If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
ماهو القانون الجديد دة اتعمل علشان الرشاوى تبقى كبيرة
يعنى الحاجة اللى كنت تدفع عليها 10 جنية بقيت تدفع 100 جنية وكمان مايبقاش عاجبة
ربنا يرحمنا من الناس دى
نفس المكان ...بس مش نفس الموقف بالظبط
إللى حصل إنهم كانوا مغيرين نظام الشوارع جديد
و أنا ما أعرفش
لكن لاحظت إن فيه يفط ممنوع الدخول وضعت جديدة على بعض الشوارع بالفعل و كنت ماشى هادىء جدا علشان أستوعب التغيير لكن لما دخلت الشارع ده لم ألاحظ أى يافطات
و اتمسكت بنفس الطريقة.... طلعلى البيه من على الرصيف و نط قدامى لدرجة إنى اتخضيت و وقفت فجأة لإنه فعلا ظهر من العدم كإنه صقر بينقض على فريسته...بس كان فيه ظابط و لجنة فعلا و خلص الموضوع ب 30 جنيه
أنا ما شفتش اليافطة ليه ؟؟.....عربية شيروكى واقفة على الناصية ( الملف ) و كمان صف تانى حنبها عربية نقل بصندوق عالى مغطيين على اليافطة بشكل يستحيل أى حد راكب فى عربية فى الشارع يشوفها....و طبعا مهما تتكلم فى إن فى عربيتين مخالفتين هما السبب و الكلام ده كله مالوش لازمة... ساعتها كانت الغرامة 100 جنيه أفتكر..فأنا قلت اعتبرها غرامة 30 جنيه فورى أحسن من البهدلة بتاعت الاستلام بعد السحب و ال 100 جنيه و طبعا " حسبى الله و نعم الوكيل " أولا و آخرا...
[CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
[SIGPIC][/SIGPIC]
[URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
[/CENTER]
على فكرة يا جماعة أنا حصل معايا نفس الكلام في نفس المنطقة اللي ورا مول العصر و بيسيبوك تدخل و بعد كدا يقاولوك و بعد ما يقفشوا منك يقولولك انت مسامح في الفلوس و لا لأ
الله يخرب بيتهم و يخرب بيت اللي مسلطهم علينا
ياجماة انا بروح هناك كتير بس عمرى مقبلتهم مع انى حاسس انى هقبلهم المرة اللى جاية بس المشكلة فعلا هناك تحس انك فى متاهة وفعلا انا لغاية دلوقتى مش عارف كل شارع اتجاه إيه !!! فيه يفط بس مش فى كل الشوارع ده اللى لاحظتة !!! الحل إيه مروحش بالعربية هناك تانى ؟؟؟
هو فعلا بشوف امين شرطة هناك وعسكرى بيكون واقف قدام الصنية الصغيرة وفي فعلا بعض يفط ممنوع الدخول بس اول مرة اسمع الحوار دة، المهم ياجماعة محدش يطلع رخص الا لضباط المرور فقط
أنا معاكوا فى مسألة ما تطلعش الرخص إلا للظباط...لكن لما حصلت معايا كان فعلا فيه ظباط و لجنة طويلة عريضة.....و ماشوفتش اللجنة الكريمة غير لما نزلت على رجلى لإنهم واقفين فى شارع تانى و فى منتصف المسافة بين أول الشارع و آخره...يعنى ما تشوفهمش إلا لما تكون واقف باصص على الشارع ...هل تغامر و ترفض تسليم الرخص إلا للظابط و تكبر الموضوع و النهاردة الموضوع بقى فيه حبس و الذى منه و لا تدفع المعلوم ( و إنت مسامح ) ؟؟؟....سؤال محير...
