إعـــــــلان

Collapse

.

,
See more
See less

امانه ضابط شرطه في مرور الحدائق

Collapse
X
 
  • Filter
  • الوقت
  • Show
Clear All
new posts

  • امانه ضابط شرطه في مرور الحدائق

    خبر منشور في جريد الاخبار النهارده تحت عنوان (كمين في مرور الحدايق ) وبيقول : (وقف المقدم محمد ناصف ظابط مباحث مرور شرق القاهره في طابور طويل يريد تجديد رخصة سيارته في اداره مرور حدائق القبه وكانت عيناه تتابعان احد الموظفين كلما وصل اليه شخص جديد وهو يهمس اليه بكلمات يحصل بعدها على المعلوم وعندما جاء الدور على الشخص الذي يسبقه في الطابور لاحظ انه وضع مبلغا ماليا في الملف وعلى الفور امسك بيد الموظف وهو يطبق بيده على الفلوس كما قام بضبط صاحب السياره الذي قدم الرشوه واحيل المتهمان الي نيابه حدائق القبه التي قررت الافراج عنهما بكفاله 500 جنيه عن كل منهما ).......... تحيه الي هذا الضابط الشريف وربنا يكتر من امثاله اللي بيهم البلد هتتصلح ...وعالفكره انا عارف الموظفين المرتشيين اللي هناك لاني جددت مرتين هناك وعربيتين مختلفتين ...وللاسف دفعت الرشوه مرتين غصب عني والله ...وربنا يسامحني

  • #2
    واحد من مليون شكرا ليك
    [CENTER]


    [IMG]http://g.imagehost.org/0579/509519_71_full.jpg[/IMG]
    [/CENTER]

    Comment


    • #3
      فكرتنى بموقف كان حصلى وانا امام الموظف اللى كان بيخلصلى ورق الرخص بتاعه القياده وكنت بقوله يكتبلى فى الرخصه ان انا صيدلى لان البطاقه بتاعتى كانت قديمه ومكتوب فيها حاصل على ثانويه عامه
      فلقيته بيقولى يعنى انت صيدلى طب متشوفنا بحاجه كده

      قلتله طب خلاص اكتبهالى حاصل على ثانوية عامة
      [B][FONT=Garamond]قال رسول الله صلى الله عليه وسلم[/FONT][/B]:"[U]اضمنوا لى ست من أنفسكم أضمن لكم الجنة[/U]
      [COLOR=#1988d1][B]اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم[/B][/COLOR]" [B][FONT=Garamond]صدق رسول الله صلى الله عليه وسلم -صحيح البخارى ومسلم-[/FONT][/B]

      Comment


      • #4
        يارب الباقيين يتعدوا منه
        [CENTER][URL]https://www.facebook.com/NMTechShop/[/URL] [/CENTER]

        Comment


        • #5
          هوة على فكرة كان بيمارس شغله كظابط مباحث مرور
          بس لازم نشكره
          لانه كان ممكن يجدد الخصة وهوة فى مكتبه
          بس اختار انه يقف فى الطابور ويتعب نفسه
          A.Saad

