سؤال عن الطرق المصريه

[KIA_SEPHIA_2001_K]

السلام عليكم

وانا قاعد مع نفسى وبتفرج على فديوهات لانواع السيارات والدرجات
لقيت انهم مش بيمشوا على طرق دول اكنهم طايرين مفيش مطب ولا
حفره واحده حتى الطرق الى فين وفين بتمشى فيها سيارات
متظبطه احسن من الطرق الرئيسيه عندهم
والكلام ده مش فى الدول الاوربيه فقط لا فى الدول العريبه كمان واولهم السعوديه
سؤالى بقى ليه احنا كمان الطرق بتعتنا متكنش بالمستوى ده مفيش فواصل مفيش مطبات هوا مفيش حفر او بلاعات او ظلط او ارصفه فى نص الطريق ولا سور متكسر ويا ويلوى لو حد ماشى فى الشمال

لينا حق نعمل حوادث فليه بجد الطرق بتعتنا متكنش بالمستوى ده
انا ساعات بشوف على الدائرى حطين امقاع عشان بيركبوا فاصل خرج من الاسفلت
يقعدوا اسبوع ويشيلوا كل حاجة وتلاقى الفاصل تمام اوى متحسش بيه:k49: لمده اسبوع
وبعد كدا ترجع تشتم فيهم وغير كدا ايه تلاقى قبل الفاصل اسمنت وكلاكيع مطرحم
فهل ده سياسه عشان محدش يجرى

[Imhotep]

معلش بس نقطة صغيرة هو ان اغلبية الحوادث تحدث ليس بسبب سوء الطريق مع ان هذا فعلا عامل مهم، انما تحدث بسبب رعونة السائق و امراض القيادة المصرية العتيدة..... و نسأل سائقى التريلات و الميكروباصات

[iBiZa]

سؤالى بقى ليه احنا كمان الطرق بتعتنا متكنش بالمستوى ده مفيش فواصل مفيش مطبات هوا مفيش حفر او بلاعات او ظلط او ارصفه فى نص الطريق ولا سور متكسر

عشان سببين:
1- ان مافيش عندنا تنسيق بين الناس اللى بتحفر و الناس اللى بتسفلت.
2- الناس عايزة تاكل عيش (و انت فاهم طبعا).

[mrghost]

ياباشا كله عاوز ينجز لسه بعد مايحفر يرجع يسفلت تانى ولا يردم
مش حف روكسر فى الاسفلت وركب اللى كان عاوز يركبه خلاص كده كتر خيره ولا هيقطع نفسه يعنى !!!!!!!
ولا هو طمع وخلاص

[ابوهاشم]

انا متهيألى لو مشيت فى طرق زى دى مش هعرف اسوق
انا خلاص اتعودت على المطبات والحفر والنقر والبلاعات
وحفظتهم كمان موجودين فين بالظبط وعددهم كمان
بس يارب مايكونش فى جديد تانى

[KIA_SEPHIA_2001_K]

كلام جميل واللهى

ليس بسبب سوء الطريق مع ان هذا فعلا عامل مهم، انما تحدث بسبب رعونة السائق و امراض القيادة المصرية العتيدة

كلام جميل ومقدرش اقول عليه غلط بس معلش لما اكون ماشى وافجأ بحفره اضطر انى اكسر يمين او شمال ويكون واحد جى من ورى ده سبب

ولا انهادره وانا راجع لقيت لانوس فى نص الطريق ومرفوعه من ادام عارف ليه
حفره نزلت فيها خلت الكاتوش يخبط فى الرفرف واتكسر الاكس لو قولنا انوا راجل حمار
طيب المطب ليه ولا الحفره تكون موجوده ولا تكون ماشى ومره واحده الى قدامك يفرمل لقى مطب
وياريتو مطب ده ناس مسكت شويه ظلت ورمل ورموها عشان يبطئوا السرعه
ولا من غير يفظ ولا نيله
طريق اكتوبر لو بتمشى عليه اتعمل فيه مطبات وتشكر الحومه عليه مريحه وكان لازم يتعمل فيه عشان السرعه والحوادث

