارف

[mrghost]

للاسف لازم تدفع فى خلال 3 ايام علشان تاخد الرخصة والا الغرامه بتزيد وطبعا هتدوخ على الرخصه ربنا معاك فى المشوار المنيل ده بس دى اتسحبت فين

[merosss]

ربنا معاك ويسهلك المشوار دة انا مرة مكنتش لاقى ماكن عند الجامعة ولقيت كذا عربية متكلبشة وبعدين لقيت مكان فاضى كدة جنب جنينة الارمان عند اشارة نهضة مصر ولسة بحضن على الرصيف لقيت نفسى بركن قدام عربية نص نقل محافظة وفيها الضابط الى مكلبش العربيات دى وواحدة ست بتكلم معاة رحت واخد بعضى وماشى ولا كانى عملت حاجة

[ابوهاشم]

ربنا يعنك ويقويك عليهم
بس فعلا لازم تدفع قبل 3 ايام علشان ماتضاعفش الغرامه
انت كنت راكن صف تانى ولا فين بالظبط

[2hmed_7osam]

انتا عملت ايه اصلا ؟
وقفت فمكان غلط
ولاصف تاني ؟

[wesam_salom]

انتا عملت ايه اصلا ؟
وقفت فمكان غلط
ولاصف تاني ؟

انا بقى كنت واقف فى مكان غلط

تحت يافطه ممنوع الانتظار

ورا عربيه متكلبشه

الكلام ده فى طنطا

بس الغريب انى كل يوم بركن فى المكان ده

وكان اخرهم الونش ييجى يدينى سرينه اقوله دقيقه واحده وماشى

او بالكتير اخد العربيه اركنها فى حته تانيه

بس اللى عرفته ان كان فيه حد كبير من المرو عدى من الشارع وقالهم الشارع كله راكن مخالف


هاتولى رخصهم كلهم

علشان كده مكانش عندهم اى تفاهم

يالا مش مشكله

مراحتش لحد غريب

من المرور والى المرور تعود

[sasatony]

ربنا معاك ياباشا دي مشورة مايعلم بيها الاربنا

[smsmbakr]

ربنا معاك ياباشا دي مشورة مايعلم بيها الاربنا

ربنا مععععععععععااااااااااااااااااااااك

[khpopo]

ربنا يرحمنا جميعا

[sh23]

انا بقى كنت واقف فى مكان غلط

تحت يافطه ممنوع الانتظار

ورا عربيه متكلبشه

*****
واقف تحت اليافطة ؛ وكمان أمامك عربية متكلبشة
بعني كان ناقص أنك تطلع لهم لسانك
زعلان لية بقي إنهم سحبوا الرخصة

[m000dy]

باشا ليه 125 جنيه
انا متكلبش امبارح قدام نايل سيتى ودافع 41 جنيه وماكانش معايا جنيه فكه فاخد 40 بس
نياهاهاهاهاها كلت على الحكومه فلوس
ليه بقى 125 ؟؟

[wesam_salom]

*****
واقف تحت اليافطة ؛ وكمان أمامك عربية متكلبشة
بعني كان ناقص أنك تطلع لهم لسانك
زعلان لية بقي إنهم سحبوا الرخصة

اصلى بقف كل يوم فى نفس المكان

وبعدين انا عارف ان المخالفه اقل من كده

وبعدين انا عارف انى غلطان

بس هجيبها

[wesam_salom]

باشا ليه 125 جنيه
انا متكلبش امبارح قدام نايل سيتى ودافع 41 جنيه وماكانش معايا جنيه فكه فاخد 40 بس
نياهاهاهاهاها كلت على الحكومه فلوس
ليه بقى 125 ؟؟

ما هو ده اللى انا مش فاهمه

انا اعرف انها 25 جنيه

بس طبعا كانت الرخص كتير جدا

ومحدش كان فاضى يشرح

وقاللى كل الناس بتدفع اهيه

قلت له لاء خلى الرخصه معاكم

مش هتروح لحد غريب اهى فى بيتها برده

وانا هجيبها من غير ما ادفع ولا مليم

[أشرف فتحى]

ما هو ده اللى انا مش فاهمه

انا اعرف انها 25 جنيه

بس طبعا كانت الرخص كتير جدا

ومحدش كان فاضى يشرح

وقاللى كل الناس بتدفع اهيه

قلت له لاء خلى الرخصه معاكم

مش هتروح لحد غريب اهى فى بيتها برده

وانا هجيبها من غير ما ادفع ولا مليم

طالما تقدر تجيبها من غير فلوس يبقى انت اتصرفت حسب القانون المعمول بيه فى دولتنا النظيفه
ربنا يقويك

[MohaMed_Refaat]

مش عارف اليومين دول فى شوية حركة غير اعتيادية فى طنطا

شكلهم عاملين كمين كبير للناس بعد مكسرو البلد تكسير ودشوها حتى اصبح الاسفلت لا يرى بالعين المجردة ومازال الحفر مستمرا الى ماشاء الله :(

بس عامة غريبة شوية لانهم فى طنطا معروف اخرهم سرينة او 2 ويقوللك اطلع ياباشا ممنوع الركن هنا انت شكللك ركنت فى ش البحر او سعيد او المديرية .... ..