          Comment


          • #6
            انا عندي عربيىة تبع مرور حدائق القبة و لسة مجدد الرخصة من شهر تقريبا شوف بقي النظام:
            روحت الساعة 9.30 علي مرور الوايلي الي كان تبع لية العربية قبل نقلها للحدائق علشان اطلع المخالفات لقيت عندي 500 جنية مخالفات فقولت للموظف عايز اخفض فقالي اطلع علي الدراسة و اكتب تظلم هيخفضوهالك في اقل من نصف ساعة للاسف سمعت الكلام و روحت علي الدراسة لقيتهم بيقولوا نصف ساعة اية دية النتيجة بعد 3 او 4 ايام فرجعت علي الوايلي و دفعت ال500 جنية.طلعت بعد كدة علي مرور الحدائق علشان اكمل عملت فحص علي العربية ( علما انها مش سنة فحص بس علشان هما فصلوا مرور الوايلي عن الحدائق اي عربية لازم تتفحص زي ما يكون مرور الوايلي غير تابع لجمهورية مصر العربية و الفحص القديم غير معتمد) مش مهم انا بردة كنت متأخر و عديت فترة السماح فكان لازم افحص, دفعت للواد بتاع الطفاية علشان يمضي ورق الطفاية و خلعت النمر علشان النمر الجديدة و دفعت التأمين و ضريبة و ثلث غرامة تأخير و 120 ج تمن النمر الجديدة و روحت اسلم الملف لقيتهم بيقولوا لازم تجيب صورة البطاقة للمالك القديم علشان المرور اتفصل عن الوايلي فملف العربية لسة في الوايلي!!!!! ( العربية فيها توكيل ) المهم العربية شريها من واحد صحبي كلمتة و جبت منة صورة البطاقة, ورجعت اسلم الملف( الساعة كانت 4 و المشاوير الي عملتها 1 الوايلي ,2 الدراسة , 3 الوايلي ,4 الحدائق ,5 بيت صحبي ,5 الحدائق تان)المهم لاقيت الموظف بيقولي لا لازم بقي تجيب شهادة بيانات علشان الرخصة منتهية. قولتلة يا بية العربية زي ماهية و لسة عامل فحص و دافع مخالفات و بعدين انتوا الي فصلتوا المرور مش انا الي غيرت سكن و لا حاجة اية لزمة شهادة البيانات؟ فالموظف قال ادخل كلم الرايس, دخلت قولتلة نفس الكلام قالي لازم الشهادة قولتلة يا بية انا من 9.3 الصبح و خلصت كل الاجراءت كدة مش هخلص النهردة لاقيتة قام مزعق" انتوا تركبوا عربيات و تيجوا عايزين نخلصوا و تجروا!!!!!"بصراحة مقدرتش امسك نفسي و فتحت الجعورة علي الاخر, لقيت الضابط جاي " اية الزعيق دة " حكيتلة الحكاية ام قايل طب اتفضل علي الشباك و اخد الملف و خلي الوظف يخلص من غير شهادة البيانات. فضلت مستني لحد الساعة 6.45 مساء لحد لما ندوا عليا و علقوا اللوحات الجديدة و استلمت الرخصة..
            يعني اضيع 9 ساعات و اروح 5 مشاوير علشان اجدد رخصة حتة عربية كل دة علشان مرور الحدائق اتفصل عن مرور الوايلي !!!!!!!!
            دة طبعا النظام الجديد المعدل بتاع الحكومة الايلكترونية.

            Comment


            • #7
              طب الراجل الغلبان اللي دفع الرشوة مضطر و غصب عنه و ورقه ماكانش حايمشي إلا بالطريقة دي
              ذنبه إيه يتبهدل و يروح النيابه و يدفع 500 جنيه غرامه
              عايزين يتشطروا قوي خليهم يتشطروا على مافيا المرور مش على الناس اللي ملهاش ذنب اللي بيجددوا رخصهم

              Comment


              • #8
                البلد دى حالها مش حيتعدل بالطريقة دى
                لازم نشوف اية اسباب المشكلة ونحلها مش ندور على موظف غلبان ونقول هو ده السبب فى كل البلاوى
                المثل بيقول يا فرعون ايش فرعنك
                تفتكروا بعد الواقعة دى الرشوة حتقل ؟؟؟؟؟؟؟؟؟؟؟؟؟؟؟؟؟؟؟؟؟
                مين اللى يستحمل كل ده
                [URL="http://www.0zz0.com"][/URL]

                Comment


                • #9
                  في السعوديه بتعمل نفس الاجراءات في نص ساعه (بعد دفع الرسوم عن طريق الانترنت وانت قاعد في بيتك)
                  وسلملي علي الهرم وابو الهول.

                  Comment


                  • #10
                    هوة ده الكلام بس الراجل اللى دفع الرشوة المفروض ميدفعش 500 جنية غرامة :)
                    [CENTER][SIZE=6][B][COLOR=Blue]خلوها تصدى وموديلها يعدى[/COLOR][/B][/SIZE]

                    [mtohg=null]http://i647.photobucket.com/albums/uu192/bishoy02010/651654076.jpg[/mtohg]
                    [/CENTER]

                    Comment


                    • #11
                      المشاركة الأصلية كتبت بواسطة hisham343 مشاهدة المشاركة
                      في السعوديه بتعمل نفس الاجراءات في نص ساعه (بعد دفع الرسوم عن طريق الانترنت وانت قاعد في بيتك)
                      وسلملي علي الهرم وابو الهول.
                      وفى مصر برضه لو معندكش فحص
                      مين اللى يستحمل كل ده
                      [URL="http://www.0zz0.com"][/URL]

                      Comment


                      • #12
                        شكرا اخي العزيز على الخبر ...