بس فى يفط مفيش ولا يفطه تحذير قبل المطب بيكون فيه خطوط برتقالى قبليه بفتره عشان ياخد بالوا
هتلاقى وانت ماشى خطوط دليل على مطب وتهدى وتلاقى مفيش حاجة والى انت مش عارف غيرك عارف هتلاقى واحد بيشتمك بالكلكس امشى يا حمار

1- ان مافيش عندنا تنسيق بين الناس اللى بتحفر و الناس اللى بتسفلت.
2- الناس عايزة تاكل عيش (و انت فاهم طبعا). __________________

كلام تمام بس لازم يكون فى وقفه

مش حف روكسر فى الاسفلت وركب اللى كان عاوز يركبه خلاص كده كتر خيره ولا هيقطع نفسه يعنى !!!!!!!

طيب فين المراقبين اما احنا عاملين وزاره المواصلات ولا الطرق والسفلته ليه
عشان يبوظوا ده كلام سليم بس سلبى

انا متهيألى لو مشيت فى طرق زى دى مش هعرف اسوق

واللهى انا بحبك لله فى لله ديما بشوف مشاركاتك جميله زيك عارف كان فى موضوع تحب تسوق فى اوربا ولا السعوديه

قولت ولا طريق لانى لو رحت هناك فعلا مش هعرف اسوق وهتهرى مخلفات

[KIA_SEPHIA_2001_K]

احنا ليه يا جماعه منطلبش بطرق سليمه

[amrico]

احنا ليه يا جماعه منطلبش بطرق سليمه

عشان اتعودنا نعيش مقهورين

[KIA_SEPHIA_2001_K]

هههههههههههه يا التافئل ده

احنا عندنا طريق بعد محطوا عليه الطوب والذفت الى بيحطوا علي الطوب

متسفلت بس عارف العريبات سفلتتو وكبروا دمغهم انهم يسفلتوه دلوقتى العربيات من كتر مشيها الطوب اتساوى
بس لو هتمشى عليه ممكن تلاقى رفرف اتخلع من الرجرجه او الكاسيت طلع من مكانوا ههههههههه

المهم لازم بجد الموضوع ده يتشاف ليه حل

[Samir Elshahawy]

مرة كنت في فرنسا و كنت متجه من مطار "نانت" الي بلدة صغيرة علي الساحل الغربي أسمها "مونتوار" و مش عايز أقولك الطريق كان عامل أزاي , لدرجة أني طلبت من السائق أني أسوق و فعلا الراجل سمح لي بذلك

مش ممكن العربية كانت "كيا - كارنيفال" بس حسيت انها غير العربيات الكيا اللي في مصر و السبب هو اختلاف الطريق و جماله - اللي مايعرفش يسوق يتعلم السواقة و علي نظافة

[smax]

موضوع ممتاز احيك علية.
بس انا مش عارف نعمل اية علشان نضعط علي الاحياء او الحكومة علشان تسفلت الشوارع عدل؟؟؟؟؟؟؟؟؟؟؟
ياريت اقتراحات!

[SeiffoZ]

يوجد فى دول العالم المتحضر صيانة دورية للطرق ...
و لكن بما إن مصر مافيهاش نظام أصلا ...
يبقى مافيش الكلام ده !

[Terrible_DaRsH]

هو فى اساسا طرق نمشي عليها لما نطالب بتحسينها !!

ده المطب ما شاء الله بيديك احساس انك راكب لعبه من الالعاب الصاروخية فى دريم بارك .

و لا لما تاخد حفرة بنت حلال ياااااااااه على الاحساس اللى العالم كله محروم منه ما عدا المصريين .. تحس انك بتقفز من غرفة نومك على البسين فى مارينا ...

و لا مطلع كوبرى العباسية و انت جاى من امتداد رمسيس . مش ممكن يتوصف احساس المراجيح الجميلة خصوصا لو راكب عربية قديمة شوية ....

هى دى مصر .

[SeiffoZ]

أصلا أنا وصلت لحالة إنى بقيت أكسل أفرمل لما أشوف مطب ... و بقول مطب ... ييياه فاكس بقى فرمله !

[ehab4367]

سوء الطرق
السرعة
عدم التركيز
خطا الغير
اهم اسباب الحوداث