أنا عن نفسى مش هأسمح إنى أتمسك بالجرم المشهود ...لإنى عمرى ما بأعملها إلا شديد الاضطرار و بحرص على المشاة قبل المركبات الأخرى....لو حصل و اتمسكت يبقى فى حالة من حالات الاستهبال زى شارع داخلى مش باين اتجاهه ...أو اليافطة مستخبية و راء شجرة جميز عمرها 100 سنة فبتالى يا إما المعلوم يا إما الهرب ...لكن اتحبس ظلم علشان واحد عايز قرشين و فى إيدى أهرب....يبقى أهرب أيا كان الثمن
[CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
[SIGPIC][/SIGPIC]
[URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
[/CENTER]
شكرا يا باشا لتوعية الناس.. هنوصل لايه تانى يا بلد!!! طبعا هما مستغلين ان الغرامات و المخالفات ارقامها فلكية و بالتالى هتضطر تدفع لكن ربنا موجود. و ايه رأيكوا ان الواحد بعد ما يرشيهم يبلغ عنهم و يقول اداهم كذا, بس المشكلة ان القضية تتعمله هو
حسبي الله و نعم الوكيل بجد و الله المفروض حرامية الحلة دوول يتاخدو كلهم و يترموا في الصحرا علشان البلد تنضف شوية مع الاحترام للامناء المحترمين (اذا كانوا موجودين اصلا)
ربنا يتولنا
هو الأمين النصاب اللي موجود في دخلة الشوارع اللي عند سوق العصر و مول الكمبيوتر. انا من الشرقية و كنت مرة هناك و لكن قبل القانون المتعدل. و برضوا طلعلي موش عارف منين و بيقولي انت داخل مخالف و لأني غريب و الشوارع بالنسبة لي ملعبكة موش هفتكر فين بالظبط هناك بس هي في الحتة دي، و كل اللي فكره اني كنت متأكد إن مافيش يوفط تمنع الدخول في الشارع و لا هباب.
المهم حضرت النصاب ده قاللي الرخص و من غير ما اسئله ليه دورتله عليهم و اديتهمله و لكن و انا ببص و ببحلق في عينيه و ركنت العربية و نزلتله، قولتله ايه اللي حصل؟ و برضوا وانا ببص في عينيه الاتنين و ببحلق و انا رايحله طلعت الموبايل من جيبي و مسكته في ايدي، قاللي انت داخل مخالف. قلتله مخالف ازاي؟!!! الشارع اوله قدمنا اهه و ما فيش اي يافطة تمنع الدخول قاللي بس هو مخالف، قلتله يا افندم لما يبقى فيه يافطة يبقى مخالف و على العموم انا غريب وشوف حضرتك عاوز تعمل ايه. و ما لمحتيش من قريب و لا بعيد اني ممكن اديله حاجة ولا محتاجة (يعني لو جدع اعملي مخالفة سير عكس الاتجاه) .
المهم حضرته ما عملشي حاجة و قاللي ما عوتش تدخل من الشارع ده تاني و اداني الرخص.
الخلاصة بالنسبة للناس اللي هناك ممكن حد يعمل فيه بلاغ في النيابة و ممكن تبعتوا فيه شكوى في الرقابة الادارية و تتهموه بفرض اتاوات و رشوة هو و الظابط اللي بيقف معاه، لأن شكلها كدة مطبخة مع الظابط. و كمان فيه مصلحة التفتيش في وزارة الداخلية.
[RIGHT][FONT=Arial][B]مع وافر تحياتي،[/B][/FONT][/RIGHT]
[RIGHT][B][FONT=Arial][URL="http://saidbakr.blogspot.com"]سعيد بكر[/URL][/FONT][/B][/RIGHT]
[RIGHT][FONT=Courier New][SIZE=2][COLOR=indigo]معاً نؤيد حملة [FONT=Tahoma][SIZE=3][COLOR=seagreen][B]خلوها تصدي[/B][/COLOR][/SIZE][/FONT] ، من أجل مجابهة الجشع و الاستخفاف بالعقول.[/COLOR][/SIZE][/FONT][/RIGHT]
Comment