                        Comment


                        • #13
                          الفحص في السعوديه بالكمبيوتر وفي نص ساعه كمان
                          الاساس في الموضوع
                          محدش بيطلب منك رشوه
                          محدش بتتعمله واسطه
                          بتبقي عارف هتخلص امتي يعني حكم وقتك
                          وعلي فكره زحمه اكتر من ازحم مرور في مصر (في الرياض)
                          لكن نيه الناس ايه
                          تعاقبك وتقرفك وتطلع روحك
                          الناس هناك بتحاول تحللك مشاكلك مش تعقدك
                          وخلينا فاكرين اننا اصحاب حضارة مش عارف كام سنه
                          وبعدين اخونا اللي قعد في المرور 9 ساعات ....ليه؟؟
                          وليه ناس مش عارف عايزين يعاقبوه ولا ايه وكانوا عايزين يفسحوه تاني
                          وجه الضابط وامرهم يخلصوله طب ليه التعقيد من الاول
                          وبعدين الناس اللي بتعقد دي ليه مبتتعاقبش
                          علشان غلابه وحرام يتجازوا
                          ولا علشان مفيش رقابه
                          والبشوات قاعدين في مكاتبهم وفاكرين ان كله تمام يا ريس.

                          Comment


                          • #14
                            النهارده وانا براقب على امتحانات طلبة الماجستير كنت بامنع واحد انه يغش فسألنى بأسلوب المعتذر: هو كل حاجة فى مصر صح ماعدا اللى بعمله؟
                            قلت له : كل واحد يقدرعلى حاجة صح يعملها

                            تحية طبعا للضابط ده - رغم صغر حجم تدخله - لكنه قطرة ، وقطرات كثيرة قد تصنع سيلا

                            Comment


                            • #15
                              المشاركة الأصلية كتبت بواسطة moudy88 مشاهدة المشاركة
                              خبر منشور في جريد الاخبار النهارده تحت عنوان (كمين في مرور الحدايق ) وبيقول : (وقف المقدم محمد ناصف ظابط مباحث مرور شرق القاهره في طابور طويل يريد تجديد رخصة سيارته في اداره مرور حدائق القبه وكانت عيناه تتابعان احد الموظفين كلما وصل اليه شخص جديد وهو يهمس اليه بكلمات يحصل بعدها على المعلوم وعندما جاء الدور على الشخص الذي يسبقه في الطابور لاحظ انه وضع مبلغا ماليا في الملف وعلى الفور امسك بيد الموظف وهو يطبق بيده على الفلوس كما قام بضبط صاحب السياره الذي قدم الرشوه واحيل المتهمان الي نيابه حدائق القبه التي قررت الافراج عنهما بكفاله 500 جنيه عن كل منهما )
                              جزاك الله خيرا ياباشمهندس محمد على الخبر اللى يدعوا للتفائل ده!
                              بس با جماعه عندى ملحوظه مش قادر اعديها!
                              اولا الخبر منشور فى الاخبار ومش هقول فى النقطه دى حاجه تانى!
                              ثانيا الظابط بتاع مباحث المرور هيقف فى الطبور يجدد رخصته؟؟؟؟؟؟؟؟؟؟؟؟؟!!!!!!!!!!!!!!!!!!!!!!!
                              إن لم تكن مستحيله فهى صعبه جدا جدا جدا على فرض ان رخصته مش على مرور الشرطه زى ضباط الجيش مهم تبع مرور الجيش!
                              كمان محدش هناك عرفه؟؟؟!!!
                              ولا حتى عسكرى من بتوع الخدمه وهو داخل؟؟؟؟
                              دا لما بيكون فيه مرور فى المطار بتلاقى العساكر عارفين قبل الضباط! وكله تمام التمام !!!
                              كمان مد ايده ومسك ايد الموظف اللى مسك الفلوس اللى كانت فى الدوسيه واللى بيبقى عنيه فى وسط راسه؟؟؟طب إزاى؟
                              الشباك بيبقى يادوب على قد الورق وايد الشخص اللى بيقدم ودى وسيله من وسائل التعذيب فل المرور ومعروفه ولو معملوهاش هيلاقوا الموظفين كل يوم بعنين وارمه واسنان واقعه من الجمهور اللى مش عايز يستنى 9 ساعات لغايه ما ورقه يخلص!!!
                              كمان......أقولك كفايه كده عشان محدش يقول بيتفزلك وعامل فيها شيرلوك هولمز!
                              من الاخر الخبر ده متفبرك ومعمول مجامله للضابط !!
                              واحنا ولا هنروح نسأل فى المرور ولا النيابه هنقول بس ربنا يكتر من امثاله!!!
                              وادعوله..ادعوله....يعمر بيت ابوه!
                              [SIGPIC][/SIGPIC][CENTER]
                              [/CENTER]

                              Comment

                              Working...
                              X